十月一日的晚上，我和兒子在家看煙花電視直播。原來，南丫島有百多人正在面臨生死…
十月二日的中午，我和兒子在家看新聞報導。看到如此令人心痛的畫面，摟著兒子百感交集…
願死者安息，傷者痊癒，生還者和家屬走出劫後陰霾…
2012年10月1日 星期一
我不是火星怪獸
見CK兄講親子功課，激發起菲菲一些想法，在這裡抒發一下。
菲菲的兩個兒子都在上幼稚園，大仔四歲上K2，細仔兩歲上N班。學校每年都有幾件例行「親子功課」，包括︰中秋花燈、新年吊飾，每年兩次的專題習作 (大仔上年做了筆筒和船)，仲有每週新聞分享。
當大仔上K1時，菲菲真係大開眼界，其他家長做出黎的功課真係要拎去 gallery 度展覽，我想用鬼斧神工黎形容，究竟係點整出黎 ga？再望下我地果份真正的親子功課，要拎出黎交比老師時要提起好大勇氣！加上菲菲冇做勞作的天份，無論我點努力去幫個仔出貓都做唔到貼近市場指標的作品，真係好氣餒！小朋友係識得分辨咩叫美麗，每次有親子功課要交時我都好大壓力。大仔拎住自己件「作品」，再睇下人地D「展品」，高下立見。你話沒有比較就係呃人的，呢D係天性，唔係你同佢講只要盡力去做就可以。小朋友都有自己的思想，佢知道自己努力過後都係陪跑，咁細個就要面對如此挫敗真係好無奈。佢唔係比其他小朋友差，係佢亞媽唔夠人地亞媽揮，咁輸法真係好唔抵。
一年過後，菲菲已經唔再為親子功課而費神，只要交出不太樣衰的功課就算數。
今年K2，小朋友多左抄寫功課，聽好多家長講係最辛苦的時候，因為要花大量時間去督促小朋友寫好D字。未上K2時菲菲都有D擔心，究竟係邊個讀書呀？做家長仲辛苦過返學果個？我仲要有三個小朋友，我未仲辛苦過返三份工？好在，大仔好快就可以完成抄寫的功課，寫出黎D字都好整齊，完全唔需要我擔心，佢自己都好有滿足感！所以今年細仔上N班，所有親子功課我都會用輕鬆的心情看待，由得細仔自由創作，交左一個「不加思索」的燈籠，我又覺得幾有趣丫！細仔又好開心，反正一定沒有獎項，不如當遊戲玩下就算。
*****
講開親子功課，少不免又講下課外活動。
而家好似有不成文規定，小朋友在幼稚園時已要上不同興趣班，幫助小朋友有培養多種技能，令小朋友更易升上心儀小學。菲菲的大仔有學普通話 (因他的幼稚園沒有普遍話學)、打鼓和跳舞。星期六大仔上普遍話和打鼓，一般小朋友入了課室之後，家長們都會茶聚，等夠鐘就接小朋友下課。
剛過去的星期六菲菲亦有參興家長們的茶聚，原來我係一名懶惰的家長。他們會讓小朋友上兩間幼稚園 (一間上午校，一間下午校！)，星期六日又會安排各式各樣的興趣班，令小朋友的時間表密不透風。學習的範圍廣泛，四歲小孩已學四至五種語言，又有畫畫跳舞，又有運動項目，實在令人咋舌！有某家家長話個女在家唔肯練習，認為個女唔聽話，正在諗緊點教好個女。比著我都唔肯練啦，氣都冇得抖，仲有心機練咩！
家長們認為菲菲不夠積極，沒有為小朋友舖路，係一名不夠負責任的家長。但係在菲菲眼中，佢地彷彿係來自火星的怪獸，把小朋友當成甚麼了？是滿足虛榮的工具還是真心為他們著想？大家的分歧太大了，根本係搭不上咀。
又有家長為了讓小朋友入讀教會學校而改信基督教，勉強自己返教會，這又是甚麼風氣？菲菲和老公都不是基督徒，對基督教係抱著尊重的態度，絕對不會勉強自己去扮基督徒。如果真係相信基督教而受洗，係一件光榮的事。但係為左幫小朋友舖路，佢地對宗教似乎欠缺了基本的尊重。家而D父母好似好愛錫子女，出發點係冇錯，不過手法就不敢苛同了。
做家長的懂得不隨波逐流，才會教導出真正有思想和主見的下一代。菲菲相信這樣才是一個真正負責任的家長。
2012年9月28日 星期五
手拖手
上星期菲菲和老公出席了一個應酬活動，場內大部份的人我們都不認識，亦沒有太大興趣去認識，只是比面朋友出席，好讓她對大會有個交待。呢個活動係一個商業組織的一週年晚宴，會員全部都係跑緊數的人，大家聚在一起就係希望吸納更多 referral，以互動的關係去增加生意。本來呢個概念是不錯的，但係會員要比五位數字的入會費，每星期必須要帶一位新朋友出席活動，以便大會可以吸納更多會員。會員本人的生意有否增長係一個未知之數，不過大會肯定有錢賺。會員大多數係保險、傳銷或小小企，對我們的生意幫助不大，所以純粹係一個比面派對，好讓朋友在晚宴交足人頭，唔駛比會長白眼。
老公係做風水師，會員們對呢位異類亦不大感興趣，所以席間我地兩個自己傾計食飯，大會進行咩環節都好似唔關我地事咁。好不容易到散席時，我地就離開會場歸家去。我地習慣了手拖手，有些人用好奇異的目光注視我們 (兩公婆拖手好平常之嘛，唔駛咁出奇掛？)，終於有一位女士走黎講左句︰「你地都好恩愛喎，拖住手咁行，比著我就一腳伸開個老公勒！」。我和老公聽罷報以微笑，之後一齊加快腳步離開。
別人的家事我地唔會知亦不想知，不過我地兩公婆拖手都可以激發佢心中呢團火，要爆返句︰「伸開個老公」，相信她係喜歡事業多過老公了。菲菲和老公很喜歡齊上齊落，有咩事都共同進退，從來冇諗過要「伸開佢」。唔知係佢覺得老公阻住佢，定係大家未有足夠瞭解就結為夫婦，所以佢會有呢個想法。
菲菲慶幸可以找到對的人過埋下半世，真的是世上最幸福的事。
老公係做風水師，會員們對呢位異類亦不大感興趣，所以席間我地兩個自己傾計食飯，大會進行咩環節都好似唔關我地事咁。好不容易到散席時，我地就離開會場歸家去。我地習慣了手拖手，有些人用好奇異的目光注視我們 (兩公婆拖手好平常之嘛，唔駛咁出奇掛？)，終於有一位女士走黎講左句︰「你地都好恩愛喎，拖住手咁行，比著我就一腳伸開個老公勒！」。我和老公聽罷報以微笑，之後一齊加快腳步離開。
別人的家事我地唔會知亦不想知，不過我地兩公婆拖手都可以激發佢心中呢團火，要爆返句︰「伸開個老公」，相信她係喜歡事業多過老公了。菲菲和老公很喜歡齊上齊落，有咩事都共同進退，從來冇諗過要「伸開佢」。唔知係佢覺得老公阻住佢，定係大家未有足夠瞭解就結為夫婦，所以佢會有呢個想法。
菲菲慶幸可以找到對的人過埋下半世，真的是世上最幸福的事。
朋友
如何知道自己有沒有成長？看看身邊的朋友就知一二。
讀書時最要好的朋友當場係同學，出黎社會做事之後就會和同事成為朋友。但係社會經驗漸多，朋友的圈子會不斷產生變化。做生意時會認識做生意的人，在我成為媽媽之後，就認識不少媽媽朋友，大家有共同話題，不亦樂乎。
在這一年間，菲菲的朋友圈子又產生了變化。和媽媽朋友們少了共同話題，菲菲對充滿挑戰的職場再蠢蠢欲動，所以多了不少做生意的朋友。不知不覺中，菲菲亦多了很多學者和醫者朋友，對我來說是一種鼓舞。因為學者和醫者都係有崇高理念的人，就算佢有幾玩得都好，都唔願意和言詞乏味和沒有內涵的人相處，相信菲菲在社會經驗上又多了幾分增長。
老公的學生之中，有好多都係某一個專業領域的導師甚至博士，其中有一對博士夫婦係教氣功和手診，又有教 Reiki 的導師，又有教顱底治療的自然療法醫生，又有中學教師，好一個充滿文化氣息的班底！除了下課後大伙兒去食宵夜互相切磋之外，我亦時常參與他們的各式講座，當中真係學到好多野！今晚就去聽了有關氣功的講座，才恍悟自己有氣功的底子，唔學真係好浪費。菲菲亦準備學基本的顱底治療，原來兩者係有共通和融匯之處，到我學了氣功之後可以為學顱底治療打好根基了。
這班醫者朋友不嫌棄菲菲這個外行人，亦很願意教我很多養生的方法，除了無限感恩之外，仲有對自己的內在提升亦有了些肯定。原來除了跑數之外，菲菲亦有少少內涵，能夠和這班醫者朋友融洽地相處呢！
讀書時最要好的朋友當場係同學，出黎社會做事之後就會和同事成為朋友。但係社會經驗漸多，朋友的圈子會不斷產生變化。做生意時會認識做生意的人，在我成為媽媽之後，就認識不少媽媽朋友，大家有共同話題，不亦樂乎。
在這一年間，菲菲的朋友圈子又產生了變化。和媽媽朋友們少了共同話題，菲菲對充滿挑戰的職場再蠢蠢欲動，所以多了不少做生意的朋友。不知不覺中，菲菲亦多了很多學者和醫者朋友，對我來說是一種鼓舞。因為學者和醫者都係有崇高理念的人，就算佢有幾玩得都好，都唔願意和言詞乏味和沒有內涵的人相處，相信菲菲在社會經驗上又多了幾分增長。
老公的學生之中，有好多都係某一個專業領域的導師甚至博士，其中有一對博士夫婦係教氣功和手診，又有教 Reiki 的導師，又有教顱底治療的自然療法醫生，又有中學教師，好一個充滿文化氣息的班底！除了下課後大伙兒去食宵夜互相切磋之外，我亦時常參與他們的各式講座，當中真係學到好多野！今晚就去聽了有關氣功的講座，才恍悟自己有氣功的底子，唔學真係好浪費。菲菲亦準備學基本的顱底治療，原來兩者係有共通和融匯之處，到我學了氣功之後可以為學顱底治療打好根基了。
這班醫者朋友不嫌棄菲菲這個外行人，亦很願意教我很多養生的方法，除了無限感恩之外，仲有對自己的內在提升亦有了些肯定。原來除了跑數之外，菲菲亦有少少內涵，能夠和這班醫者朋友融洽地相處呢！
2012年9月27日 星期四
你會選蠢人定係懶人？
蠢人和懶人，係管理層和老細最唔想見到的人。不幸的是，世上聰明和勤快的人不多，所以我們要學懂點去處理呢D普羅大眾，令公司可以維持正常運作。
友人話，蠢人和懶人，基於「兩害取其輕」的理論，會情願用一個「懶人」都唔想用一個「蠢人」。懶人最多都係唔做野，但係蠢人會做錯野。唔做野可以搵人補位，做錯野要搵人甚至係自己補鑊，當然唔想請蠢人啦！但係我們必須要面對一個好殘酷的現實，不單止係90後，其實任何年齡階層都存在蠢人和懶人，作為管理層的根本避無可避。既然要硬食，不如諗下點哽好過啦。
單單提高自己EQ去屈就，只係斬腳趾避沙蟲的方法，即係唔夠積極。要積極處理佢地，先要搵出蠢和懶的原因，再對症下藥方為上策。
蠢有兩大原因，第一係佢天資有限，真係講極都唔明。呢一類你唔好對佢有期望，咁就唔會失望。不要安排複雜的工作給呢類人，只要安排每天如是的例行公事比佢地就可以了。佢地做到退休都瞭解唔到佢究竟做緊D咩，只知道返工做哂老細「柯打」的工作，月尾就會有糧出。呢類人最適合做刻板的工作，佢地唔會有怨言，亦好樂意去做，因為佢地會做得好好！
第二類蠢人唔係真蠢，係「不懂」。每個人的家庭和工作背景都不同，有D我地以為係「常識」的事，原來佢地係唔識的。唔識唔係罪，唔識就教到識，只要肯比D耐性，一個看似好蠢的人都可以做出成績。當然教的過程係好痛苦，佢地會以為自己識，又或者覺得我地煩，大家千萬不要灰心，因為你炒左佢請過另一個都係咁上下質地，到頭來只有令自己更痛苦。應付呢一類蠢人，係有一段磨合期的，只要捱得過，就會有個好幫手。
至於懶人，大致上都分兩類，第一類係欠缺推動力所以懶。欠缺推動力，一係來自本身冇目標感或冇責任心，一係佢在工作中搵唔到滿足感，所以選擇 hea 住做。呢類人係比較鞋攪的，要為佢建立目標、責任心或其他內元素之前，先要建立互信的關係。佢地唔信公司會比機會，就唔會對工作負責，更不會為事業定下目標。至於佢點先至肯相信公司，定係佢捱唔捱到在被炒之前大徹大悟，就好睇管理層有幾願意花心機去同呢類人建立關係了。當然，遘到頑石時都要平衡付出與收獲，如果付出的心力只可以換取少少回報 (即係佢就算全心全意做足一百分，對公司的利益都影響不大的話)，就有商榷餘地。始終大家都係打份工，唔一定要幫人教埋仔或者付出埋自己的私人時間去招呼一D當你係傻仔的人。
呢類懶人都以為自己已經為公司付出好大努力，以為自己已經做得好好，但係公司依然諸多挑剔，繼而產生不信任公司的負面情緒。同佢地硬併即係等收辭職信，對事情毫無幫助。要處理佢地，要循序漸進，不可操之過急。慢慢加工作量和責任，由小目標和小滿足感慢慢提升上去，佢地先至掌握到工作的節奏，漸漸就可以對公司產生信任和願意付出努力了。
第二類懶人就係工作效率較高，早早已完成工作所以有時間去懶。如果公司有呢類人出現，管理職就責無旁貸了。只要比多D野佢做，自然解決到所謂「懶」的問題。
菲菲初出道時，管理層係唔會教仔咁教，做到就留低，做唔到就OUT。但係現今社會轉變了，唔好用返以前果套黎管現今的打工仔。時移世易，根本不可以比較。我地係木人巷出身的，工作係打拼慣的，但係年輕一代唔係捱出來，係寵出來的。所以我地要管好佢地，在手法上都要有些調節，才配合到「市場需要」。
不要再糾纏甚麼「兩害取其輕」了，係時候深化自己的管理手法，好好瞭解和掌握自己的下屬吧！
2012年9月25日 星期二
奇遇
菲菲的朋友早前簽了一條美容產品線做總代理，據她形容此產品的理念獨特而且效用顯著。友人的本業並非美容業，對美容市場毫無概念，又因為菲菲之前在美容院做時係負責選產品，所以她邀請菲菲去試一試產品的功效。其實菲菲心中有盤算，如果呢隻產品真係咁堅，我會考慮簽呢隻產品的香港代理黎做。
一般做美容產品代理都好重視產品示範，因為客戶們 (即係美容院老細) 都不輕易試產品。要試清楚功效係要將整套產品試上面喎，美容業都係靠面口搵食的行業，如果新產品導致皮膚有咩問題，點做生意呀？就算我而家唔係做緊美容院，但係呢個係美容業的共識，產品示範係一個好重要的環節。
當我去到朋友公司時，朋友將我交左比佢幾位同事「照顧」之後就去做其他事。本來都唔係好重要，但係我見呢個兩個皮膚差勁的女士加一位中年男士的組合，心中暗暗打左個突。未訓上美容床已對產品的信心打了折扣，不過既然答應左朋友，就必定要摒除偏見，試左先至算。
她的同事們好熱情叫我訓上床準備，但係我對呢套美容產品完全未瞭解，唔駛咁心急呀？講解下先都得掛？既然佢地唔講，我就問︰「你地會準備同我做D咩產品呢？」美容師︰「你放心啦，我地會幫你做GA勒。」聽左呢句，先至係最唔放心！連同我做D咩都講唔出，唔係呀？由我訓上美容床的一刻開始，果位中年男士一直在旁邊工作，即係我做緊 facial 時有個男士和我共處一室！呢條麻甩佬好似係佢地上司，唔知佢係想監督定係點，雖然冇出過一粒聲，但係全程冇離開過呢間房，令人感到不安穩，咁我又點可以放鬆地試產品？
到洗面時，我再問︰「你地會同我做咩產品呀？」美容師︰「我地會幫你做個水份面膜。」當時真係想即時落床，有冇攪錯呀？我係專登黎試下呢套產品的威力，你同我做水份面膜？係你唔識美容定係侮辱緊我呀？但係當時菲菲比面朋友無發難，唯有改變策略，再問︰「呢套產品有咩理念GA？」正常黎講，呢個問題係引導佢地大肆炫耀套產品有幾勁，但係佢地三人全部啞哂！菲菲好似問左個好難解答的問題一樣，攪到佢地好尷尬。(乜做產品示範之前冇熟讀產品理念咩？太離譜了！)。之後美容師結結巴巴吐了幾句，大致意思係某某教授研發，可以令肌膚回復青春之類的「行貨」。呢D說話電視廣告都大把啦，算係咩賣點呀？不過菲菲知佢地程度太低，就問返D白痴問題︰「咁我肌齡似幾多歲呀？」其實我係想搵D容易回答的問題去緩和佢地尷尬的氣氛，點知佢地連呢句「行貨」都唔識答，仲發我難渣話呢D野係冇得答的。
當時氣氛好緊張，菲菲塊面響佢手上，唯有封口不再問，由得佢地做完個水份面膜，快D離開現場就算勒。好不容易終於捱完呢次「產品示範」，果條麻甩佬走黎「follow up」，問我做完有冇改善。我答︰「老實講真係冇喎。」麻甩佬唔忿氣︰「唔係呀，洗完面之後都白左啦！」(我心想︰用咩洗面產品洗完都會白左ga啦！我未聽過有產品洗完面會唔白喎！廢話！)菲菲真係不屑同一條麻甩佬討論美容功效，完全唔理佢就走出去搵我朋友。
朋友問我套產品掂唔掂。菲菲問左一句︰「你話唔話到事GA？」言下之意係「如果你話唔到事就唔好浪費大家時間啦」。我從未做過一次咁爛的產品示範，唔知呢套野有幾勁，唔知咩背景咩理念，只係見識左水份面膜！
間公司係朋友的父母開的，「試」完產品之後見到朋友的媽媽，伯母好關心隻產品好唔好，我唯有將整個過程講比佢知，伯母聽完之後都唔知點比反應我。佢問可以點改善，我叫佢地去美容展睇下其他供應商點 sell 客先，之後再講啦。佢地班員工咁既程度，同市場基本標準相差太遙遠了，我真係唔識比意見，因為全程所有細節都係有問題的，點講得哂！
到而家我都唔明，點解會搵條麻甩佬黎 sell 美容產品 ga？見到都倒胃口，同「靚」呢個字完全拉不上關係，點可以在呢行搵食呀？祝我的朋友好運！
一般做美容產品代理都好重視產品示範，因為客戶們 (即係美容院老細) 都不輕易試產品。要試清楚功效係要將整套產品試上面喎，美容業都係靠面口搵食的行業，如果新產品導致皮膚有咩問題，點做生意呀？就算我而家唔係做緊美容院，但係呢個係美容業的共識，產品示範係一個好重要的環節。
當我去到朋友公司時，朋友將我交左比佢幾位同事「照顧」之後就去做其他事。本來都唔係好重要，但係我見呢個兩個皮膚差勁的女士加一位中年男士的組合，心中暗暗打左個突。未訓上美容床已對產品的信心打了折扣，不過既然答應左朋友，就必定要摒除偏見，試左先至算。
她的同事們好熱情叫我訓上床準備，但係我對呢套美容產品完全未瞭解，唔駛咁心急呀？講解下先都得掛？既然佢地唔講，我就問︰「你地會準備同我做D咩產品呢？」美容師︰「你放心啦，我地會幫你做GA勒。」聽左呢句，先至係最唔放心！連同我做D咩都講唔出，唔係呀？由我訓上美容床的一刻開始，果位中年男士一直在旁邊工作，即係我做緊 facial 時有個男士和我共處一室！呢條麻甩佬好似係佢地上司，唔知佢係想監督定係點，雖然冇出過一粒聲，但係全程冇離開過呢間房，令人感到不安穩，咁我又點可以放鬆地試產品？
到洗面時，我再問︰「你地會同我做咩產品呀？」美容師︰「我地會幫你做個水份面膜。」當時真係想即時落床，有冇攪錯呀？我係專登黎試下呢套產品的威力，你同我做水份面膜？係你唔識美容定係侮辱緊我呀？但係當時菲菲比面朋友無發難，唯有改變策略，再問︰「呢套產品有咩理念GA？」正常黎講，呢個問題係引導佢地大肆炫耀套產品有幾勁，但係佢地三人全部啞哂！菲菲好似問左個好難解答的問題一樣，攪到佢地好尷尬。(乜做產品示範之前冇熟讀產品理念咩？太離譜了！)。之後美容師結結巴巴吐了幾句，大致意思係某某教授研發，可以令肌膚回復青春之類的「行貨」。呢D說話電視廣告都大把啦，算係咩賣點呀？不過菲菲知佢地程度太低，就問返D白痴問題︰「咁我肌齡似幾多歲呀？」其實我係想搵D容易回答的問題去緩和佢地尷尬的氣氛，點知佢地連呢句「行貨」都唔識答，仲發我難渣話呢D野係冇得答的。
當時氣氛好緊張，菲菲塊面響佢手上，唯有封口不再問，由得佢地做完個水份面膜，快D離開現場就算勒。好不容易終於捱完呢次「產品示範」，果條麻甩佬走黎「follow up」，問我做完有冇改善。我答︰「老實講真係冇喎。」麻甩佬唔忿氣︰「唔係呀，洗完面之後都白左啦！」(我心想︰用咩洗面產品洗完都會白左ga啦！我未聽過有產品洗完面會唔白喎！廢話！)菲菲真係不屑同一條麻甩佬討論美容功效，完全唔理佢就走出去搵我朋友。
朋友問我套產品掂唔掂。菲菲問左一句︰「你話唔話到事GA？」言下之意係「如果你話唔到事就唔好浪費大家時間啦」。我從未做過一次咁爛的產品示範，唔知呢套野有幾勁，唔知咩背景咩理念，只係見識左水份面膜！
間公司係朋友的父母開的，「試」完產品之後見到朋友的媽媽，伯母好關心隻產品好唔好，我唯有將整個過程講比佢知，伯母聽完之後都唔知點比反應我。佢問可以點改善，我叫佢地去美容展睇下其他供應商點 sell 客先，之後再講啦。佢地班員工咁既程度，同市場基本標準相差太遙遠了，我真係唔識比意見，因為全程所有細節都係有問題的，點講得哂！
到而家我都唔明，點解會搵條麻甩佬黎 sell 美容產品 ga？見到都倒胃口，同「靚」呢個字完全拉不上關係，點可以在呢行搵食呀？祝我的朋友好運！
2012年9月23日 星期日
我的第一次
菲菲一向不愛夜蒲，更不喜歡落吧，所以對猜枚劈酒之類的活動好陌生。昨晚老公的中學同學好比面，大伙兒在日本料理店包了房間為菲菲興祝生日，菲菲終於獻出了我的第一次。
在飯局中菲菲好似小朋友咁只係飲汽水，佢地就飲清酒。菲菲酒量有限，為免未食完餐飯就醉倒，所以整餐飯都滴酒不沾。到佢地酒過三巡之後，有人提議玩骰盅，我都係睇佢地玩，完全沒有參與。但係佢地玩左一陣之後，唔知邊個提出壽星 (即係我！) 要做莊，佢地要同我玩樓梯莊。菲菲真係唔知咩叫樓梯莊，原來係佢地輪流同我玩，輸左就要飲。嘩！唔係咁激呀？雖然計埋我老公都係一對五，但係飲清酒喎，玩多幾舖都好甘喎！好在菲菲有少少運氣，都唔係輸左好多次，佢地玩左2個回合之後就放過我勒。估唔到菲菲幾十歲人先至第一次比人圍攻飲酒… 哈哈！
好在老公在旁，真係飲醉都唔駛驚，一定返到屋企。
在飯局中菲菲好似小朋友咁只係飲汽水，佢地就飲清酒。菲菲酒量有限，為免未食完餐飯就醉倒，所以整餐飯都滴酒不沾。到佢地酒過三巡之後，有人提議玩骰盅，我都係睇佢地玩，完全沒有參與。但係佢地玩左一陣之後，唔知邊個提出壽星 (即係我！) 要做莊，佢地要同我玩樓梯莊。菲菲真係唔知咩叫樓梯莊，原來係佢地輪流同我玩，輸左就要飲。嘩！唔係咁激呀？雖然計埋我老公都係一對五，但係飲清酒喎，玩多幾舖都好甘喎！好在菲菲有少少運氣，都唔係輸左好多次，佢地玩左2個回合之後就放過我勒。估唔到菲菲幾十歲人先至第一次比人圍攻飲酒… 哈哈！
好在老公在旁，真係飲醉都唔駛驚，一定返到屋企。
2012年9月19日 星期三
因瞭解而分手
九月下旬，所有學校適應活動都完滿結束了，菲菲的生活要重新編排，相信我都適應了新的生活節奏。
年多前我和老公都投資了一盤小生意，呢盤生意有很多合黟人，我們只是投資性質，很少過問生意上的事。在這年多以來，都知道生意出了不少問題，很多股東都努力挽救，但最近因為一些法律問題需要考慮結業。老實講，我地投資的數目不大，亦不熟呢一行，只係比面性質支持朋友，生意好與壞我地都不抱太大期望。但係一講到要結束生意，有好多平時冇乜點理會的股東都忽然活躍起來，又要問罪，又要查數，又要查文件等等，鬧得很不愉快。
有些股東是打工仔，佢地投資呢盤生意係寄望有朝一日唔駛睇老細面色，可以坐響度收錢。相信好多做緊老細的讀者都知道，做生意係辛苦過打工N倍，如果純粹因為唔想睇人面色而做生意，似乎唔係一個好充份的理由。做生意要睇更多人的面色，人地放左工可以關人忍事，做老細的仲要為盤生意諸多思量，唔好以為做老細好過瘾，心力少D都頂唔住。
當菲菲知道呢盤生意快將玩完時，心中冇咩大感覺。冰封三尺非一日之寒，由開業到而家究竟發生左D咩事菲菲都略有所聞。做生意遇到問題係平常事，不過當中最大的關鍵係管理不善，完全冇一個可以話到事的人去定方向和策略，有問題只懂頭痛醫頭，腳痛醫腳，對問題的徵結一無所知，又點可以令盤生意企得穩？更加唔好講賺錢，唔駛再注資已經偷笑。呢年多以黎我地已經注資左2次，每次注資的錢只足夠應付眼前的問題，再有其他情況出現就攪唔掂。而管理層方面只懂提出問題，卻不懂提出長遠解決方案。在這樣的情況下，菲菲睇唔到呢盤生意會有咩生機。
結束其實係一件好事，好讓眾多發「老細夢」的人醒覺，知道做生意唔係你一言我一語就事成。發起人冇能力去 handle 咁多股東，又冇能力去處理困局，早D結束對大家都好。
對於菲菲來說又學到D咩呢？就係唔好再做好心「支持」朋友攪生意了，免傷和氣亦不要浪費大家的時間和心機。
年多前我和老公都投資了一盤小生意，呢盤生意有很多合黟人，我們只是投資性質，很少過問生意上的事。在這年多以來，都知道生意出了不少問題，很多股東都努力挽救，但最近因為一些法律問題需要考慮結業。老實講，我地投資的數目不大，亦不熟呢一行，只係比面性質支持朋友，生意好與壞我地都不抱太大期望。但係一講到要結束生意，有好多平時冇乜點理會的股東都忽然活躍起來，又要問罪，又要查數，又要查文件等等，鬧得很不愉快。
有些股東是打工仔，佢地投資呢盤生意係寄望有朝一日唔駛睇老細面色，可以坐響度收錢。相信好多做緊老細的讀者都知道，做生意係辛苦過打工N倍，如果純粹因為唔想睇人面色而做生意，似乎唔係一個好充份的理由。做生意要睇更多人的面色，人地放左工可以關人忍事，做老細的仲要為盤生意諸多思量，唔好以為做老細好過瘾，心力少D都頂唔住。
當菲菲知道呢盤生意快將玩完時，心中冇咩大感覺。冰封三尺非一日之寒，由開業到而家究竟發生左D咩事菲菲都略有所聞。做生意遇到問題係平常事，不過當中最大的關鍵係管理不善，完全冇一個可以話到事的人去定方向和策略，有問題只懂頭痛醫頭，腳痛醫腳，對問題的徵結一無所知，又點可以令盤生意企得穩？更加唔好講賺錢，唔駛再注資已經偷笑。呢年多以黎我地已經注資左2次，每次注資的錢只足夠應付眼前的問題，再有其他情況出現就攪唔掂。而管理層方面只懂提出問題，卻不懂提出長遠解決方案。在這樣的情況下，菲菲睇唔到呢盤生意會有咩生機。
結束其實係一件好事，好讓眾多發「老細夢」的人醒覺，知道做生意唔係你一言我一語就事成。發起人冇能力去 handle 咁多股東，又冇能力去處理困局，早D結束對大家都好。
對於菲菲來說又學到D咩呢？就係唔好再做好心「支持」朋友攪生意了，免傷和氣亦不要浪費大家的時間和心機。
2012年9月9日 星期日
不要港童
九月第一個星期，相信很多家長都好忙，菲菲都不例外。大仔升K2，比較容易攪，兩歲的細仔今年開始上N班，首星期學校要求家長做伴讀書僮，協助小朋友適應學校生活。呢幾日陪太子讀書，讓我發現香港的孩子有「港童化」的趨勢，而令孩子變成港童的，家長真的責無旁貸。
為了讓細仔適應學校生活，菲菲於開學前一個月已開展特訓，包括︰自行如廁及洗手、限時內食完飯、自己換鞋、自己抹鼻水等等。雖然N班只有十幾個學生，但只有幾位老師，總不能要老師一對一貼身照顧吧！所以他在開學之前必須懂得基本自理能力。這樣到上學時我和細仔都少了一份壓力。
在伴讀期間，看見很多小朋友仍未可以自行進食，要大人追住黎餵食，亦有小朋友不懂自行如廁，很多家長都很擔心自己的小朋友會否得到照顧。更有些小朋友需要家長抱住來上課，不可以自行跟隨老師的指令，如果哭鬧會抱得更緊。這樣可以令小朋友適應到學校生活嗎？菲菲真的存疑。菲菲的細仔在上課時都很緊張，不時望向我或想走到我身邊，但我為了他好，都不可以心軟，點都要佢跟從老師的指示。一星期過後，他總算慢慢享受上課的過程，對老師的信任提高了，可以不需要時常找我。
讓小朋友上學，目的就是讓他過群體生活。如果家長老是抱著不放，他又點可以學懂在群體中生活？這個過程係痛苦的，但可以避免嗎？早一點適應，就可以早一點放心。下星期我們不可以在課室中伴讀了，沒有人貼身照顧了，我和細仔都要堅強面對，他很快就會懂得照顧自己，甚至好像哥哥一樣可以照顧別人了，這樣對他不是更好嗎？
為了讓細仔適應學校生活，菲菲於開學前一個月已開展特訓，包括︰自行如廁及洗手、限時內食完飯、自己換鞋、自己抹鼻水等等。雖然N班只有十幾個學生，但只有幾位老師，總不能要老師一對一貼身照顧吧！所以他在開學之前必須懂得基本自理能力。這樣到上學時我和細仔都少了一份壓力。
在伴讀期間，看見很多小朋友仍未可以自行進食，要大人追住黎餵食，亦有小朋友不懂自行如廁，很多家長都很擔心自己的小朋友會否得到照顧。更有些小朋友需要家長抱住來上課，不可以自行跟隨老師的指令，如果哭鬧會抱得更緊。這樣可以令小朋友適應到學校生活嗎？菲菲真的存疑。菲菲的細仔在上課時都很緊張，不時望向我或想走到我身邊，但我為了他好，都不可以心軟，點都要佢跟從老師的指示。一星期過後，他總算慢慢享受上課的過程，對老師的信任提高了，可以不需要時常找我。
讓小朋友上學，目的就是讓他過群體生活。如果家長老是抱著不放，他又點可以學懂在群體中生活？這個過程係痛苦的，但可以避免嗎？早一點適應，就可以早一點放心。下星期我們不可以在課室中伴讀了，沒有人貼身照顧了，我和細仔都要堅強面對，他很快就會懂得照顧自己，甚至好像哥哥一樣可以照顧別人了，這樣對他不是更好嗎？
2012年9月4日 星期二
心寒
今日終於睇左9月3日亞視的「ATV焦點」。之前菲菲唔係太明白洗腦教育的定義係D咩，一睇呢條片就明白哂！呢個節目做左一個「國民教育」的示範，實在令人心寒！甚麼「無恥」之類之話，都不足夠去形容。
呢一刻，我深深體會到23年前為什麼會有移民潮。當時菲菲還年輕，感受不到這種切膚之痛。現在這個情況，比血流成河更令人毛骨悚然。這些「教育」是污衊了下一代的心靈、思想和人生觀。是非黑白完全扭曲，甚麼真假對錯失去了據點，不單是平反歷史的問題，連如何做一個人都成問題！
走不是最好的解決方法，抗爭才會建立真正的價值觀，我們更加用身去教自己的下一代。
這個不是甚麼政治問題，係良心問題。我們還有良心的話，要勇敢，要堅持！
呢一刻，我深深體會到23年前為什麼會有移民潮。當時菲菲還年輕，感受不到這種切膚之痛。現在這個情況，比血流成河更令人毛骨悚然。這些「教育」是污衊了下一代的心靈、思想和人生觀。是非黑白完全扭曲，甚麼真假對錯失去了據點，不單是平反歷史的問題，連如何做一個人都成問題！
走不是最好的解決方法，抗爭才會建立真正的價值觀，我們更加用身去教自己的下一代。
這個不是甚麼政治問題，係良心問題。我們還有良心的話，要勇敢，要堅持！
鎖鎖碎碎
超過一星期沒有寫網誌了，這星期除了忙於為兩個仔準備開學之外，就係病，病到連思考的力氣都沒有，所以寫唔出，哈哈！
今日陪同細仔返N班，今日係佢人生第一日正式上學，係我地的大日子。呢個小古惑在學校表現淡定，淡定到好似入左定，所以冇咩反應。細仔天生係觀察型，凡事都會先觀察才會出手。有D人認為呢D係慢熱或不夠主動，我就認為係「穩陣」。佢對小眼睛不停留意各人動態，遊樂時間都係「睇定D」先至決定玩D咩，全程不發一言，好嚴肅的一個樣子！呢個星期菲菲每天都要做伴讀書僮，引導他適應學校生活。
另外，這個星期又收到朋友打算離婚的消息，今年聽得太多了，聽到菲菲開始麻木了。麻木不是不仁，而係我可以為佢地做D咩？係咩都做唔到。為佢地的小朋友痛心嗎？人地父母都唔痛心，我咁著緊又點姐？可以幫到呢班單親小朋友嗎？失去父愛可以點彌補？呢D問題應該留返比佢地的父母和家人去思考，我地呢D旁觀者最好唔好參與。
至於我的健康嘛，真係令人氣餒。本來菲菲用緊最溫和的方式去減肥 (生完細女之後變左肥師奶，再唔減我怕會定型)，但係都唔得。我又血壓低又頭暈，肺功能仲衰退緊，醫生嚴重警告我要食多D野，如果唔係會好難攪。呢幾日行步路都冇氣，連手袋都冇力拎，所以完成必須活動之後就臥床休息，希望可以快D復原啦。黎緊的日子如果少見菲菲寫網誌，應該唔係忙到寫唔到，而係身體未夠好姐。哈哈！
2012年8月23日 星期四
管理基本功
菲菲有一個習慣，凡事都喜歡做一個簡單純計，尤其係公事，呢D係做管理層最基本的功夫。菲菲大學時 STAT 好似剛剛合格，其實算不上識得做咩統計分析，但係簡單的平均數、最高、最低、季節性等都一定識 (呢D好似小學生都識… 哈哈！)。
管理層其實有咩做呢？如果管理層只係負責坐響辦公室嘆冷氣就好了，咁我以往 (以及將來) 都唔駛做得咁辛苦。做管理層的，唔係一味手指指老點人做野就攪掂，如果係咁簡單，老細就唔會出高D人工去請一個「紅綠燈」返黎啦，點人做野有邊個唔識？響安排人手去完成工作之前，最基本要瞭解各員工的工作能力、優點缺點、工作的難度和時限、公司有甚麼資源等等，才可以做到一個合適的工作分配。在工作未完成之前，要跟貼進度，從中解決問題，才可以確保工作可以在限期內準確完成。
要瞭解以上種種，唔係單靠估計、直覺或人事關係，係要掌握一些數據才可以作出評估。管理層都有老細，工作完成不了責無旁貸，唔係推卸責任話D下屬做唔到野就可以推得一乾二淨。做亞頭的，唔係要落手落腳幫下屬做細節工作，而係要懂得睇住成個過程，識得防範於未燃。人唔係機器，會累、會有爭拗、會有情緒，管理層唔可以一味下達命令而不考慮以上因素。有時做亞頭要兼埋社工果份，要鼓勵和協調才可以減少因以上人事因素而導致達不到工作目標。
菲菲係跑數出身，做左好多年前線，好瞭解前線人員的苦與樂，對於勉勵前線員工都有一些心得。他們的表現可以好好，亦可以好差，要視乎員工的心理狀態。如果有同事情緒不穩，而公司又有緊迫的目標需要達成，就要鼓勵其他員工「團隊化」，因為同儕間的影響力遠比亞頭高。做亞頭既不斷迫佢交數，最終只會流失員工，有時甚至有連鎖反應，成班手足一齊走，咁樣仲大鑊過交唔到數。
當同事狀態好時，就要鼓勵他們發揮「個人主義」，突破自己的成績。咁可以令同事之間產生競爭心態，係提升公司業績和個人能力的好時候。最重要係「好天斬埋落雨柴」，儲定「彈藥」來平衡成績欠理想的日子，在年結時可以達到年終目標。
管理層要識收放自如，知咩時侯要攻，咩時候要守。咁樣先至可以留得住班手足，亦可以做得到公司的要求。不久的將來，菲菲快要重返職場，而家為自己做定心理準備，在新的工作有更好的表現。
管理層其實有咩做呢？如果管理層只係負責坐響辦公室嘆冷氣就好了，咁我以往 (以及將來) 都唔駛做得咁辛苦。做管理層的，唔係一味手指指老點人做野就攪掂，如果係咁簡單，老細就唔會出高D人工去請一個「紅綠燈」返黎啦，點人做野有邊個唔識？響安排人手去完成工作之前，最基本要瞭解各員工的工作能力、優點缺點、工作的難度和時限、公司有甚麼資源等等，才可以做到一個合適的工作分配。在工作未完成之前，要跟貼進度，從中解決問題，才可以確保工作可以在限期內準確完成。
要瞭解以上種種，唔係單靠估計、直覺或人事關係，係要掌握一些數據才可以作出評估。管理層都有老細，工作完成不了責無旁貸，唔係推卸責任話D下屬做唔到野就可以推得一乾二淨。做亞頭的，唔係要落手落腳幫下屬做細節工作，而係要懂得睇住成個過程，識得防範於未燃。人唔係機器，會累、會有爭拗、會有情緒，管理層唔可以一味下達命令而不考慮以上因素。有時做亞頭要兼埋社工果份，要鼓勵和協調才可以減少因以上人事因素而導致達不到工作目標。
菲菲係跑數出身，做左好多年前線，好瞭解前線人員的苦與樂，對於勉勵前線員工都有一些心得。他們的表現可以好好，亦可以好差，要視乎員工的心理狀態。如果有同事情緒不穩，而公司又有緊迫的目標需要達成，就要鼓勵其他員工「團隊化」，因為同儕間的影響力遠比亞頭高。做亞頭既不斷迫佢交數，最終只會流失員工，有時甚至有連鎖反應，成班手足一齊走，咁樣仲大鑊過交唔到數。
當同事狀態好時，就要鼓勵他們發揮「個人主義」，突破自己的成績。咁可以令同事之間產生競爭心態，係提升公司業績和個人能力的好時候。最重要係「好天斬埋落雨柴」，儲定「彈藥」來平衡成績欠理想的日子，在年結時可以達到年終目標。
管理層要識收放自如，知咩時侯要攻，咩時候要守。咁樣先至可以留得住班手足，亦可以做得到公司的要求。不久的將來，菲菲快要重返職場，而家為自己做定心理準備，在新的工作有更好的表現。
2012年8月21日 星期二
爸爸請三思
又有朋友和老公要分開，個女才滿一歲不久，又多一個單親家庭了。菲菲都唔記得今年有幾多個朋友離婚了，真係覺得好痛心！
呢位朋友L小姐的情況比較特殊，佢地係冇註冊的，根本算不上係離婚。而佢「老公」有2次離婚紀錄，似乎呢位男士對婚姻並不是太認真，或者佢係一隻無腳雀仔唔適合結婚。據L小姐講，佢「老公」對前妻餘情未了，常常以SMS互訴相思之情。L小姐在懷有身孕時發現此事，亦曾經問過佢「老公」點解仲要同前妻有曖昧留言，當時她的「老公」答應不再玩火。到最近她的「老公」似乎固態復萌，成日偷偷玩電話，仲改埋 password。L小姐忙於照顧女兒都好少干預佢，不過佢「老公」以為她偷睇他的電話，又吵左一次。她的「老公」話覺得壓力好大，同L小姐相處唔到，對L小姐有戒心之類，所以決定要分開。呢位男士仲想爭取女兒撫養權，要女唔要乸。呢位男士紀錄不良，唔通佢想個女年年都叫唔同人做媽咪？
人家兩公婆點相處我不評論，但係呢位男士如果真係咁愛前妻，點解要離婚？就算一時意氣離左婚，佢都搵左另一個「老婆」啦，仲生埋小朋友，都唔可以專心一致為呢頭家咩？點解仲要同前妻有曖昧？據聞他的前妻已在外地再次結婚了，咁即係咩關係呀？佢地兩個在互訴相思的時候，有冇考慮到咁樣係會破壞兩個家庭ga？最無辜係個小朋友呀！不負責任的成年人，你地知唔知咁樣對一個小朋友會有幾大影響呀？講到尾，佢係愛自己多過愛家庭，簡單直接的一句就係︰自私！
每次知道有朋友離婚，菲菲都會好唔開心。如果冇小朋友我都覺得好d，但係已經為人父母，都唔可以拎d EQ出黎解決問題咩？仲有好多男士原來生仔之前冇考慮清楚，諗住生左之後咩都係個老婆攪掂。好勒，到個老婆真係顧住照顧小朋友，佢又嫌個老婆唔陪佢，就會出去搵慰藉。菲菲真係好痛恨呢D用下體思考的動物，枉為人父！
之前菲菲有提及的富二代，佢都有三個小朋友，不過三個小朋友的媽媽都不同。佢屋企有錢，再搵多十個女人去生仔都得，不過呢D小朋友佢地對父親、家庭同愛有咩睇法呢？我估係同我地一般人的睇法有差異。佢地生活水平可以好高，但係愛可以點彌補？
呢位朋友L小姐的情況比較特殊，佢地係冇註冊的，根本算不上係離婚。而佢「老公」有2次離婚紀錄，似乎呢位男士對婚姻並不是太認真，或者佢係一隻無腳雀仔唔適合結婚。據L小姐講，佢「老公」對前妻餘情未了，常常以SMS互訴相思之情。L小姐在懷有身孕時發現此事，亦曾經問過佢「老公」點解仲要同前妻有曖昧留言，當時她的「老公」答應不再玩火。到最近她的「老公」似乎固態復萌，成日偷偷玩電話，仲改埋 password。L小姐忙於照顧女兒都好少干預佢，不過佢「老公」以為她偷睇他的電話，又吵左一次。她的「老公」話覺得壓力好大，同L小姐相處唔到，對L小姐有戒心之類，所以決定要分開。呢位男士仲想爭取女兒撫養權，要女唔要乸。呢位男士紀錄不良，唔通佢想個女年年都叫唔同人做媽咪？
人家兩公婆點相處我不評論，但係呢位男士如果真係咁愛前妻，點解要離婚？就算一時意氣離左婚，佢都搵左另一個「老婆」啦，仲生埋小朋友，都唔可以專心一致為呢頭家咩？點解仲要同前妻有曖昧？據聞他的前妻已在外地再次結婚了，咁即係咩關係呀？佢地兩個在互訴相思的時候，有冇考慮到咁樣係會破壞兩個家庭ga？最無辜係個小朋友呀！不負責任的成年人，你地知唔知咁樣對一個小朋友會有幾大影響呀？講到尾，佢係愛自己多過愛家庭，簡單直接的一句就係︰自私！
每次知道有朋友離婚，菲菲都會好唔開心。如果冇小朋友我都覺得好d，但係已經為人父母，都唔可以拎d EQ出黎解決問題咩？仲有好多男士原來生仔之前冇考慮清楚，諗住生左之後咩都係個老婆攪掂。好勒，到個老婆真係顧住照顧小朋友，佢又嫌個老婆唔陪佢，就會出去搵慰藉。菲菲真係好痛恨呢D用下體思考的動物，枉為人父！
之前菲菲有提及的富二代，佢都有三個小朋友，不過三個小朋友的媽媽都不同。佢屋企有錢，再搵多十個女人去生仔都得，不過呢D小朋友佢地對父親、家庭同愛有咩睇法呢？我估係同我地一般人的睇法有差異。佢地生活水平可以好高，但係愛可以點彌補？
2012年8月20日 星期一
做生意
菲菲身邊有好多朋友都係做生意的，大小規模都有，各種行業都有，有時同佢地傾下計都學到唔少做生意上的事。菲菲亦認識好多抱住一腔熱誠打算創一番事業的人，生意做不了幾個月就出問題，不出一兩年時間就要把生意結束了。是運氣嗎？是經驗嗎？還是其他原因導致生意失敗呢？經過幾年的觀察，菲菲找到一點點的頭緒。很多生意失敗都有一個共通點，就是管理不善。
想做生意的人，一係對某一行業認識很深，很有信心自己能做出一番成績，一係識得計數，知道點樣營運可以賺到錢，他們對行內知識不需深入，只要找到懂得運作的人就可以了。但係真正要營運一盤生意真係咁簡單嗎？他們往往都係敗在人事和行政問題上。
識得做生意同埋識得管理一盤生意係有好大分別。管理生意包括D咩？人事、財政管理、運作流程都係需要管理的，生意不是懂得收錢就成功，要懂得管理和運用資源，先至可以保住辛辛苦苦搵返黎的錢。好多人都係比「人事問題」纏繞不休，白白浪費大量人力物力財力同時間去處理，虛耗生意的資源。
要知人善用係好重要，不過世事唔係咁完美，你手上的「人」有幾多料唔係最重要，有幾肯幫你先至係最重要。菲菲見過太多有料但係不願做的人，一係每件事都同你講條件，唔係要錢就係要權。比錢同權力都唔係問題，問題係貪得無厭，要完一次又一次，仲慘過比人勒索，咁盤生意仲可以點行落去？
有D人會自己落手落腳做，確保生意命脈不受別人控制，但係當老細專注在日常運作，每日都勞勞碌碌的話，又點可以客觀地抽身睇返全盤大局？咁樣的生意只係手作仔得個做字，唔會蝕不過冇發圍。咁樣做老細為乜姐？不如打返份工好過啦，起碼唔駛咁大壓力丫。
如果將「做」同「管」分開，做的人就專注做，管的人就專注決策管理，盤生意會平衡D。「做」和「管」係兩個不同範疇的專長，唔好以為搵個行內做得耐的人就會識得管理，好多生意都係敗在呢個謬誤上。管理係一門學問，要懂得客觀，不要背負太多「經驗」的包袱，才會在多變的營商環境找到機會。找行內經驗豐富的人來管，往往被經驗所局限，缺乏新思維，慢慢會變得墨守成規。做管理的人仲要懂得平衡各人在生意上的角色、崗位和權利。總不能讓某些人不斷擴大影響力，導致管唔到佢地，佢地就好似貪官咁令生意走向滅亡。到有事需要決策時，究竟誰有最終決定權，決定了之後由誰去執行，執行時出了問題由誰去解決，都要有一個清楚的定案。如果只係做了決定，如何實際推行係沒有清晰方案的話，咁盤生意又可以點進步？呢D全靠管理層的功架，要令整體配合，步伐一致，先至可以達到理想的效果。
最近有朋友C君召集了一批人夾錢做生意，每個股東都因為夾左錢而意見多多。有好多事都係議而不決，夾左錢成年都未真正開到波搵錢。呢一年就洗左好多錢去籌備呢盤生意，餘下的資金已經去到警界線了，但係開業日子仲在爭拗中。未揾錢已經耗盡彈藥，究竟係咩問題？菲菲觀察所得，係召集人管理能力欠奉，在召集時只係為錢而召集，完全沒有考慮如何管理呢一筆資金，更加沒有考慮如何管理呢一大班小股東。經常由得他們你一言我一語的擴大個人影響力，咁盤生意到底係邊個話事GA？既然係冇人話到事，咁點做呀？就算入面有幾多有料的人都好，都係行唔郁GA。
C君話佢地比左錢，想知公司每件事係點攪。道理上係成立，但係究竟佢地要知幾多、幾時知、知D乜、點處理佢地的意見等等係完全冇 idea 的，咁即係不斷為一 D 沒有辦法達成共識的事去討論，咁有咩意思呢？同埋有冇一個人係負責統籌意見之後作出決定呢？係冇的，咁樣的生意會有咩前景呢？菲菲唔敢講，只係慶幸當時我同老公冇夾錢，不需要為呢D事而煩。
大家做生意之前，真係要知道點管先至好開波。
想做生意的人，一係對某一行業認識很深，很有信心自己能做出一番成績，一係識得計數，知道點樣營運可以賺到錢，他們對行內知識不需深入，只要找到懂得運作的人就可以了。但係真正要營運一盤生意真係咁簡單嗎？他們往往都係敗在人事和行政問題上。
識得做生意同埋識得管理一盤生意係有好大分別。管理生意包括D咩？人事、財政管理、運作流程都係需要管理的，生意不是懂得收錢就成功，要懂得管理和運用資源，先至可以保住辛辛苦苦搵返黎的錢。好多人都係比「人事問題」纏繞不休，白白浪費大量人力物力財力同時間去處理，虛耗生意的資源。
要知人善用係好重要，不過世事唔係咁完美，你手上的「人」有幾多料唔係最重要，有幾肯幫你先至係最重要。菲菲見過太多有料但係不願做的人，一係每件事都同你講條件，唔係要錢就係要權。比錢同權力都唔係問題，問題係貪得無厭，要完一次又一次，仲慘過比人勒索，咁盤生意仲可以點行落去？
有D人會自己落手落腳做，確保生意命脈不受別人控制，但係當老細專注在日常運作，每日都勞勞碌碌的話，又點可以客觀地抽身睇返全盤大局？咁樣的生意只係手作仔得個做字，唔會蝕不過冇發圍。咁樣做老細為乜姐？不如打返份工好過啦，起碼唔駛咁大壓力丫。
如果將「做」同「管」分開，做的人就專注做，管的人就專注決策管理，盤生意會平衡D。「做」和「管」係兩個不同範疇的專長，唔好以為搵個行內做得耐的人就會識得管理，好多生意都係敗在呢個謬誤上。管理係一門學問，要懂得客觀，不要背負太多「經驗」的包袱，才會在多變的營商環境找到機會。找行內經驗豐富的人來管，往往被經驗所局限，缺乏新思維，慢慢會變得墨守成規。做管理的人仲要懂得平衡各人在生意上的角色、崗位和權利。總不能讓某些人不斷擴大影響力，導致管唔到佢地，佢地就好似貪官咁令生意走向滅亡。到有事需要決策時，究竟誰有最終決定權，決定了之後由誰去執行，執行時出了問題由誰去解決，都要有一個清楚的定案。如果只係做了決定，如何實際推行係沒有清晰方案的話，咁盤生意又可以點進步？呢D全靠管理層的功架，要令整體配合，步伐一致，先至可以達到理想的效果。
最近有朋友C君召集了一批人夾錢做生意，每個股東都因為夾左錢而意見多多。有好多事都係議而不決，夾左錢成年都未真正開到波搵錢。呢一年就洗左好多錢去籌備呢盤生意，餘下的資金已經去到警界線了，但係開業日子仲在爭拗中。未揾錢已經耗盡彈藥，究竟係咩問題？菲菲觀察所得，係召集人管理能力欠奉，在召集時只係為錢而召集，完全沒有考慮如何管理呢一筆資金，更加沒有考慮如何管理呢一大班小股東。經常由得他們你一言我一語的擴大個人影響力，咁盤生意到底係邊個話事GA？既然係冇人話到事，咁點做呀？就算入面有幾多有料的人都好，都係行唔郁GA。
C君話佢地比左錢，想知公司每件事係點攪。道理上係成立，但係究竟佢地要知幾多、幾時知、知D乜、點處理佢地的意見等等係完全冇 idea 的，咁即係不斷為一 D 沒有辦法達成共識的事去討論，咁有咩意思呢？同埋有冇一個人係負責統籌意見之後作出決定呢？係冇的，咁樣的生意會有咩前景呢？菲菲唔敢講，只係慶幸當時我同老公冇夾錢，不需要為呢D事而煩。
大家做生意之前，真係要知道點管先至好開波。
2012年8月19日 星期日
年薪百萬
菲菲有三個小孩，暫時仲係全職無飯主婦，仲好懶惰地請了2個外傭，一家七口的生活全靠老公獨力支持。本以為我地的每月支出好驚人，點知一山還有一山高，強中自有強中手，真係令我嘆為觀止！
早幾日我地同一位老友A君食飯閒談，先至發現我地的生活其實係好「草根」。A君係我大學師兄，又係我老公老友，佢第三個女又係我大仔的同學，之前我又幫A君打過工，大家都幾有淵源。A君有4名小孩，好似有3至4個傭人，老婆響佢公司幫手做野 (同菲菲情況差不多)，仲係同外母大人一齊住，一家十口何其壯觀！佢D小朋友仲細，管接管送，上興趣班等的時間和洗費都不菲。我地傾傾下講到家庭支出呢個問題，菲菲問︰「你地一個月駛唔駛十萬支出呀？」。A君答︰「梗係唔夠啦！而家我已經比錢比到麻木左，唔單止有每月固定支出，仲有D係日日清既數，真係比到冇哂感覺！」
A君唔係出身豪門，亦唔係娶左個有錢老婆，白手興家自己攪生意，菲菲都好佩服佢的能力、膽色同勇氣！佢成日叫我生多個，我真係頂唔順嘞！老公有錢養我都冇力湊啦，我唔想挑戰呢D極限嘞，哈哈！
以前覺得年薪百萬係一個好令人自豪的成績，到了今天，原來只係一個基本生存的要求，真係嚇怕一眾未生小朋友的人。大家唔好笑我怪獸家長，冇工人係唔駛死，不過要餐餐叫外賣同埋日日拎衫落街洗之嘛。如果是但一個小朋友病左都要一拖三去睇醫生，唔好比小朋友分開上興趣班，或者完全唔上，咁就可以唔駛請工人了。
好多人都話以前D亞媽一個湊幾個做埋家務都仲得啦，不過而家社會已經唔同左，唔可以獨留兒童在家，唔通帶住幾個小朋友又拖又抱咁去買菜？定係掛住做家務，由得小朋友唔識功課都亂作一通？而家好多親子習作，唔理你識唔識都要乖乖就範，鬼叫香港的教育制度咁畸型？連入一間普通的學校都要睇小朋友有參加咩課外活動，比賽係咩成績，有冇能力為學校增光，我地可以完全唔跟呢個遊戲規則嗎？我地又唔係做莊果個，暫時仲未到我地揀。一係再努力D搵多D錢，送哂D仔女去外國讀書，就唔駛比香港的畸型制度玩殘。以前只要讀書成績不是很差都可以繼續有書讀，而家平均分唔夠90分就會收警告信，再唔係比封 Referral Letter 你去考其他學校，為保學藉，就算小朋友唔上興趣班都要去補習。以前的社會係咁的嗎？家長可以咩都當唔知唔理嗎？自問做唔到咁灑脫，除了自己節衣縮食之外，仲要抽調更多人力物力同財力去維持小朋友們的「基本生活和學習水平」。
好在我家支出唔駛每年一百萬，仲頂得住！
早幾日我地同一位老友A君食飯閒談，先至發現我地的生活其實係好「草根」。A君係我大學師兄，又係我老公老友，佢第三個女又係我大仔的同學，之前我又幫A君打過工，大家都幾有淵源。A君有4名小孩，好似有3至4個傭人，老婆響佢公司幫手做野 (同菲菲情況差不多)，仲係同外母大人一齊住，一家十口何其壯觀！佢D小朋友仲細，管接管送，上興趣班等的時間和洗費都不菲。我地傾傾下講到家庭支出呢個問題，菲菲問︰「你地一個月駛唔駛十萬支出呀？」。A君答︰「梗係唔夠啦！而家我已經比錢比到麻木左，唔單止有每月固定支出，仲有D係日日清既數，真係比到冇哂感覺！」
A君唔係出身豪門，亦唔係娶左個有錢老婆，白手興家自己攪生意，菲菲都好佩服佢的能力、膽色同勇氣！佢成日叫我生多個，我真係頂唔順嘞！老公有錢養我都冇力湊啦，我唔想挑戰呢D極限嘞，哈哈！
以前覺得年薪百萬係一個好令人自豪的成績，到了今天，原來只係一個基本生存的要求，真係嚇怕一眾未生小朋友的人。大家唔好笑我怪獸家長，冇工人係唔駛死，不過要餐餐叫外賣同埋日日拎衫落街洗之嘛。如果是但一個小朋友病左都要一拖三去睇醫生，唔好比小朋友分開上興趣班，或者完全唔上，咁就可以唔駛請工人了。
好多人都話以前D亞媽一個湊幾個做埋家務都仲得啦，不過而家社會已經唔同左，唔可以獨留兒童在家，唔通帶住幾個小朋友又拖又抱咁去買菜？定係掛住做家務，由得小朋友唔識功課都亂作一通？而家好多親子習作，唔理你識唔識都要乖乖就範，鬼叫香港的教育制度咁畸型？連入一間普通的學校都要睇小朋友有參加咩課外活動，比賽係咩成績，有冇能力為學校增光，我地可以完全唔跟呢個遊戲規則嗎？我地又唔係做莊果個，暫時仲未到我地揀。一係再努力D搵多D錢，送哂D仔女去外國讀書，就唔駛比香港的畸型制度玩殘。以前只要讀書成績不是很差都可以繼續有書讀，而家平均分唔夠90分就會收警告信，再唔係比封 Referral Letter 你去考其他學校，為保學藉，就算小朋友唔上興趣班都要去補習。以前的社會係咁的嗎？家長可以咩都當唔知唔理嗎？自問做唔到咁灑脫，除了自己節衣縮食之外，仲要抽調更多人力物力同財力去維持小朋友們的「基本生活和學習水平」。
好在我家支出唔駛每年一百萬，仲頂得住！
2012年8月15日 星期三
2012年8月14日 星期二
五年人事幾番新
今日菲菲忽然好有興緻睇返我個舊 blog，寫得最多係2007年7月。如果唔係KK講起，我都忘記左原來我一個月內寫左67篇，而家諗返起都唔知當時自己點可以寫到咁多野。睇返內容，當時係跑數跑到氣咳的日子，我竟然仲有閒情逸緻寫咁多野，而且大部份都係長篇大論的文章，都未睇哂我都要同自己寫個服字！
一邊睇一邊回味當時緊張刺激的工作情況，驚覺呢幾年菲菲改變左好多。以前的菲菲真係兇悍無比，連我都唔相信自己當年原來係咁 tough。不久的將來我會重返職場，唔知到時又會係咩境況呢？我 d 同事又會唔會頂我唔順呢？哈哈！不過人大左，成熟左，唔會好似以前咁衝動，會識得停一停諗一諗，相信和我共事的人唔會太難過吧。以前很喜歡玩人事鬥爭遊戲，十足十宮心計咁，有好多同事包括老板娘都比我玩到氹氹轉，而家菲菲仲會唔會花心思落呢 d人事鬥爭上呢？我估有需要時我係會嘅，不過會玩得低調 d，冇以前咁落力掛。哈哈！
在工作上，菲菲仍然堅守做到最好同埋突破自己的原則，只係會以一個較溫和的方式去表達。我衷心希望不需再惡形惡相咁返工，亦都可以達到高水平的工作表現。呢個就係菲菲將要突破的一個範疇。我要成為一位受同事愛戴又有出色表現的管理人！
一邊睇一邊回味當時緊張刺激的工作情況，驚覺呢幾年菲菲改變左好多。以前的菲菲真係兇悍無比，連我都唔相信自己當年原來係咁 tough。不久的將來我會重返職場，唔知到時又會係咩境況呢？我 d 同事又會唔會頂我唔順呢？哈哈！不過人大左，成熟左，唔會好似以前咁衝動，會識得停一停諗一諗，相信和我共事的人唔會太難過吧。以前很喜歡玩人事鬥爭遊戲，十足十宮心計咁，有好多同事包括老板娘都比我玩到氹氹轉，而家菲菲仲會唔會花心思落呢 d人事鬥爭上呢？我估有需要時我係會嘅，不過會玩得低調 d，冇以前咁落力掛。哈哈！
在工作上，菲菲仍然堅守做到最好同埋突破自己的原則，只係會以一個較溫和的方式去表達。我衷心希望不需再惡形惡相咁返工，亦都可以達到高水平的工作表現。呢個就係菲菲將要突破的一個範疇。我要成為一位受同事愛戴又有出色表現的管理人！
2012年8月12日 星期日
我有我天地
今日係大仔學校的例行公事，每學期一次的家長面見日。
老師為每位學生做了厚厚的一本 profolio，內裡記錄著小朋友在學校做過的事。這本 profolio 做得很有心思，圖文並茂，很感激老師們用心的為小朋友們記下他們在學校成長的每一頁。收到的時候真係有D感動，呢間學校真係好有 heart。
面見時老師說大仔喜歡活在自己的空間，當他專注做某一件事時，就會全神貫注，不會理會旁邊的人和事。其實他對外界是有感知的，只是不喜歡主動和同學們交往。他在家都是一樣，我已經習慣了大仔就是這樣的一個人。他對音樂和藝術是頗有天份的，其實他是有份藝術家的性格，他的執著可以是弱點，但我認為是優點。藝術家不是人人可以做到的，有此天賦真的要好好珍惜。
在我的角度來看，認為這就是最真實的他。他本性善良，對人有禮，這樣已經足夠了。很多家長都要求小孩子能言善辯，主動熱情，因為這樣對考入名校較有利。但我只希望小朋友活得開心，有自己的專長或興趣，不隨波逃流，有自己的見解，做事對得住良心，這樣已經很足夠了。世上總有慢熱和被動的人，他們有自己的生活方式，亦有自己對人生的見解，有這份能耐已經是最大的恩賜。菲菲認為主動不一定會必勝，會說話不一定會更有優勢。反而懂得理解自己的人生，知道甚麼最適合自己才是最緊要。人云亦云好像很安全，不過久而久之就會迷失自己。
這個小藝術家，其實是很討歡喜的。從老師的口吻中，我聽得出老師們很疼他，起碼他不會是個搗蛋的小鬼！哈哈！
老師為每位學生做了厚厚的一本 profolio，內裡記錄著小朋友在學校做過的事。這本 profolio 做得很有心思，圖文並茂，很感激老師們用心的為小朋友們記下他們在學校成長的每一頁。收到的時候真係有D感動，呢間學校真係好有 heart。
面見時老師說大仔喜歡活在自己的空間，當他專注做某一件事時，就會全神貫注，不會理會旁邊的人和事。其實他對外界是有感知的，只是不喜歡主動和同學們交往。他在家都是一樣，我已經習慣了大仔就是這樣的一個人。他對音樂和藝術是頗有天份的，其實他是有份藝術家的性格，他的執著可以是弱點，但我認為是優點。藝術家不是人人可以做到的，有此天賦真的要好好珍惜。
在我的角度來看，認為這就是最真實的他。他本性善良，對人有禮，這樣已經足夠了。很多家長都要求小孩子能言善辯，主動熱情，因為這樣對考入名校較有利。但我只希望小朋友活得開心，有自己的專長或興趣，不隨波逃流，有自己的見解，做事對得住良心，這樣已經很足夠了。世上總有慢熱和被動的人，他們有自己的生活方式，亦有自己對人生的見解，有這份能耐已經是最大的恩賜。菲菲認為主動不一定會必勝，會說話不一定會更有優勢。反而懂得理解自己的人生，知道甚麼最適合自己才是最緊要。人云亦云好像很安全，不過久而久之就會迷失自己。
這個小藝術家，其實是很討歡喜的。從老師的口吻中，我聽得出老師們很疼他，起碼他不會是個搗蛋的小鬼！哈哈！
2012年8月8日 星期三
開天殺價
有沒有人聽聞過總代理的價錢貴過小量批發價的道理？今日菲菲又大開眼界了。
之前老公想和富二代合作做生意，最後因為富二代縮沙而告吹。後來佢願意提供貨源，只是不會參與投資和營運。今日我們約了供應商的代表開會，商討供貨細節。當傾到價錢時，對方竟然要求我們每件貨多付一筆費用，是給富二代的酬勞。呢個價錢比其他小批發商的價錢更高，我們傾的是香港區的總代理，竟然要付比小量批發 (每件) 更高的價錢，是甚麼道理？呢位富二代係唔想比我地做香港區總代理丫？定係佢腦殘呢？呢件貨因為缺乏資源做推廣，所以銷量一直都很差。我地就係睇中呢件貨有利可圖，先至願意提出成為香港總代理的合作協議。而家生意佢又唔想做 (因為懶)，叫佢比貨又獅子開大口想中飽私囊，我真係想兜口兜面鬧佢一句「廢柴」。
呢位富二代口口聲聲話要賣好呢隻貨，做D成績比佢老頭子睇，原來都係「講就天下無敵，做就無能為力」。你唔識做唔緊要，我地睇中你件貨想幫你做，竟然玩「過水濕腳」呢D小把戲，呢條友仔有冇大志 ga？做香港區總代理，好明顯我地要的量係好多，正常係可以 bargain 一個更平宜的價錢，佢竟然要我地多付一筆錢比佢自己袋，條氣真係唔多順。佢地都未攪清楚，貨源係好重要，但係我唔搵你係可以搵其他貨，生意一樣可以照做，但係冇人幫佢出貨，就未必搵到另一個人去同佢大批銷貨。邊個上把，邊個下把，佢好似仲未好清楚喎。
我同老公講，如果佢堅持要呢個價，呢單 deal 拉倒好了。我地有其他貨源可以傾，而其他供貨商亦願意提供資源 support 我地出貨，正常人都知點選擇啦。
之前老公想和富二代合作做生意，最後因為富二代縮沙而告吹。後來佢願意提供貨源，只是不會參與投資和營運。今日我們約了供應商的代表開會，商討供貨細節。當傾到價錢時，對方竟然要求我們每件貨多付一筆費用，是給富二代的酬勞。呢個價錢比其他小批發商的價錢更高，我們傾的是香港區的總代理，竟然要付比小量批發 (每件) 更高的價錢，是甚麼道理？呢位富二代係唔想比我地做香港區總代理丫？定係佢腦殘呢？呢件貨因為缺乏資源做推廣，所以銷量一直都很差。我地就係睇中呢件貨有利可圖，先至願意提出成為香港總代理的合作協議。而家生意佢又唔想做 (因為懶)，叫佢比貨又獅子開大口想中飽私囊，我真係想兜口兜面鬧佢一句「廢柴」。
呢位富二代口口聲聲話要賣好呢隻貨，做D成績比佢老頭子睇，原來都係「講就天下無敵，做就無能為力」。你唔識做唔緊要，我地睇中你件貨想幫你做，竟然玩「過水濕腳」呢D小把戲，呢條友仔有冇大志 ga？做香港區總代理，好明顯我地要的量係好多，正常係可以 bargain 一個更平宜的價錢，佢竟然要我地多付一筆錢比佢自己袋，條氣真係唔多順。佢地都未攪清楚，貨源係好重要，但係我唔搵你係可以搵其他貨，生意一樣可以照做，但係冇人幫佢出貨，就未必搵到另一個人去同佢大批銷貨。邊個上把，邊個下把，佢好似仲未好清楚喎。
我同老公講，如果佢堅持要呢個價，呢單 deal 拉倒好了。我地有其他貨源可以傾，而其他供貨商亦願意提供資源 support 我地出貨，正常人都知點選擇啦。
2012年8月6日 星期一
2012年8月1日 星期三
氣功
菲菲天生懂得運用自己身體內的氣，可以隨時隨地凝聚一股氣，亦可以輕易地把這些氣散開，有些人可能要學習氣功一段時間才可以做到如我般收放自如的效果。除了會運用之外，有時還會看到。看到的不單是人的氣，連地氣都看過。沒有學過氣功，或不相信氣功的人是不會瞭解我所指的「看到」是甚麼意思。事實上，菲菲從來都沒有學過氣功。
正所謂物以累贅，菲菲身邊都有好多人懂得氣功，或懂得運用自己的氣。當他們知道菲菲有此天賦之後，就不斷有人遊說我跟他們學氣功，不要把天賜的禮物浪費掉。正因為我太珍惜呢份禮物，所以遲遲都未選定跟哪一位去學。其實每一個人都有此能耐，只不過是你可以開發到多少。同時，氣亦有分好與壞，菲菲之前曾經和一班「氣場」不夠好的人相處，已經渾身不自在。如果大家一起練氣功的話，我會吸入他們的不良氣場，所以一直都不敢學。
老公的其中一位八字學生，對氣功很有研究，亦是一位醫師。他知道菲菲患有眼疾，在上課前都會為我按穴治療。今天按得特別起勁，痛到我眼水流個不停。按了一會之後，他彷彿有所感應，把手放在我天靈蓋上吸，我即時感到一股氣使勁地向頭頂衝。他說我的氣還未衝得出，我就閉目集中精神，引導體內的氣匯集在一起，再慢慢由頭上排出。當這道氣可以順暢起排出時，我再調節呼吸，竟然看到自己噴出一口又一口的烏氣！好像在食雪茄般，不斷把一團一團的氣吐出來！
完成整個過程之後，真係有新發現！平時我喜歡把頭髮垂下蓋著兩邊面，一排完氣之後，就「發現」垂下來的頭髮擋著我的視線。嘩！即係證明我視網膜的感光範圍大了！真係好開心！最令我動容的是，在整個過程中，他沒有要求我運氣或調節呼吸，但我卻很有默契地配合著他，令到排氣過程很順利，效果也明顯。
而家，我開始想跟呢位醫師學氣功了，大家條寬頻似乎係搭得通。
正所謂物以累贅，菲菲身邊都有好多人懂得氣功，或懂得運用自己的氣。當他們知道菲菲有此天賦之後，就不斷有人遊說我跟他們學氣功，不要把天賜的禮物浪費掉。正因為我太珍惜呢份禮物，所以遲遲都未選定跟哪一位去學。其實每一個人都有此能耐，只不過是你可以開發到多少。同時，氣亦有分好與壞，菲菲之前曾經和一班「氣場」不夠好的人相處，已經渾身不自在。如果大家一起練氣功的話，我會吸入他們的不良氣場，所以一直都不敢學。
老公的其中一位八字學生，對氣功很有研究，亦是一位醫師。他知道菲菲患有眼疾，在上課前都會為我按穴治療。今天按得特別起勁，痛到我眼水流個不停。按了一會之後，他彷彿有所感應，把手放在我天靈蓋上吸，我即時感到一股氣使勁地向頭頂衝。他說我的氣還未衝得出，我就閉目集中精神，引導體內的氣匯集在一起，再慢慢由頭上排出。當這道氣可以順暢起排出時，我再調節呼吸，竟然看到自己噴出一口又一口的烏氣！好像在食雪茄般，不斷把一團一團的氣吐出來！
完成整個過程之後，真係有新發現！平時我喜歡把頭髮垂下蓋著兩邊面，一排完氣之後，就「發現」垂下來的頭髮擋著我的視線。嘩！即係證明我視網膜的感光範圍大了！真係好開心！最令我動容的是，在整個過程中，他沒有要求我運氣或調節呼吸，但我卻很有默契地配合著他，令到排氣過程很順利，效果也明顯。
而家，我開始想跟呢位醫師學氣功了，大家條寬頻似乎係搭得通。
2012年7月31日 星期二
2012年7月29日 星期日
都是我的錯
今日一定係犯左三碧，事非纏身，一小時內遇到三件都係「我錯」的事。
事件一︰
同大仔上完跳舞班，一起乘的士回家。剛巧老公工作完畢，相約在旺角一起吃午飯。原本叫的士司機在新填地街的街口停。點知佢越過幾條行車線係直接轉左入新填地街，係我同老公約定地點的反方向。為免佢越行越遠，就即時叫停左佢。但係停車的位置要小朋友先下車，我個仔一落車就想過馬路搵爸爸 (亞皆老街呀！)，我要飛撲埋去捉住佢！我同司機講︰「都話響街口停，做咩轉左入黎？」。司機仲要話我冇講清楚。為左自己方便不顧乘客安全，要小朋友在車來車往的地方下車，竟然係我錯？
事件二︰
在茶餐廳食飯，亞仔要食通粉，但係呢間茶餐廳的茶餐只有炸菜肉絲通粉。小朋友不可以食辣，我地就用另一個碗盛起沒有湯和炸菜的通粉比佢食。當我地正在處理呢碗通粉時，侍應上其他菜時撞到我的手，佢手上的東西幾乎掉下來。侍應仲話︰「好在冇湯，如果唔係6到你呀！」。上菜時不留意客人情況，撞到客人一句「唔好意思」都冇，又係我錯？
事件三︰
我和大仔步出茶餐廳時不小心踩到一個男人，我即時道歉，佢竟然回我一句粗口！我踩到你係我不對，我都知道歉唔係大哂，但係駛唔駛講粗口鬧人呀？如果唔係拖住個仔，可能係會黎招「爛佬怕潑婦」都唔定！
事件一︰
同大仔上完跳舞班，一起乘的士回家。剛巧老公工作完畢，相約在旺角一起吃午飯。原本叫的士司機在新填地街的街口停。點知佢越過幾條行車線係直接轉左入新填地街，係我同老公約定地點的反方向。為免佢越行越遠，就即時叫停左佢。但係停車的位置要小朋友先下車，我個仔一落車就想過馬路搵爸爸 (亞皆老街呀！)，我要飛撲埋去捉住佢！我同司機講︰「都話響街口停，做咩轉左入黎？」。司機仲要話我冇講清楚。為左自己方便不顧乘客安全，要小朋友在車來車往的地方下車，竟然係我錯？
事件二︰
在茶餐廳食飯，亞仔要食通粉，但係呢間茶餐廳的茶餐只有炸菜肉絲通粉。小朋友不可以食辣，我地就用另一個碗盛起沒有湯和炸菜的通粉比佢食。當我地正在處理呢碗通粉時，侍應上其他菜時撞到我的手，佢手上的東西幾乎掉下來。侍應仲話︰「好在冇湯，如果唔係6到你呀！」。上菜時不留意客人情況，撞到客人一句「唔好意思」都冇，又係我錯？
事件三︰
我和大仔步出茶餐廳時不小心踩到一個男人，我即時道歉，佢竟然回我一句粗口！我踩到你係我不對，我都知道歉唔係大哂，但係駛唔駛講粗口鬧人呀？如果唔係拖住個仔，可能係會黎招「爛佬怕潑婦」都唔定！
2012年7月26日 星期四
柳暗花明
上個月老公打算同某富二代合作做生意，最終條友都係打左退堂鼓。響呢個月老公繼續找尋合適的拍檔，事情在昨晚有突破性發展。
事緣老公的友人L小姐得到男友的口頭承諾，願意資助她開時裝店圓老闆夢。L小姐的男友N君不是順口開河的，不過在投資之前要看L小姐會有甚麼發展大計。L小姐其實真係冇咩「大計」，只係喜歡呢一行所以想做，至於點開始，點發展之類係冇咩頭緒的。老公和L小姐閒談間知道N君對做生意很有興趣，只要不犯法的生意都願意做，大前提就係要盤生意有合理利潤、前景同埋有清晰發展藍圖。N君有很多生意都不是自己親手打理的，都係以投資性質參與，只求結果不問過程。對於我地黎講，呢D就係最好的投資者啦！
昨晚L小姐生日，我們四人出來吃飯為L小姐賀壽。之前L小姐都有向N君提及過我們想找投資者的事，於是飯後大家就傾下有冇合作空間。老公只係好概括咁同N君講我地公司諗住做咩生意、咩市場、貨源、幾多預計盈利之類，N君就即時叫我地去睇一個現成的辦公室。呢個辦公室係N君公司的自置物業，位於地鐵沿線，乙級寫字樓兼新裝修，入面的設計好似為我地而準備咁，實在太令人驚嘆！N君打算將幾個辦公室合併，所以會有一些「較小型」的辦公室會騰空出來，佢不但願意投資，仲願意以低於市價的價錢租辦公室比我地，仲會提供一切相關支援，因為佢集團內咩人才都有，唔駃咩都自己攪，可以省卻好多人力物力！N君仲表明出錢冇問題，千萬唔好咩都搵佢解決就得勒，呢個合作關係相信好快正式生效了！
是次會面完畢，我地需要準備一個完整的計劃書比佢，待佢睇完詳細計劃之後就可以作最終決定了。今次會面，我覺得好似發夢一樣，佢完全冇任何質疑就表示支持，我估L小姐之前做左好多功夫呢！
事緣老公的友人L小姐得到男友的口頭承諾，願意資助她開時裝店圓老闆夢。L小姐的男友N君不是順口開河的，不過在投資之前要看L小姐會有甚麼發展大計。L小姐其實真係冇咩「大計」，只係喜歡呢一行所以想做，至於點開始，點發展之類係冇咩頭緒的。老公和L小姐閒談間知道N君對做生意很有興趣，只要不犯法的生意都願意做，大前提就係要盤生意有合理利潤、前景同埋有清晰發展藍圖。N君有很多生意都不是自己親手打理的，都係以投資性質參與，只求結果不問過程。對於我地黎講，呢D就係最好的投資者啦！
昨晚L小姐生日，我們四人出來吃飯為L小姐賀壽。之前L小姐都有向N君提及過我們想找投資者的事，於是飯後大家就傾下有冇合作空間。老公只係好概括咁同N君講我地公司諗住做咩生意、咩市場、貨源、幾多預計盈利之類，N君就即時叫我地去睇一個現成的辦公室。呢個辦公室係N君公司的自置物業，位於地鐵沿線，乙級寫字樓兼新裝修，入面的設計好似為我地而準備咁，實在太令人驚嘆！N君打算將幾個辦公室合併，所以會有一些「較小型」的辦公室會騰空出來，佢不但願意投資，仲願意以低於市價的價錢租辦公室比我地，仲會提供一切相關支援，因為佢集團內咩人才都有，唔駃咩都自己攪，可以省卻好多人力物力！N君仲表明出錢冇問題，千萬唔好咩都搵佢解決就得勒，呢個合作關係相信好快正式生效了！
是次會面完畢，我地需要準備一個完整的計劃書比佢，待佢睇完詳細計劃之後就可以作最終決定了。今次會面，我覺得好似發夢一樣，佢完全冇任何質疑就表示支持，我估L小姐之前做左好多功夫呢！
2012年7月25日 星期三
廣東話真係咁難讀？
每星期二都會叫印傭去買報紙比大仔做剪報 (而家K1都要做剪報，即係叫我做啦！)，平時我地係買開日月報的，昨日印傭落街買報紙時剛巧日月報賣哂，佢扛電話返黎問，我就叫佢改買星島，點知佢買左份成報返黎。因我今日先至有空幫大仔做剪報，冇得拎去換。
雖然好多印傭都識講廣東話，不過佢地好多發音都係攪不清。例如︰唔識分「星期一」同「星期日」的讀音，「飲筒」會講成「針筒」(已經成日響便利店度買野時攪出笑話，都係改唔到)，又唔識講個「瘀」字，有次話我個仔隻腳「軟」左 (嚇死人咩！)，原來係「瘀」左。仲有，唔識分辨量詞，咩都係用「個」，例如︰一個筆、一個被、一個車、一個筷子之類。同埋文法去又出現問題，例如︰「講好多野」會講成「好多講野」、「媽媽的杯」會講成「媽媽杯」(佢地唔識用個「的」字)、唔識用「闊窄」黎形容，會用「肥瘦」黎形容，會講「檯好肥」、「門好瘦」之類、會撈亂「藍色」同「綠色」、「透明」會講成「白色」、唔識分「灰色」同「啡色」的讀音。「牆」、「窗」、「床」全部讀成「床」… 實在太多不能盡錄！
本來我都冇需要改正佢地的讀音，最大鑊係大仔跟工人講錯，我唯有不辭勞苦去糾正佢地。但係佢地又好熱心要教我個仔講野喎，比佢地激到嘔血！不單止廣東話發音不正確，連英文都係咁。千萬唔好以為有個外傭響度小朋友會識講英文，真係大錯特錯。佢地的發音既不是美式亦不是英式，盞越學越唔識。例如︰「Vitamin」會講成「Bitamin」、「plastic」會講成「blastic」…
而家三個小寶都學緊講野，我要打醒十二分精神去留意佢地了！
雖然好多印傭都識講廣東話，不過佢地好多發音都係攪不清。例如︰唔識分「星期一」同「星期日」的讀音，「飲筒」會講成「針筒」(已經成日響便利店度買野時攪出笑話，都係改唔到)，又唔識講個「瘀」字，有次話我個仔隻腳「軟」左 (嚇死人咩！)，原來係「瘀」左。仲有，唔識分辨量詞，咩都係用「個」，例如︰一個筆、一個被、一個車、一個筷子之類。同埋文法去又出現問題，例如︰「講好多野」會講成「好多講野」、「媽媽的杯」會講成「媽媽杯」(佢地唔識用個「的」字)、唔識用「闊窄」黎形容，會用「肥瘦」黎形容，會講「檯好肥」、「門好瘦」之類、會撈亂「藍色」同「綠色」、「透明」會講成「白色」、唔識分「灰色」同「啡色」的讀音。「牆」、「窗」、「床」全部讀成「床」… 實在太多不能盡錄！
本來我都冇需要改正佢地的讀音，最大鑊係大仔跟工人講錯，我唯有不辭勞苦去糾正佢地。但係佢地又好熱心要教我個仔講野喎，比佢地激到嘔血！不單止廣東話發音不正確，連英文都係咁。千萬唔好以為有個外傭響度小朋友會識講英文，真係大錯特錯。佢地的發音既不是美式亦不是英式，盞越學越唔識。例如︰「Vitamin」會講成「Bitamin」、「plastic」會講成「blastic」…
而家三個小寶都學緊講野，我要打醒十二分精神去留意佢地了！
2012年7月21日 星期六
文化差異？
今早大仔去考音樂試，考完試仲未夠鐘上普通話堂，我地就去左麥當當食早餐。
大仔最鐘意食通粉，所以點了個扭扭粉早餐比佢。小朋友見到食物都係心急的，不顧 d 湯仲係好熱就食，當然係燙到佢個咀仔啦。工人A好緊張，即時幫佢將 d 扭扭粉「畢」落個蓋度攤凍。本來係一件好普通的事，但係被菲菲制止。第一，小朋友要學識食飯的禮儀，不要狼吞虎嚥。第二，在進食時不應把食物「畢」黎「畢」去，太沒儀態了。但係印尼人的文化係沒有「儀態」呢回事，佢完全冇理會我的制止，仲繼續「畢」，因為怕小朋友再燙咀。(請一個好工人最嘔血的地方就係佢會縱壞我個仔！)。雖然菲菲唔係出身名門望族，但係對用餐禮儀都有一定的堅持，唔可以因為食麥當當而變得「粗野」。習慣係培養出黎的，無論食咩都要注意個人儀態。於是菲菲走去問服務員要左個裝粟米用的小膠碟比大仔「畢」起 d 扭扭粉，因為「畢」落個蓋度會倒瀉呀！工人A完全冇考慮到呢點。
大仔始終係一個小朋友，食唔哂一份早餐，我就叫工人A把剩下的食物打包帶回家。工人A覺得把如此少量的食物帶走，好似好寒酸咁，不過佢敵不過我嚴厲的眼神都照做了。浪費食物在菲菲眼中是罪大惡極的行為，但係屋企人係農民的工人A似乎對食物並不在乎，常常浪費食物。
每個人都會愛面子，在菲菲的尺度，食飯要得體才是有「面子」的行為。食飯係最常有的社交活動，連食飯都攪到一團糟，真係好失禮！但在工人A的角度，如何去食一餐飯係不重要，但係帶走食剩的食物就令佢覺得很丟面。
菲菲不敢講大家的文化不同，太過以偏蓋全了。但係，我未見過食得有儀態的印傭。
大仔最鐘意食通粉，所以點了個扭扭粉早餐比佢。小朋友見到食物都係心急的，不顧 d 湯仲係好熱就食，當然係燙到佢個咀仔啦。工人A好緊張，即時幫佢將 d 扭扭粉「畢」落個蓋度攤凍。本來係一件好普通的事，但係被菲菲制止。第一，小朋友要學識食飯的禮儀，不要狼吞虎嚥。第二，在進食時不應把食物「畢」黎「畢」去，太沒儀態了。但係印尼人的文化係沒有「儀態」呢回事，佢完全冇理會我的制止，仲繼續「畢」，因為怕小朋友再燙咀。(請一個好工人最嘔血的地方就係佢會縱壞我個仔！)。雖然菲菲唔係出身名門望族，但係對用餐禮儀都有一定的堅持，唔可以因為食麥當當而變得「粗野」。習慣係培養出黎的，無論食咩都要注意個人儀態。於是菲菲走去問服務員要左個裝粟米用的小膠碟比大仔「畢」起 d 扭扭粉，因為「畢」落個蓋度會倒瀉呀！工人A完全冇考慮到呢點。
大仔始終係一個小朋友，食唔哂一份早餐，我就叫工人A把剩下的食物打包帶回家。工人A覺得把如此少量的食物帶走，好似好寒酸咁，不過佢敵不過我嚴厲的眼神都照做了。浪費食物在菲菲眼中是罪大惡極的行為，但係屋企人係農民的工人A似乎對食物並不在乎，常常浪費食物。
每個人都會愛面子，在菲菲的尺度，食飯要得體才是有「面子」的行為。食飯係最常有的社交活動，連食飯都攪到一團糟，真係好失禮！但在工人A的角度，如何去食一餐飯係不重要，但係帶走食剩的食物就令佢覺得很丟面。
菲菲不敢講大家的文化不同，太過以偏蓋全了。但係，我未見過食得有儀態的印傭。
2012年7月20日 星期五
漏電男
知道咩係「漏電」嗎？當然唔係講電線殘舊會漏電，係講人。
人會漏電？唔係美國漫畫入面的超級英雄或者大壞蛋，係言行舉止無意之間令到異性產生「幻覺」的人。菲菲認識的人當中有幾位漏電男，一位係專登漏電，一位係唔知自己漏電，仲有一位動機不明有待觀察。
先講下專登漏電果位男士，四十來歲外形仍然保養得不錯，身型夠高穿衣有品味，單看外型已知佢叉足電。佢已婚育有一對仔女，不過很少會提及自己有家室。佢平時講野都幾精神的，但係對住部份女士講野就會漏電。點為之漏電？就係在女士身畔輕輕的說，好像在講秘密的模樣，但係內容並不是甚麼秘密，單是這種感覺就讓人心神恍惚。剛才說他的對象是「部份女士」，咁係點劃分呢？大凡靚女、有錢女、叻女佢都會專登漏下電，暗中培養女士對他的好感，好讓他日後有事相求時可得心應手。最絕就係佢從來冇去「追求」或「獻殷勤」，只係令到女士們對他有微妙的好感。在我認識的女性朋友中，最少有三位中招，在不同程度上 (金錢或人脈) 幫助這位漏電男。
另一位冇心漏電的是一位靚仔，三十來歲文質彬彬。平時佢有少少怕羞，聲線很柔和，和他傾計時有種很清新的感覺，彷彿和愛情片的男主角攀談一樣，令人悠然神往。他和人說話時很有禮地望著對方的眼睛，配合他俊秀的外形，定力少D都比佢電暈。他已有固定女友，但係有女性友人同菲菲講呢位俊男想追佢。真係笑死人！呢位女士都唔細啦，三十幾歲人都仲未識分咩叫「追求」，靚仔冇罪 ga，望住你講野係有禮貌，同追求完全扯不上關係啦！
最後一位動機不明的漏電男，好似未夠三十歲，不算很靚仔，不過性格主動熱情，亦都很喜歡溫柔地和女士傾計。他的聲線好似有魔力似的，會從耳畔直入心坎，連菲菲功力咁深厚都幾乎中招。菲菲認識呢位陽光漏電男時間尚淺，他的動機有待觀察！
以往只知道女性會以色做餌去達到自己的目的，原來現今男士都有此本領，佩服佩服！
人會漏電？唔係美國漫畫入面的超級英雄或者大壞蛋，係言行舉止無意之間令到異性產生「幻覺」的人。菲菲認識的人當中有幾位漏電男，一位係專登漏電，一位係唔知自己漏電，仲有一位動機不明有待觀察。
先講下專登漏電果位男士，四十來歲外形仍然保養得不錯，身型夠高穿衣有品味，單看外型已知佢叉足電。佢已婚育有一對仔女，不過很少會提及自己有家室。佢平時講野都幾精神的，但係對住部份女士講野就會漏電。點為之漏電？就係在女士身畔輕輕的說，好像在講秘密的模樣，但係內容並不是甚麼秘密，單是這種感覺就讓人心神恍惚。剛才說他的對象是「部份女士」，咁係點劃分呢？大凡靚女、有錢女、叻女佢都會專登漏下電，暗中培養女士對他的好感，好讓他日後有事相求時可得心應手。最絕就係佢從來冇去「追求」或「獻殷勤」，只係令到女士們對他有微妙的好感。在我認識的女性朋友中，最少有三位中招，在不同程度上 (金錢或人脈) 幫助這位漏電男。
另一位冇心漏電的是一位靚仔，三十來歲文質彬彬。平時佢有少少怕羞，聲線很柔和，和他傾計時有種很清新的感覺，彷彿和愛情片的男主角攀談一樣，令人悠然神往。他和人說話時很有禮地望著對方的眼睛，配合他俊秀的外形，定力少D都比佢電暈。他已有固定女友，但係有女性友人同菲菲講呢位俊男想追佢。真係笑死人！呢位女士都唔細啦，三十幾歲人都仲未識分咩叫「追求」，靚仔冇罪 ga，望住你講野係有禮貌，同追求完全扯不上關係啦！
最後一位動機不明的漏電男，好似未夠三十歲，不算很靚仔，不過性格主動熱情，亦都很喜歡溫柔地和女士傾計。他的聲線好似有魔力似的，會從耳畔直入心坎，連菲菲功力咁深厚都幾乎中招。菲菲認識呢位陽光漏電男時間尚淺，他的動機有待觀察！
以往只知道女性會以色做餌去達到自己的目的，原來現今男士都有此本領，佩服佩服！
兄妹情深
今日孻女和細仔爭住幫手做家務，其實只係好小事，就係爭住將污漕衫放入污衣籃咁小事。但係衫得一件，細仔搶住要做，剛滿一歲的孻女當然唔夠佢爭。刁蠻的孻女爭輸左，就一口咬落細仔度，咬到損左仲有清晰可見的牙印！細仔被咬即時嚎哭，菲菲安撫完細仔之後就去炮製呢個刁蠻女。
佢咁細個，同佢謂道理係未有效果，而且佢只會笑笑口當我唱歌。於是我指住佢個口，話佢唔可以咬哥哥，之後就罰佢自己響間房度。一閂埋房門孻女即時大哭，菲菲硬住心腸在房外留意住，佢一直企在房門哭，知道佢安全就計時，諗住五分鐘左右就放佢出黎。細仔聽見妹妹在房內哭，都不顧自己仲痛緊，走到房門猛敲，仲大叫「妹！妹！」，好似要救返佢出黎咁。
最終我係不忍細仔救妹心切，一分鐘左右我就放左孻女出黎。孻女一出黎就抱住我哭，其實我都好心痛，咁細個BB邊度捨得困住佢丫！鬼叫呢個刁蠻女軟功硬功都唔受，唯有用呢D非常方法。細仔見妹妹「獲救」，就走過去抱住妹妹錫返啖，就係咁呢個小哥哥就唔記得被人咬過的痛楚，又繼續同刁蠻小妹玩。
細仔只有兩歲，就識得咁大方，同埋咁保護妹妹，其實係值得高興的。不過孻女就會變得有持無恐，就算做錯事就會即時得到原諒，菲菲最擔心的，就係呢朵霸王花會被哥哥們寵壞。希望到佢大少少時，同佢講道理會湊效啦。
教育下一代，永遠都係鬥智鬥力的比賽。菲菲加油！
佢咁細個，同佢謂道理係未有效果，而且佢只會笑笑口當我唱歌。於是我指住佢個口，話佢唔可以咬哥哥，之後就罰佢自己響間房度。一閂埋房門孻女即時大哭，菲菲硬住心腸在房外留意住，佢一直企在房門哭，知道佢安全就計時，諗住五分鐘左右就放佢出黎。細仔聽見妹妹在房內哭，都不顧自己仲痛緊，走到房門猛敲，仲大叫「妹！妹！」，好似要救返佢出黎咁。
最終我係不忍細仔救妹心切，一分鐘左右我就放左孻女出黎。孻女一出黎就抱住我哭，其實我都好心痛，咁細個BB邊度捨得困住佢丫！鬼叫呢個刁蠻女軟功硬功都唔受，唯有用呢D非常方法。細仔見妹妹「獲救」，就走過去抱住妹妹錫返啖，就係咁呢個小哥哥就唔記得被人咬過的痛楚，又繼續同刁蠻小妹玩。
細仔只有兩歲，就識得咁大方，同埋咁保護妹妹，其實係值得高興的。不過孻女就會變得有持無恐，就算做錯事就會即時得到原諒，菲菲最擔心的，就係呢朵霸王花會被哥哥們寵壞。希望到佢大少少時，同佢講道理會湊效啦。
教育下一代，永遠都係鬥智鬥力的比賽。菲菲加油！
2012年7月17日 星期二
槍手
菲菲工作時寫過不少計劃書，一般都係希望別人提供資源去支持某一個項目先至會寫。商業的、慈善籌款的都寫過，基於結果，大部份的計劃書都有不錯的成效。
早幾日有朋友打電話比我，話想問政府借錢攪生意，對方需要佢交出計劃書，佢諗住我識寫所以搵我寫。不過佢連盤生意有咩賣點、如何收支平衡、風險管理、甚至日常開支等等的問題都未攪清楚，我可以點幫佢寫？仲有，寫計劃書係一件費神的事，佢冇提過酬勞問題，只係希望我義務為佢寫，我就真係唔想同佢做。我唔係市儈咁簡單，寫一份商業用的計劃書係會有潛在收益的 (政府會借錢比佢)，而果份收益唔係我的，佢即係想我義務為佢工作，我D愛心仲未爆棚到咁既地步。再者，錢借左返黎佢唔攪生意，用黎自己揮霍的話我都冇佢符。皆因佢有前科，我的擔心在情理上係成立的。如果我真係寫左份計劃書比佢借錢去 fing，成件事我未好白痴？
老實講，我老公都有一份計劃書要寫，我點都要攪掂老公果份先啦，大家坐埋一條船，唇亡齒寒丫嘛。而我呢位朋友，平時唔會搵我飲茶食飯吹水，次次搵親我都係有事相求的，我唔想做佢的鍾無艷。
呢件事令我諗起好多年前，當時老細修讀 MBA 但係冇時間做功課，佢掉低本書同份 assignment 就叫我幫佢做。次次功課都 meet 到 deadline 兼成績唔錯，所以幾乎每份功課都係我做的。最後佢衰左響考試手上，入到試場咩都唔識答，佢果十幾萬就咁泡左湯了。
所以為左別人好，我堅持唔再做別人的槍手了。
早幾日有朋友打電話比我，話想問政府借錢攪生意，對方需要佢交出計劃書，佢諗住我識寫所以搵我寫。不過佢連盤生意有咩賣點、如何收支平衡、風險管理、甚至日常開支等等的問題都未攪清楚，我可以點幫佢寫？仲有，寫計劃書係一件費神的事，佢冇提過酬勞問題，只係希望我義務為佢寫，我就真係唔想同佢做。我唔係市儈咁簡單，寫一份商業用的計劃書係會有潛在收益的 (政府會借錢比佢)，而果份收益唔係我的，佢即係想我義務為佢工作，我D愛心仲未爆棚到咁既地步。再者，錢借左返黎佢唔攪生意，用黎自己揮霍的話我都冇佢符。皆因佢有前科，我的擔心在情理上係成立的。如果我真係寫左份計劃書比佢借錢去 fing，成件事我未好白痴？
老實講，我老公都有一份計劃書要寫，我點都要攪掂老公果份先啦，大家坐埋一條船，唇亡齒寒丫嘛。而我呢位朋友，平時唔會搵我飲茶食飯吹水，次次搵親我都係有事相求的，我唔想做佢的鍾無艷。
呢件事令我諗起好多年前，當時老細修讀 MBA 但係冇時間做功課，佢掉低本書同份 assignment 就叫我幫佢做。次次功課都 meet 到 deadline 兼成績唔錯，所以幾乎每份功課都係我做的。最後佢衰左響考試手上，入到試場咩都唔識答，佢果十幾萬就咁泡左湯了。
所以為左別人好，我堅持唔再做別人的槍手了。
2012年7月15日 星期日
老公的前世女友
好多人話女兒係爸爸前世的女友，我唔識睇通前世今生，冇辦法去驗證，不過目睹好多爸爸愛錫女兒的例證。
今日帶大仔去上跳舞班，連埋我朋友的兒子在內，全班只有三個男學生。我們到達學校時間尚早，兩個小男生換好衣服就在學校內嬉戲。佢地玩起上黎，講得好聽D係「活潑」，事實上係粗野。在你追我逐的時候不小心撞到女同學，當然我地兩位媽媽即時叫停他們，連忙向女同學道歉。女同學是爸爸帶她上學的， 一個粗獷的大男人看見自己女兒被人撞到 (沒有跌低，輕微踫撞罷了)，即時流露出憐惜的眼神，擁著女兒又呵又氹，十足十氹女朋友咁。
在小朋友排隊準備入跳舞室時，一大班爸爸圍在門口，要看到女兒入了課室才肯離開。一般媽媽們都不會這樣依依不捨，小男生就要學獨立，不可以整日依賴媽媽嘛！唔知點解，呢間舞蹈學校特別多爸爸帶小朋友的，睇佢地個樣又唔似「家庭主夫」，我估呢班爸爸都係把女兒當成了小公主般愛護，連帶佢地學跳舞都必定親力親為，亦可能怕了我們的小魔怪會嚇懷他們的小公主，所以要全力保護吧。好一班溫室小花呢！
至於我老公，無論孻女有幾野蠻、暴力、發脾氣都好，都會照單全收，真的好似對女朋友的萬般忍耐咁，毫無怨言。唔怪之得我個女咁喜歡爸爸啦，可惜我呢個孻女唔係溫室小花，係霸王花！
2012年7月14日 星期六
對人歡笑背人愁
應大古惑兄的要求，寫下 sales 辛酸史先。
做銷售行業最辛酸就係冇數，冇數除左有工作壓力之外，仲有經濟壓力。某D行業，sales 係要自僱的。點解要自僱？因為不用比底薪也。呢一類 sales 如果冇生意就冇收入，你話幾大壓力呢！一般公司不提供客戶來源的行業都鐘意叫 sales 以自僱形成「合作」，好聽D就係打自己工，事實上係公司可以「無本生利」。
另一種辛酸就係唔識做。唔識做的意思係，公司拋你出大海，由得你自生自滅，點 call 客又唔教，點跟客又唔教，遇到問題老細又幫唔到你手。好多老細以為 sales 係免入油的自動波，唔需要 input，只求 output。如果經驗唔夠，EQ 唔夠同埋膽量唔夠都做唔到。如果老細係技術出身，對市場觸覺唔敏銳，只因一門技術就創業，諗住請人返黎就識 sell 的話，對老細同 sales 黎講都係一個悲劇。
亦有一種辛酸係，老細好肯教，不過只識得用佢個人成功的方法硬塞比 sales，對於整全的 sales management 同 sales training 係冇概念的話，真係要人夾人緣先至得。成功的經驗當然好重要，不過每個人的性格、做事手法、承受壓力程度等等都有不同。不可以用個人成功的「方程式」去迫別人跟從，同一句說話出自唔同人的口，都會有唔同效果啦，又點可以迫人 copy 呢？
Sales 辛辛苦苦 sell 左張單返黎，係要 fulfill 的。如果公司內部其他部門不能配合，導致 sales 不能 fulfill 客人的要求的話，仲大鑊過 sell 唔到單。我相信做廠或技術行業的人最常遇到呢D問題，拆彈拆到傻。服務業都時常出現呢D問題，就係 sales 比左個客人一個錯誤的期望，或者客人想像力太高，到服務效果與期望不符時，後果都可以好嚴重。
講住咁多先，有機會再深入探討。
做銷售行業最辛酸就係冇數，冇數除左有工作壓力之外，仲有經濟壓力。某D行業，sales 係要自僱的。點解要自僱？因為不用比底薪也。呢一類 sales 如果冇生意就冇收入，你話幾大壓力呢！一般公司不提供客戶來源的行業都鐘意叫 sales 以自僱形成「合作」，好聽D就係打自己工，事實上係公司可以「無本生利」。
另一種辛酸就係唔識做。唔識做的意思係，公司拋你出大海，由得你自生自滅，點 call 客又唔教，點跟客又唔教，遇到問題老細又幫唔到你手。好多老細以為 sales 係免入油的自動波，唔需要 input，只求 output。如果經驗唔夠，EQ 唔夠同埋膽量唔夠都做唔到。如果老細係技術出身，對市場觸覺唔敏銳，只因一門技術就創業，諗住請人返黎就識 sell 的話，對老細同 sales 黎講都係一個悲劇。
亦有一種辛酸係，老細好肯教，不過只識得用佢個人成功的方法硬塞比 sales，對於整全的 sales management 同 sales training 係冇概念的話，真係要人夾人緣先至得。成功的經驗當然好重要，不過每個人的性格、做事手法、承受壓力程度等等都有不同。不可以用個人成功的「方程式」去迫別人跟從，同一句說話出自唔同人的口，都會有唔同效果啦，又點可以迫人 copy 呢？
Sales 辛辛苦苦 sell 左張單返黎，係要 fulfill 的。如果公司內部其他部門不能配合，導致 sales 不能 fulfill 客人的要求的話，仲大鑊過 sell 唔到單。我相信做廠或技術行業的人最常遇到呢D問題，拆彈拆到傻。服務業都時常出現呢D問題，就係 sales 比左個客人一個錯誤的期望，或者客人想像力太高，到服務效果與期望不符時，後果都可以好嚴重。
講住咁多先，有機會再深入探討。
2012年7月13日 星期五
2012年7月12日 星期四
想當年我在地產的日子
菲菲在九十年代做地產經紀，當時仲未有發牌制度，即係年代久還也！哈哈！
地產係菲菲的第二份工，第一份工在室內設計公司工作，不過做左半年都唔知自己做左D咩。當時老細請我時冇講明要做D乜，請左我返去又真係冇咩比我做，菲菲覺得好無聊所以冇做了。點解又會入地產呢？其實當時我冇諗過做邊行，剛巧有人介紹就入行了。介紹人認為我識英文可以招呼鬼佬客所以我就入了港島南區做。
記得初初返工好攪笑，年少無知的菲菲十下十下咁，咩都唔識，比老細由朝鬧到黑。老細見我傻下傻下就點我去行 site，唔單止行哂我地分行負責的地區 (由陽明山莊至石澳)，仲要行哂全港島區的豪宅路線，包括山頂、中半山、西半山、東半山、寶馬山、砲台山等等 (全部都係山！哈哈！)。全程係一步一步行，帶埋鎖匙逐間逐間睇，其實真係好甘！不過勝在年輕力壯，大熱天時咁行法都冇中暑。
行的過程仲要記哂樓盤資料、每座的位置、呎數、成交紀錄等等一大堆資料。唔知老細係想玩殘我等我自己走丫，定係想訓練我，菲菲足足行左三個月山！但係次次老細問我行左d咩我又答得出喎，佢又冇辦法炒左我呢個笨蛋，之後就用第二個方法去「訓練」我。佢有一批齋睇唔買既客「比」哂我，叫我跟下，我又好落力咁約呢班「遊客」睇樓，全程絕無欺場，照 sell 照 try close。當然呢班遊客唔會買樓，不過菲菲就有好多練習機會。
老細見我仲未肯走，就叫我 hold file。即係劃一個地盤比我，叫我起哂d盤出黎。老細派左最少盤的舂坎角比我，規定我每星期例會都要交新盤。哈哈！點知傻更更的菲菲又真係走去舂坎角逐家逐戶拍門，又比我起到新盤喎，仲有業主肯簽獨家比我，老細開始唔再留難菲菲了。
到大概入行四個月左右，老細先至肯比我跟新客。因為之前受過地獄式訓練，我一接到新客就即時安排好睇樓路線，再從客人反應中慢慢揣摩他們的需要。記得菲菲第一張開的單，係當時的新盤「赫德道八號」，仲要係頂樓。在港島南區工作的我，竟然做到一間商廈，同事們都覺得好奇怪。事關菲菲在行 site 時和各區分行同事都混熟了，要搵盤比別人容易，所以在沒有人協助下做左單商廈。
之後菲菲陸陸續續開單，工廈、商廈同住宅都做過哂，豪宅同屋苑都做埋，最終在年度頒獎中得了個銀獎。這是我人生第一個工作上的獎項，那獎牌菲菲仍保存至今。
做地產是很開心的，可惜菲菲年少得志，沒有好好珍惜。加上不想再做 sales，希望轉一份較舒服的工作，所以在97年就難開了地產，開始了OL的生涯。不過世事就係咁奇怪，我唔想做 sales 咩？偏偏份份工都係 sales… 哈哈！
地產係菲菲的第二份工，第一份工在室內設計公司工作，不過做左半年都唔知自己做左D咩。當時老細請我時冇講明要做D乜，請左我返去又真係冇咩比我做，菲菲覺得好無聊所以冇做了。點解又會入地產呢？其實當時我冇諗過做邊行，剛巧有人介紹就入行了。介紹人認為我識英文可以招呼鬼佬客所以我就入了港島南區做。
記得初初返工好攪笑，年少無知的菲菲十下十下咁，咩都唔識，比老細由朝鬧到黑。老細見我傻下傻下就點我去行 site，唔單止行哂我地分行負責的地區 (由陽明山莊至石澳)，仲要行哂全港島區的豪宅路線，包括山頂、中半山、西半山、東半山、寶馬山、砲台山等等 (全部都係山！哈哈！)。全程係一步一步行，帶埋鎖匙逐間逐間睇，其實真係好甘！不過勝在年輕力壯，大熱天時咁行法都冇中暑。
行的過程仲要記哂樓盤資料、每座的位置、呎數、成交紀錄等等一大堆資料。唔知老細係想玩殘我等我自己走丫，定係想訓練我，菲菲足足行左三個月山！但係次次老細問我行左d咩我又答得出喎，佢又冇辦法炒左我呢個笨蛋，之後就用第二個方法去「訓練」我。佢有一批齋睇唔買既客「比」哂我，叫我跟下，我又好落力咁約呢班「遊客」睇樓，全程絕無欺場，照 sell 照 try close。當然呢班遊客唔會買樓，不過菲菲就有好多練習機會。
老細見我仲未肯走，就叫我 hold file。即係劃一個地盤比我，叫我起哂d盤出黎。老細派左最少盤的舂坎角比我，規定我每星期例會都要交新盤。哈哈！點知傻更更的菲菲又真係走去舂坎角逐家逐戶拍門，又比我起到新盤喎，仲有業主肯簽獨家比我，老細開始唔再留難菲菲了。
到大概入行四個月左右，老細先至肯比我跟新客。因為之前受過地獄式訓練，我一接到新客就即時安排好睇樓路線，再從客人反應中慢慢揣摩他們的需要。記得菲菲第一張開的單，係當時的新盤「赫德道八號」，仲要係頂樓。在港島南區工作的我，竟然做到一間商廈，同事們都覺得好奇怪。事關菲菲在行 site 時和各區分行同事都混熟了，要搵盤比別人容易，所以在沒有人協助下做左單商廈。
之後菲菲陸陸續續開單，工廈、商廈同住宅都做過哂，豪宅同屋苑都做埋，最終在年度頒獎中得了個銀獎。這是我人生第一個工作上的獎項，那獎牌菲菲仍保存至今。
做地產是很開心的，可惜菲菲年少得志，沒有好好珍惜。加上不想再做 sales，希望轉一份較舒服的工作，所以在97年就難開了地產，開始了OL的生涯。不過世事就係咁奇怪，我唔想做 sales 咩？偏偏份份工都係 sales… 哈哈！
2012年7月10日 星期二
Sales 的態度
菲菲最喜愛的題目，總離不開銷售。哎呀！我真係賣野賣上癮，咩都 sell 得一餐。哈哈！
而家越黎越多人做 sales，菲菲新認識的朋友中，幾乎八成係從事銷售行業的。其中有一半係保險人，有d做地產，有d做基金，有d sell 課程，基本上係服務業為主。菲菲都係喜愛 sell 服務多過 sell 產品，因為產品有實物限制，服務有無限可能，比較靈活和好玩。而且服務係 sell 價值並非價錢，做服務業的 Sales 係要解決客人的煩惱，最終令客人滿足和愉快。
正因為服務業係要令客人滿足，在銷售技巧方面真的要下苦功。Sales 的言行舉止，身體語言都很重要，要懂得營造一個舒適的氣氛讓客人願意深入瞭解，又要在適當時候令客人著急即時成交，才會做得成交易。當中要掌握到客人的心理起伏，不是三言兩語可以表達，不過最佳方法就係練習和嘗試。以往我們 training 時就好似超級巨聲上台唱左首歌，再由台下一班評判比意見咁樣，要夠膽量和虛心才學到點同客人溝通。比人批評下，可以改善好多野，包括眼神、坐姿、聲音、語調、節奏、小動作、口頭禪同埋負面字眼等等。呢d野好多人講左做左都唔知，唔係比人提點下又點識改？
菲菲認識的新一代 Sales，真的很需要磨練，一係只懂令氣氛輕鬆而不敢 try closing，一係只懂迫客人下決定，但沒有空間讓客人考慮，兩者的成功率都唔高。細問之下原來佢地好唔接受上司批評，只會自辯「我好勤力呀！我冇問題呀！」。咁既工作態度，唔好做 Sales 勒，盞滾費大家時間。
另一種 Sales 好叻辯駁，無論個客提咩 objection 佢都駁得到。不過嬴左場辯論輸左單生意，比你駁嬴左又點？呢D真係嬴左又冇錢，輸左又冇面，蝕本生意也。點解 Sales 鐘意辯駁？因為未夠虛心也。客人比錢都要比得舒服，比人駁完一大輪，客人都冇哂癮啦，仲幫趁你咩！就算你的道理如何正確，如何鏗鏘都好，客人都會選擇第二個 Sales 去買同一樣野，你話幾無謂呢？客人有提問，即係佢有興趣，Sales 應該引導客人向正確方向思考，並唔係「一語中的」咁數客人不是。客人感到沒有面子，就不想繼續溝通了。此乃人之常情，但係好多 Sales 都忘了。
如果想做好銷售呢個行業，先放下身段虛心學習吧！
而家越黎越多人做 sales，菲菲新認識的朋友中，幾乎八成係從事銷售行業的。其中有一半係保險人，有d做地產，有d做基金，有d sell 課程，基本上係服務業為主。菲菲都係喜愛 sell 服務多過 sell 產品，因為產品有實物限制，服務有無限可能，比較靈活和好玩。而且服務係 sell 價值並非價錢，做服務業的 Sales 係要解決客人的煩惱，最終令客人滿足和愉快。
正因為服務業係要令客人滿足，在銷售技巧方面真的要下苦功。Sales 的言行舉止，身體語言都很重要，要懂得營造一個舒適的氣氛讓客人願意深入瞭解，又要在適當時候令客人著急即時成交，才會做得成交易。當中要掌握到客人的心理起伏，不是三言兩語可以表達，不過最佳方法就係練習和嘗試。以往我們 training 時就好似超級巨聲上台唱左首歌，再由台下一班評判比意見咁樣，要夠膽量和虛心才學到點同客人溝通。比人批評下，可以改善好多野，包括眼神、坐姿、聲音、語調、節奏、小動作、口頭禪同埋負面字眼等等。呢d野好多人講左做左都唔知，唔係比人提點下又點識改？
菲菲認識的新一代 Sales，真的很需要磨練，一係只懂令氣氛輕鬆而不敢 try closing，一係只懂迫客人下決定，但沒有空間讓客人考慮，兩者的成功率都唔高。細問之下原來佢地好唔接受上司批評，只會自辯「我好勤力呀！我冇問題呀！」。咁既工作態度，唔好做 Sales 勒，盞滾費大家時間。
另一種 Sales 好叻辯駁，無論個客提咩 objection 佢都駁得到。不過嬴左場辯論輸左單生意，比你駁嬴左又點？呢D真係嬴左又冇錢，輸左又冇面，蝕本生意也。點解 Sales 鐘意辯駁？因為未夠虛心也。客人比錢都要比得舒服，比人駁完一大輪，客人都冇哂癮啦，仲幫趁你咩！就算你的道理如何正確，如何鏗鏘都好，客人都會選擇第二個 Sales 去買同一樣野，你話幾無謂呢？客人有提問，即係佢有興趣，Sales 應該引導客人向正確方向思考，並唔係「一語中的」咁數客人不是。客人感到沒有面子，就不想繼續溝通了。此乃人之常情，但係好多 Sales 都忘了。
如果想做好銷售呢個行業，先放下身段虛心學習吧！
亂
呢個星期菲菲忙於宗教活動，少左在家，家中秩序大亂。
我不在家，工人A常常在家傾電話，仲要係放底哂所有工作，坐在廳中慢慢傾。本來我係唔會知道呢件事的，不過早兩日佢傾到興起，忘記我仲未出門口，到見到我望住佢先至速速收線。本來我係唔介意工人傾下電話的，話哂離鄉別井出外打工，同家人朋友傾下電話實屬平常，只要唔好影響照顧小朋友就得了。我在家時佢都傾到咁忘我，好明顯我唔響度時更肆無忌憚。
昨日我同佢講要幫細仔戒尿片，佢就即時幫細仔換左底褲唔比片佢著。以往幫小朋友戒片，我唔會用D咁激進的方法，只會定時帶小朋友去廁所學習，即時唔比片佢著即係搏下幾時要幫佢沖涼再抹地，我冇咁蠢比功夫自己做。工人A黎左差唔多四年，之前佢都係跟我教佢我方法同大仔戒片的，今次就好似失魂落魄咁，又係掛住傾電話所以攪亂哂大籠。
仲有家中大小事務都出現錯漏，成卷廁紙都寫唔完。菲菲一向都好少理會佢地的工作時間表，不過我響度時就會自動自覺唔駛我叫，我唔響度幾日就攪成咁，如果我出去返工都唔知點算。
工人A份人好「唔話得」，一話佢就發脾氣，塊面仲黑過我。曾有朋友叫我換左佢，不過每個人都有缺點，平時佢做野都OK，我就包容下啦。同埋我學識左唔好同佢硬踫，盞兩敗俱傷。而家我習慣咩都叫工人B做，初初工人A好開心，因為有人幫佢做埋。不過慢慢佢發覺地位開始不保，怕我遲D只要一個工人時會炒佢先，所以佢都主動左，我又勞少左氣。
不過工人B都唔會放過爆佢大鑊的機會，佢見我對工人A有少少不滿，就乘機篤佢背脊。原來工人A的細佬打算來港打工，所以工人A不斷同佢傾電話，教佢路云云。唔知佢細佬來港打咩工呢？真係好少聽聞印尼男士出外工作，除非係做生意或專業人士，不過佢細佬兩樣都唔係，真係摸不著頭腦。
好在盛大的宗教活動今日係最後一日，過埋今日菲菲會座鎮家中繼續主持大局。
我不在家，工人A常常在家傾電話，仲要係放底哂所有工作，坐在廳中慢慢傾。本來我係唔會知道呢件事的，不過早兩日佢傾到興起，忘記我仲未出門口，到見到我望住佢先至速速收線。本來我係唔介意工人傾下電話的，話哂離鄉別井出外打工，同家人朋友傾下電話實屬平常，只要唔好影響照顧小朋友就得了。我在家時佢都傾到咁忘我，好明顯我唔響度時更肆無忌憚。
昨日我同佢講要幫細仔戒尿片，佢就即時幫細仔換左底褲唔比片佢著。以往幫小朋友戒片，我唔會用D咁激進的方法，只會定時帶小朋友去廁所學習，即時唔比片佢著即係搏下幾時要幫佢沖涼再抹地，我冇咁蠢比功夫自己做。工人A黎左差唔多四年，之前佢都係跟我教佢我方法同大仔戒片的，今次就好似失魂落魄咁，又係掛住傾電話所以攪亂哂大籠。
仲有家中大小事務都出現錯漏，成卷廁紙都寫唔完。菲菲一向都好少理會佢地的工作時間表，不過我響度時就會自動自覺唔駛我叫，我唔響度幾日就攪成咁，如果我出去返工都唔知點算。
工人A份人好「唔話得」，一話佢就發脾氣，塊面仲黑過我。曾有朋友叫我換左佢，不過每個人都有缺點，平時佢做野都OK，我就包容下啦。同埋我學識左唔好同佢硬踫，盞兩敗俱傷。而家我習慣咩都叫工人B做，初初工人A好開心，因為有人幫佢做埋。不過慢慢佢發覺地位開始不保，怕我遲D只要一個工人時會炒佢先，所以佢都主動左，我又勞少左氣。
不過工人B都唔會放過爆佢大鑊的機會，佢見我對工人A有少少不滿，就乘機篤佢背脊。原來工人A的細佬打算來港打工，所以工人A不斷同佢傾電話，教佢路云云。唔知佢細佬來港打咩工呢？真係好少聽聞印尼男士出外工作，除非係做生意或專業人士，不過佢細佬兩樣都唔係，真係摸不著頭腦。
好在盛大的宗教活動今日係最後一日，過埋今日菲菲會座鎮家中繼續主持大局。
2012年7月9日 星期一
錢解決不到的問題
最近因宗教活動認識了幾位新加入的年青人，在活動進行的空檔中大家傾下計，又令菲菲大開眼界。
其中一位廿多歲的年青人L君，唸書時在美國生活，更在西點軍校畢業，身型魁梧，給人的第一印象是很有氣勢的。經過幾日的相處和觀察之後，菲菲見到的完全是另一回事。L君的眼神空洞，充滿怯懦和不安，做起事來不是很主動也不活躍，老是坐在一角獨自玩電話，亦沒有和其他人一起玩 online game，和其他人好像沒有連繫似的。最初菲菲以為是他高傲，不屑和出身普通的小伙子玩，不過他那膽怯的眼神出賣了他，事實上他是害怕和別人相處，怕被看不起。
在活動過程中，有很多環節都要他們參與，有時菲菲見他沒有反應就會提他︰「而家到你地勒，快D出去準備啦！」。他就細細聲地說︰「其他人會幫我準備的。」。呢句說話最少反影了兩件事︰(1)他這個小王子慣了有人幫忙，就算是很小的事都不會自己主動做；(2)在眾目睽睽之下怕犯錯，情願叫別人做自己就不會錯。
他和菲菲都算是有計傾的，後來知道他出身大家族，姑姐都有三十幾個 (即係亞爺有唔止一個老婆啦)，父親早年因交通意外離世，又得不到長輩的歡心 (姑姐都三十幾人，同輩兄弟姊妹都唔知有幾多人了，要長輩記得你都唔容易！)，他在家庭得不到任何重視。但是他的物質生活是不錯的，家人租了豪宅給他住，又買了平治給他，他不用工作都可保證生活無夏。但是他仍不開心，因為別的兄弟住的地方都是買回來的，只有他住的地方是租回來的，這樣已經足夠令他不開心。他又試過因為失戀而喪飲，菲菲沒有問佢點解會咁做 (後生細仔，女朋友走左搵過個啦，駛唔駛喪飲呀？)，因為佢失去的不是女朋友，是自我肯定的力量。換句說話，佢都唔知自己做緊乜，問黎都多餘。
菲菲真係頂佢唔順，呢位少爺冇捱過，唔駛做，得閒得滯響度鑽牛角尖。佢同屋企人關係如何差我唔知，但係點差都冇趕佢去訓街，仲會照顧佢衣食住行，仲想點？佢話屋企仲勁過塘心風暴，個個都為爭家產出盡陰招。菲菲唔知佢地家族有幾多億身家，扭盡六壬唔知要駛幾多人力物力同埋錢，不過點爭點搶你都仲可以保住生活，已經係萬幸啦。
言談之間，佢表露出來的不安，係源自佢唔夠人搶同得不到家人的器重，但係佢從來冇感恩過自己已經擁有的東西，更加冇諗過自己可以做D咩，只係坐響度等人「施捨」比佢。菲菲冇意幫人教仔，亦冇呢個資格，聽罷佢訴說身世之後就轉移了話題。
在菲菲認識的富二代當中，有很大部份都是迷失自我，唔知如何和別人相處的。他們家人不錯是令他衣食無憂，但在物質以外，他們又得到了甚麼呢？
其中一位廿多歲的年青人L君，唸書時在美國生活，更在西點軍校畢業，身型魁梧，給人的第一印象是很有氣勢的。經過幾日的相處和觀察之後，菲菲見到的完全是另一回事。L君的眼神空洞，充滿怯懦和不安，做起事來不是很主動也不活躍，老是坐在一角獨自玩電話，亦沒有和其他人一起玩 online game，和其他人好像沒有連繫似的。最初菲菲以為是他高傲，不屑和出身普通的小伙子玩，不過他那膽怯的眼神出賣了他，事實上他是害怕和別人相處，怕被看不起。
在活動過程中，有很多環節都要他們參與，有時菲菲見他沒有反應就會提他︰「而家到你地勒，快D出去準備啦！」。他就細細聲地說︰「其他人會幫我準備的。」。呢句說話最少反影了兩件事︰(1)他這個小王子慣了有人幫忙，就算是很小的事都不會自己主動做；(2)在眾目睽睽之下怕犯錯，情願叫別人做自己就不會錯。
他和菲菲都算是有計傾的，後來知道他出身大家族，姑姐都有三十幾個 (即係亞爺有唔止一個老婆啦)，父親早年因交通意外離世，又得不到長輩的歡心 (姑姐都三十幾人，同輩兄弟姊妹都唔知有幾多人了，要長輩記得你都唔容易！)，他在家庭得不到任何重視。但是他的物質生活是不錯的，家人租了豪宅給他住，又買了平治給他，他不用工作都可保證生活無夏。但是他仍不開心，因為別的兄弟住的地方都是買回來的，只有他住的地方是租回來的，這樣已經足夠令他不開心。他又試過因為失戀而喪飲，菲菲沒有問佢點解會咁做 (後生細仔，女朋友走左搵過個啦，駛唔駛喪飲呀？)，因為佢失去的不是女朋友，是自我肯定的力量。換句說話，佢都唔知自己做緊乜，問黎都多餘。
菲菲真係頂佢唔順，呢位少爺冇捱過，唔駛做，得閒得滯響度鑽牛角尖。佢同屋企人關係如何差我唔知，但係點差都冇趕佢去訓街，仲會照顧佢衣食住行，仲想點？佢話屋企仲勁過塘心風暴，個個都為爭家產出盡陰招。菲菲唔知佢地家族有幾多億身家，扭盡六壬唔知要駛幾多人力物力同埋錢，不過點爭點搶你都仲可以保住生活，已經係萬幸啦。
言談之間，佢表露出來的不安，係源自佢唔夠人搶同得不到家人的器重，但係佢從來冇感恩過自己已經擁有的東西，更加冇諗過自己可以做D咩，只係坐響度等人「施捨」比佢。菲菲冇意幫人教仔，亦冇呢個資格，聽罷佢訴說身世之後就轉移了話題。
在菲菲認識的富二代當中，有很大部份都是迷失自我，唔知如何和別人相處的。他們家人不錯是令他衣食無憂，但在物質以外，他們又得到了甚麼呢？
2012年7月7日 星期六
Sales 的天份
在宗教活動上遇見N小姐，之前佢鐘意纏住我老公，而家佢唔知點解鐘意纏住我。昨日N小姐一出現，就拉住菲菲講過不停，但係講黎講去都係三幅被。
N小姐響天后做地產經紀，佢知道我之前 (十幾年前！) 都做過地產，所以問我有關工作的事。佢老細呢排照佢肺，比最後機會佢，話做唔到單就要拜拜。N小姐做左地產差唔多一年，好似只係開左3張單，佢老細而家先至比最後通牒佢，算係仁至義盡了。佢老細話佢做事不懂分緩急輕重，日日埋頭苦幹好似好勤力咁，但係咩成績都冇，日日白逗人工。N小姐好苦惱，佢真係沒有工作的智慧，完全唔識得分邊D係重要邊D係唔重要，簡單D講係成日做埋哂D無生產力的事。
菲菲問左佢幾個問題 (其實係 coach 緊佢去自己發現問題)，原來佢係唔知d客點解要買樓，平時只係根據客人提供的表面資料去搵盤比客。咁做當然唔成功啦！每個客人買樓都有佢自己的原因，如果找不出呢個真正原因，經紀又點擊中客人的購買意欲？再者，N小姐只係不斷帶客睇樓，根本無把握去 try closing。睇樓過程又冇留意客人的反應，佢連個客鐘唔鐘意層樓都唔知！如果我係佢老細，會選擇即時炒左佢。原因好簡單，佢冇做 sales 的天份，無謂浪費大家的時間、感情和錢！
做 sales 最基本係觀察力強，客人唔會一五一十咁講哂自己d野出黎，要瞭解客人的真正需要，真係要靠觀察同揣摩。Sales 可以懶，可以講野唔叻，只要你知道個客想要咩，響適合的時候比到客人，再收窄客人的選擇範圍和時間，就會好快成交。我見過好多沉實的 sales，佢地一係唔出聲，一係就一鳴驚人，只要佢地一出手就會成交。反而d口水多過茶的 sales，會令客人喪失思考空間，客人就無法下決定。
N小姐係冇呢方面的天份，而且觀察力呢D野唔係一教就識，唔明就係唔明，絕症也。叫左佢幾次轉工，佢堅持唔肯，就係要證明自己有能力。我唔否定佢有某方面的能力 (至少佢係勤力的，不過腦筋唔靈活罷了)，但係佢唔瞭解自己有咩強項同弱點，係要去做自己最不擅長的工作，咁就想「發圍」？似乎係妙想天開喎！
N小姐的工作如意與否，菲菲並不關心。只希望佢唔好再搵我講佢工作的事，都係浪費緊大家的時間！
N小姐響天后做地產經紀，佢知道我之前 (十幾年前！) 都做過地產，所以問我有關工作的事。佢老細呢排照佢肺，比最後機會佢，話做唔到單就要拜拜。N小姐做左地產差唔多一年，好似只係開左3張單，佢老細而家先至比最後通牒佢，算係仁至義盡了。佢老細話佢做事不懂分緩急輕重，日日埋頭苦幹好似好勤力咁，但係咩成績都冇，日日白逗人工。N小姐好苦惱，佢真係沒有工作的智慧，完全唔識得分邊D係重要邊D係唔重要，簡單D講係成日做埋哂D無生產力的事。
菲菲問左佢幾個問題 (其實係 coach 緊佢去自己發現問題)，原來佢係唔知d客點解要買樓，平時只係根據客人提供的表面資料去搵盤比客。咁做當然唔成功啦！每個客人買樓都有佢自己的原因，如果找不出呢個真正原因，經紀又點擊中客人的購買意欲？再者，N小姐只係不斷帶客睇樓，根本無把握去 try closing。睇樓過程又冇留意客人的反應，佢連個客鐘唔鐘意層樓都唔知！如果我係佢老細，會選擇即時炒左佢。原因好簡單，佢冇做 sales 的天份，無謂浪費大家的時間、感情和錢！
做 sales 最基本係觀察力強，客人唔會一五一十咁講哂自己d野出黎，要瞭解客人的真正需要，真係要靠觀察同揣摩。Sales 可以懶，可以講野唔叻，只要你知道個客想要咩，響適合的時候比到客人，再收窄客人的選擇範圍和時間，就會好快成交。我見過好多沉實的 sales，佢地一係唔出聲，一係就一鳴驚人，只要佢地一出手就會成交。反而d口水多過茶的 sales，會令客人喪失思考空間，客人就無法下決定。
N小姐係冇呢方面的天份，而且觀察力呢D野唔係一教就識，唔明就係唔明，絕症也。叫左佢幾次轉工，佢堅持唔肯，就係要證明自己有能力。我唔否定佢有某方面的能力 (至少佢係勤力的，不過腦筋唔靈活罷了)，但係佢唔瞭解自己有咩強項同弱點，係要去做自己最不擅長的工作，咁就想「發圍」？似乎係妙想天開喎！
N小姐的工作如意與否，菲菲並不關心。只希望佢唔好再搵我講佢工作的事，都係浪費緊大家的時間！
2012年7月6日 星期五
爽約
繼上星期菲菲被基金 agent 爽約之後，今日又再次被爽約了。
老公的辦公室下星期要搬遷了，今早約了一間「相熟」的搬運公司來報價。昨天打電話去約，之後 send 了 whatsapp 去確認哂時間地點，最終今早我地都係白等，搬運公司話而家有單半山區 order 做緊，要下午才可以來。呢個星期我同老公都有好多事要忙，今早仲係專登返去等佢黎報價，佢地明知今早有 order，做乜仲要約今朝？下午我和老公都已安排哂其他工作，等唔到下午了。搬運公司仲好大條道理，話而家行唔開，諗住2點左右黎都冇問題。呢d係咩理由呀？我唔係24小時響度 stand by 等你黎喎！昨日才約的 appointment，今天就爽約了，真係好難以接受！
講到尾我都係客，唔係話比錢大哂，但係大家都要尊重對方的時間，明知黎唔到電話都冇個，由得客人乾等，算係咩服務態度？ 好在最終都搵到另一間公司報左價，搬辦公室的事終於落實了 (如果呢間到時冇爽約的話)。至於呢間「相熟」的，即時被列入了黑名單。
講返上星期爽約的 agent，6月27日我點都冇辦法搵到佢，之後我搵返間公司既 HQ 自己去攪手續，到了昨日7月5日 (即係8日後) 佢先至打返電話比我。我估佢收到 HQ 的通知才來找我，不過我冇聽佢講咩，一接電話就話自己好忙，未等佢講野就 cut 左線。菲菲好唔鐘意人遲到，爽約更加係罪無可恕，呢個人我唔會再理會佢了。
老公的辦公室下星期要搬遷了，今早約了一間「相熟」的搬運公司來報價。昨天打電話去約，之後 send 了 whatsapp 去確認哂時間地點，最終今早我地都係白等，搬運公司話而家有單半山區 order 做緊，要下午才可以來。呢個星期我同老公都有好多事要忙，今早仲係專登返去等佢黎報價，佢地明知今早有 order，做乜仲要約今朝？下午我和老公都已安排哂其他工作，等唔到下午了。搬運公司仲好大條道理，話而家行唔開，諗住2點左右黎都冇問題。呢d係咩理由呀？我唔係24小時響度 stand by 等你黎喎！昨日才約的 appointment，今天就爽約了，真係好難以接受！
講到尾我都係客，唔係話比錢大哂，但係大家都要尊重對方的時間，明知黎唔到電話都冇個，由得客人乾等，算係咩服務態度？ 好在最終都搵到另一間公司報左價，搬辦公室的事終於落實了 (如果呢間到時冇爽約的話)。至於呢間「相熟」的，即時被列入了黑名單。
講返上星期爽約的 agent，6月27日我點都冇辦法搵到佢，之後我搵返間公司既 HQ 自己去攪手續，到了昨日7月5日 (即係8日後) 佢先至打返電話比我。我估佢收到 HQ 的通知才來找我，不過我冇聽佢講咩，一接電話就話自己好忙，未等佢講野就 cut 左線。菲菲好唔鐘意人遲到，爽約更加係罪無可恕，呢個人我唔會再理會佢了。
2012年7月5日 星期四
你叫咩名呀？
以前d人有講「唔怕生壞命，最怕改壞名」。古時冇擇日開刀生仔呢回事，條命生得好與壞都唔到你決定，所以冇得怕，哈哈！但係名字係父母或長輩改的，如果改得唔好就一世都比人笑。先唔講點從玄學角度去改名，呢個課題太長篇勒，只係講下與名字有關的趣事。
(1) 讀音一樣
今年年初，要同細仔報N班，因為人數太多，第一回合係 group interview，每6位小朋友一組。細仔同組有5位女孩，聽老師叫名字時，心入面忍唔住嘩左一聲。呢5位小女孩都係叫「程程」、「澄澄」或「晴晴」！呢幾個字讀音一樣，駛唔駛咁夾呀？另外朋友中最多女孩叫「因因」、「欣欣」、「恩恩」同埋「殷殷」。男仔好多「俊俊」、「進進」同埋「晉晉」。
(2) 唔識讀呀！
而家多左人搵師傅改名，有些師傅為左顯示自己好有才華，就會改D好深既字或者係古字。可憐我呢D讀番書大既人，中文程度冇咁超班，見到小朋友的名字都唔知點叫佢。其實好多老師、老細同客戶都冇咁高中文修養，唔知呢D小朋友在學校和公司會唔會被受冷落呢？唔識得叫你個名，就梗係唔叫啦，改為叫D識讀既名字啦。哈哈！友人的B女叫「宓孺」，好在菲菲都識讀，不過呢位B女既家人好多都係澳洲移民，見鬼多過見人，都唔知點解改個咁深奧的名字。有人讀「密孺」(墨魚？)，有人讀「必需」(有邊讀邊)，有人讀「Fok Yu」(好似粗口 Fxxx U 喎！)，攪到成家人都唔知點叫佢，哈哈！
仲有好多有趣的名字，不過唔想朋友響度見到自己的小朋友比人笑，所以更加好笑的暫且不提了。
(1) 讀音一樣
今年年初，要同細仔報N班，因為人數太多，第一回合係 group interview，每6位小朋友一組。細仔同組有5位女孩，聽老師叫名字時，心入面忍唔住嘩左一聲。呢5位小女孩都係叫「程程」、「澄澄」或「晴晴」！呢幾個字讀音一樣，駛唔駛咁夾呀？另外朋友中最多女孩叫「因因」、「欣欣」、「恩恩」同埋「殷殷」。男仔好多「俊俊」、「進進」同埋「晉晉」。
(2) 唔識讀呀！
而家多左人搵師傅改名，有些師傅為左顯示自己好有才華，就會改D好深既字或者係古字。可憐我呢D讀番書大既人，中文程度冇咁超班，見到小朋友的名字都唔知點叫佢。其實好多老師、老細同客戶都冇咁高中文修養，唔知呢D小朋友在學校和公司會唔會被受冷落呢？唔識得叫你個名，就梗係唔叫啦，改為叫D識讀既名字啦。哈哈！友人的B女叫「宓孺」，好在菲菲都識讀，不過呢位B女既家人好多都係澳洲移民，見鬼多過見人，都唔知點解改個咁深奧的名字。有人讀「密孺」(墨魚？)，有人讀「必需」(有邊讀邊)，有人讀「Fok Yu」(好似粗口 Fxxx U 喎！)，攪到成家人都唔知點叫佢，哈哈！
仲有好多有趣的名字，不過唔想朋友響度見到自己的小朋友比人笑，所以更加好笑的暫且不提了。
2012年7月4日 星期三
759阿信屋
菲菲認識「759 阿信屋」是因為2011年10月的可樂事件，當時759是超市霸權的犠牲者，但在今年四月的新聞中看見 759 已成為「低價壟斷者」，不論分店數目、營業額和盈利都在暴升。剛剛，連我家樓下的街市都有一間 759 了。
以前 759 確是有一段低價時光，現在貨格上的絕大部份是日韓零食，就算 deal 得再好的價錢，都絕對不是便宜貨色。再睇下店舖的門面裝修，越黎越有大集團連鎖店的派頭。或者換個角度睇，以咁嘅價錢買到咁多種類的日韓零食，又真係比日式百貨公司便宜的。但係，759 唔係衝著便利店和超市而來的嗎？點解競爭對手好似變左做日式百貨公司呢？暗地裡升左呢喎！
在商言商，759 可以突圍而出確係有一番本事。首要是選貨夠獨特，是市面上少見的類別。這些彷彿是「手信」般的零食，現在垂手可得了，當然吸引到消費者。在其他超市和便利店都有供應的貨品，其實佔架不多，並不可以作為指標。店舖設計都是令人舒服的，新的店都是用木做主題，加上暖暖的黃光，那種親切溫暖的感覺就好像到了某個小鎮般，不似便利店的金屬貨架般冷冰冰。定價嘛，其實難以參考，因為貨品有它的獨特性，現在幾乎沒有明顯的競爭對手可以比較，所以759正在享受 Market Pioneer 的優勢。它的成功，是因為老闆眼光獨到，和因可樂事件而聲名大噪 (其實759真係苦主，定係另類以本傷人作宣傳，真係無從稽考了)。
市場定位和市場推廣，真係一個好好玩的遊戲。沒有明確的規則，但市場佔有率和盈利比率就狼狠地說明了結果。希望呢間759唔好將附近的小店都嚇走，菲菲仲想買到真正價廉物美的零食，不想被迫追捧日韓新貴。
2012年7月3日 星期二
工業區
老公的辦公室，於今個月15日必需遷出，因為整幢大廈要拆卸了。這座工廈不算是很舊，不過旁邊幾幢都變成甲級工廈了，大業主當然想趕走我們這班平民租客，將大廈重建可以租比富貴的租客。
在這區待了六年，是有感情的。所以我們搬到另一邊馬路的工廈，希望那邊可以多待幾年。以前的工廈最細間都要幾千呎，過萬呎係平常事。當香港製造業北移之後，好多工廈都變成了劏房。我們租大概七百呎地方，出電梯之後有十多間劏出來的獨立辦公室，每間都有七百幾至一千呎，有電有冷氣有天花有地磚，鄰居有些是網頁公司，有些是設計公司，都是一些很「斯文」的行業，工廈入面好似已經冇咩「工業」存在了。
租工業區有很多好處，租金便宜，樓底高，交通方便，又不需要著千篇一律的 OL look 就可以返工。感覺比商業區舒服自在，人流亦沒有那麼急速，工作起上黎增添幾分寫意！不過時代是不斷進步，眼見工廈慢慢變成甲級商廈，我們這班小租客真係唔知可以退到去邊。
以前菲菲住觀塘，眼見以前做暑期工的工廈變左 APM，初初真係覺得好怪，一時之間接受唔到。入到去，又係同一樣的店舖，同一樣的食店，好悶喎！同我家附近的大型商場沒有太大分別，點解我要搭車去呢？哈哈！
公司位於新蒲崗，希望呢區唔好發展得太快，我仲想在市區吸到一口比較清新的空氣。
在這區待了六年，是有感情的。所以我們搬到另一邊馬路的工廈，希望那邊可以多待幾年。以前的工廈最細間都要幾千呎，過萬呎係平常事。當香港製造業北移之後，好多工廈都變成了劏房。我們租大概七百呎地方，出電梯之後有十多間劏出來的獨立辦公室，每間都有七百幾至一千呎，有電有冷氣有天花有地磚，鄰居有些是網頁公司，有些是設計公司，都是一些很「斯文」的行業，工廈入面好似已經冇咩「工業」存在了。
租工業區有很多好處，租金便宜，樓底高，交通方便，又不需要著千篇一律的 OL look 就可以返工。感覺比商業區舒服自在，人流亦沒有那麼急速，工作起上黎增添幾分寫意！不過時代是不斷進步，眼見工廈慢慢變成甲級商廈，我們這班小租客真係唔知可以退到去邊。
以前菲菲住觀塘，眼見以前做暑期工的工廈變左 APM，初初真係覺得好怪，一時之間接受唔到。入到去，又係同一樣的店舖，同一樣的食店，好悶喎！同我家附近的大型商場沒有太大分別，點解我要搭車去呢？哈哈！
公司位於新蒲崗，希望呢區唔好發展得太快，我仲想在市區吸到一口比較清新的空氣。
2012年7月2日 星期一
三寶趣事
(1) 怕你有牙？
小妹和大哥爭玩具，小妹剛滿一歲，不夠快滿四歲的大哥爭，於是用她僅有的四顆牙齒狠狠地咬大哥。可憐的大哥哇哇大叫，可惡的小妹得意地開心拍掌。(點解我個女咁惡GA？哎…)
(2) 請勿站近車門
爸爸買了一輛輕鐵玩具比大哥，大哥未搭過輕鐵，成日話呢架係港鐵。大哥一邊玩一邊講︰「嘟嘟嘟嘟… 請勿站近車門，(普通話) 請不要站近車門，Please stand back from the doors…」。嘩！我同佢搭左唔係好多次港鐵之嘛，竟然識講哂成句出黎！大哥真係好記性！
(3) Dinner
大哥每天都要讀一次中文和英文故事書，每次讀書時間二哥必定參與 (攪攪震就真！)。今次英文故事書有一個字「Dinner」，大哥老是記不起怎樣讀，列席的二哥竟然識得提大哥點讀！
小妹和大哥爭玩具，小妹剛滿一歲，不夠快滿四歲的大哥爭，於是用她僅有的四顆牙齒狠狠地咬大哥。可憐的大哥哇哇大叫，可惡的小妹得意地開心拍掌。(點解我個女咁惡GA？哎…)
(2) 請勿站近車門
爸爸買了一輛輕鐵玩具比大哥，大哥未搭過輕鐵，成日話呢架係港鐵。大哥一邊玩一邊講︰「嘟嘟嘟嘟… 請勿站近車門，(普通話) 請不要站近車門，Please stand back from the doors…」。嘩！我同佢搭左唔係好多次港鐵之嘛，竟然識講哂成句出黎！大哥真係好記性！
(3) Dinner
大哥每天都要讀一次中文和英文故事書，每次讀書時間二哥必定參與 (攪攪震就真！)。今次英文故事書有一個字「Dinner」，大哥老是記不起怎樣讀，列席的二哥竟然識得提大哥點讀！
2012年7月1日 星期日
重覆犯錯
錯左一次，可以叫做無知。錯第二次係唔係叫做蠢？
菲菲家有兩位外傭，姑且叫做地做工人A和工人B吧。工人A三十來歲，在18歲那年，工人A的爸爸親自欽點左一位「好仔」要佢結婚。在父命難違的印尼社會下，工人A就同一個佢都唔知係乜水既人結婚了。婚後生左一個仔，之後來港打工，老公就留在印尼。佢老公每個月除左等老婆寄錢返黎養佢之外，仲四圍溝女，連工人A的堂妹同大嫂都唔放過。工人A知道後當然好傷心，決定同佢離婚。原來印尼人辦離婚係好困難的，如果男方不同意，就要女方比萬幾元去辦離婚。萬幾元港幣對於印尼人黎講唔係小數目，最終工人A都冇法離婚。
最近聽工人B講，工人A的爸爸叫佢不如搵過另外一個老公啦。他的理由是︰「你個仔長大結婚之後就只會照顧老婆，唔會照顧你呢個亞媽，你都係搵返個男人去照顧你啦。」。之後就慫恿佢同一位在鄉間已認識的男士和她來往。工人A再次聽信爸爸之言，大家以 SMS 隔空交往。
聽完之後真係想問下工人A的爸爸點解咁肯定佢個仔會唔理佢？就算唔理，工人A都仲有D錢，如果而家交往果位男士最終又係呃哂佢D錢，咁佢下半世點算？我唔質疑她爸爸的出發點係為個女好，但係之前佢已經睇錯人，佢點保證今次冇睇錯？同埋工人A同呢位男士天各一方單靠 SMS 交往，又點可以瞭解到呢位先生係一個咩人呢？大家都冇相處過，她的情況就好似無知少女和網友談情，被騙成份好高喎！
老實講，一個普遍印尼男人如果要搵老婆，佢地會首選十來歲的處女，始終係一個好傳統的父系社會。點解當地有大把十六歲卜卜脆的唔要，係要揀一個三十幾歲仲要有個十幾歲兒子的失婚婦人？除左錢之外我真係諗到其他原因。
之前的失敗經驗，究竟工人A同佢爸爸有冇吸取過教訓？知唔知問題響邊？如果而家呢位男士真係存心呃佢D錢，佢畢生既積蓄就會化為烏有，咁佢呢十幾年出外打工究竟又有咩意思？
菲菲家有兩位外傭，姑且叫做地做工人A和工人B吧。工人A三十來歲，在18歲那年，工人A的爸爸親自欽點左一位「好仔」要佢結婚。在父命難違的印尼社會下，工人A就同一個佢都唔知係乜水既人結婚了。婚後生左一個仔，之後來港打工，老公就留在印尼。佢老公每個月除左等老婆寄錢返黎養佢之外，仲四圍溝女，連工人A的堂妹同大嫂都唔放過。工人A知道後當然好傷心，決定同佢離婚。原來印尼人辦離婚係好困難的，如果男方不同意，就要女方比萬幾元去辦離婚。萬幾元港幣對於印尼人黎講唔係小數目，最終工人A都冇法離婚。
最近聽工人B講，工人A的爸爸叫佢不如搵過另外一個老公啦。他的理由是︰「你個仔長大結婚之後就只會照顧老婆，唔會照顧你呢個亞媽，你都係搵返個男人去照顧你啦。」。之後就慫恿佢同一位在鄉間已認識的男士和她來往。工人A再次聽信爸爸之言，大家以 SMS 隔空交往。
聽完之後真係想問下工人A的爸爸點解咁肯定佢個仔會唔理佢？就算唔理，工人A都仲有D錢，如果而家交往果位男士最終又係呃哂佢D錢，咁佢下半世點算？我唔質疑她爸爸的出發點係為個女好，但係之前佢已經睇錯人，佢點保證今次冇睇錯？同埋工人A同呢位男士天各一方單靠 SMS 交往，又點可以瞭解到呢位先生係一個咩人呢？大家都冇相處過，她的情況就好似無知少女和網友談情，被騙成份好高喎！
老實講，一個普遍印尼男人如果要搵老婆，佢地會首選十來歲的處女，始終係一個好傳統的父系社會。點解當地有大把十六歲卜卜脆的唔要，係要揀一個三十幾歲仲要有個十幾歲兒子的失婚婦人？除左錢之外我真係諗到其他原因。
之前的失敗經驗，究竟工人A同佢爸爸有冇吸取過教訓？知唔知問題響邊？如果而家呢位男士真係存心呃佢D錢，佢畢生既積蓄就會化為烏有，咁佢呢十幾年出外打工究竟又有咩意思？
2012年6月30日 星期六
讀書為咩？
無論你讀書係為左咩都好，請緊記，讀書係為左自己。
有D人讀書係為左爭取到一張入場劵，令自己在職場起步比人高，升得比人快。有D人讀書係為左增加自己的學問知識，追求學術上的突破。有D人讀書係為左陶冶性情，滿足自己的心靈。有D人讀書係為左興趣，學咩都津津有味。以上咩原因都好，只要係為左自己，對自己某一方面有所得益，已經係一件好事。
有D人為左唔想出黎做野，所以不停讀書，其實係逃避現實。有D人為左令父母開心或不想父母日哦夜哦，父母叫佢讀咩就讀咩，其實係失去自我。有D人為左打發時間而讀書，其實係浪費緊自己的人生。
世上每一件事都不存在「好」與「壞」，好壞只在乎人們抱著咩原因咩心態去做每一件事。好多人都抱怨現在教育制度不濟，其實有冇人諗過係家庭都有責任呢？家庭的責任不是去鞭策下一代讀好D書，而係有冇為讀書呢件事上，為佢地設立一個咩定位呢？只要小朋友對讀書有一個自己很接受而清晰的定位，既可增加小朋友對讀書的動力，亦可減少與小朋友之間的磨擦。
在為小朋友設立定位之前，父母們請放下自己，真心為小朋友設想。不要刻意引導小朋友成為自己的傀儡，把自己的期望硬套在小朋友身上，這樣只會有反效果。
有D人讀書係為左爭取到一張入場劵，令自己在職場起步比人高，升得比人快。有D人讀書係為左增加自己的學問知識，追求學術上的突破。有D人讀書係為左陶冶性情，滿足自己的心靈。有D人讀書係為左興趣，學咩都津津有味。以上咩原因都好，只要係為左自己，對自己某一方面有所得益，已經係一件好事。
有D人為左唔想出黎做野，所以不停讀書，其實係逃避現實。有D人為左令父母開心或不想父母日哦夜哦，父母叫佢讀咩就讀咩，其實係失去自我。有D人為左打發時間而讀書，其實係浪費緊自己的人生。
世上每一件事都不存在「好」與「壞」，好壞只在乎人們抱著咩原因咩心態去做每一件事。好多人都抱怨現在教育制度不濟，其實有冇人諗過係家庭都有責任呢？家庭的責任不是去鞭策下一代讀好D書，而係有冇為讀書呢件事上，為佢地設立一個咩定位呢？只要小朋友對讀書有一個自己很接受而清晰的定位，既可增加小朋友對讀書的動力，亦可減少與小朋友之間的磨擦。
在為小朋友設立定位之前，父母們請放下自己，真心為小朋友設想。不要刻意引導小朋友成為自己的傀儡，把自己的期望硬套在小朋友身上，這樣只會有反效果。
2012年6月29日 星期五
讓坐
有朋友在FB上 post 左呢段野出黎，睇左少少已經無辦法再睇落去，實在令人難以接受。
原來而家d年青人認為讓座比大肚婆係一件「父權社會」的事！唔好意思，菲菲真係好想爆粗，以宣洩一下對呢班下一代的不滿。D！你講乜L野呀！乜「父權社會」係咁解咩？唔識就讀多D書，豐富左自己的知識先至去講呢D咁嚴肅既字眼啦！
呢D問題究竟係學校唔教丫？定係亞媽冇教丫？定係青年人反叛，總知成年人講乜都認為係一種欺壓？菲菲真係唔明白而家d人諗咩。點解要讓坐比有需要人士？正正就係因為佢地「有需要」丫嘛！同邊個上車先有咩關係呀？如果佢上車先過你，就不存在「讓坐」呢回事啦。究竟佢地知唔知自己講緊咩呀？呢班不知所謂又話大肚就唔好搭港鐵，正如哮喘就唔好入吸煙室一樣。呢d係咩比喻呀？歪理連篇！
記得菲菲大肚時，上港鐵都冇 expect 有人讓坐，因為已習慣左年青人的自私和冷漠。不過最氣結係試過有打扮入時的女生同大肚的菲菲爭位坐。我大住個肚當然唔夠佢爭，佢搶位時仲要撞開我，之後佢就一個屁股「得」落去，即時低頭玩電話，完全唔認為有問題。而家社會風氣就係咁，我地認為呢d係自私的行為咩？佢地認為我地係用「父權社會」去壓迫佢地喎，吹漲！
真係想問下教通識科的老師，學生們在各種媒體上學識左一大堆批判性字眼，句句鏗鏘，看似好有料到，原來佢地係不求甚解ga？悲哀！
讓坐比有需要人士，不存在邊個「大哂」的問題，係同理心的問題，係沒有設身處地為別人著想的問題。當然大家都有比錢，你有權不讓坐，只要你日後大肚、年老、殘障時千萬不要 expect 別人會讓坐比你就得勒。
原來而家d年青人認為讓座比大肚婆係一件「父權社會」的事！唔好意思，菲菲真係好想爆粗，以宣洩一下對呢班下一代的不滿。D！你講乜L野呀！乜「父權社會」係咁解咩？唔識就讀多D書，豐富左自己的知識先至去講呢D咁嚴肅既字眼啦！
呢D問題究竟係學校唔教丫？定係亞媽冇教丫？定係青年人反叛，總知成年人講乜都認為係一種欺壓？菲菲真係唔明白而家d人諗咩。點解要讓坐比有需要人士？正正就係因為佢地「有需要」丫嘛！同邊個上車先有咩關係呀？如果佢上車先過你，就不存在「讓坐」呢回事啦。究竟佢地知唔知自己講緊咩呀？呢班不知所謂又話大肚就唔好搭港鐵，正如哮喘就唔好入吸煙室一樣。呢d係咩比喻呀？歪理連篇！
記得菲菲大肚時，上港鐵都冇 expect 有人讓坐，因為已習慣左年青人的自私和冷漠。不過最氣結係試過有打扮入時的女生同大肚的菲菲爭位坐。我大住個肚當然唔夠佢爭，佢搶位時仲要撞開我，之後佢就一個屁股「得」落去，即時低頭玩電話，完全唔認為有問題。而家社會風氣就係咁，我地認為呢d係自私的行為咩？佢地認為我地係用「父權社會」去壓迫佢地喎，吹漲！
真係想問下教通識科的老師，學生們在各種媒體上學識左一大堆批判性字眼，句句鏗鏘，看似好有料到，原來佢地係不求甚解ga？悲哀！
讓坐比有需要人士，不存在邊個「大哂」的問題，係同理心的問題，係沒有設身處地為別人著想的問題。當然大家都有比錢，你有權不讓坐，只要你日後大肚、年老、殘障時千萬不要 expect 別人會讓坐比你就得勒。
2012年6月28日 星期四
Cold Call 皇后
菲菲在2001年9月入行做保險，點解咁記得？因為我仲上緊 training 的階段時發生911事件，實在令人難以忘記。當年點解入行？因為我係做開中層管理的，但當時中層cut人cut得好利害，一年之內我經歷左三次裁員，響冇其他出路之下就走左去做保險。
諗返起當時都好勇，九十年代尾我離港遊學玩左一段時間，到2000年先至返香港工作。返到香港時好多舊友既 contact 都冇哂，即係我係響冇 warm market 的情況下踏足保險界的。既然冇warm market，唯有做 cold call 啦。當中包括搵 call list 打，上工商大廈甚至住宅逐家逐戶拍門，跟公司 van 仔周街拉客上車，去人多地方做問卷等等，真係咩方法都試。
講起 call list，其實係老細唔知響邊度搵返黎的一堆電話加個名，佢地係乜水我地完全唔知道。一般每個星期都會有一晚安排新仔玩 cold call 比賽。賽前老細叫我地預測自己一小時內打到幾多個 call 同埋 make 到幾多個 appointment。第一次玩比賽時，我答︰「打20個call，約到2個 appointment啦。」，其實答果陣都冇咩信心，老細問到唔通話打唔到咩！一小時的比賽過後，我好似打左四十幾個 call，約到5個 appointment，攪到全場嘩然，因為大部份都係約唔到。老細都係好穩陣的，話d客唔放飛機先至當係約實。哈哈！又咁好彩5個都見到面，仲簽左2張細單添！
做公司 van 仔拉客時，一日最少響街8粒鐘，見人就埋去講，訓練左摩打口同面皮厚。公司為左獎勵一班勇於抓爛塊面企街既小 agent，每日出車都有三個獎︰最快開單，最高C數獎 (即係最大張單)，同埋最多 case 獎。菲菲試過一日內響街抓左3張單，攞哂三筆獎金，當中最高C數係講緊月供二千幾蚊的儲蓄保單。好多新入行 agent 一個月都未必有三張單，當時菲菲的紀錄成為公司的佳話。
好快菲菲亦可以招聘自己的agent下屬，在同期入職的同事們中，我亦係最快有自己下屬，下屬數目都比別人多。一般情況，保險呢行要招攬下屬都係向熟人入手，菲菲響冇「熟人」既情況底下又點搵下屬呢？其實呢d下屬都係 cold call 返黎的！當時有好多職業展覽，菲菲就去會場搵下有冇 smart 既後生仔女，一見有就上前派卡片遊說佢地入職。真係咩事都有可能，我就係靠全 cold call 建立左自己的團隊。可能佢地覺得我夠 guts，所以願意在完全冇互相的情況下膽粗粗跟我入行。
做左保險公司唔夠一年，菲菲就轉左去 broker firm 度做 Training，係唔係好匪夷所思呢！一個在行內做唔夠一年既人，竟然可以去教人？因為 broker firm 的老細知道菲菲有超強做新客生意的能力，所以叫我去幫佢地公司手教一眾新人點做 cold market。
相信憑以上的例子，菲菲自稱 Cold Call 皇后都不為過吧！哈哈！
諗返起當時都好勇，九十年代尾我離港遊學玩左一段時間，到2000年先至返香港工作。返到香港時好多舊友既 contact 都冇哂，即係我係響冇 warm market 的情況下踏足保險界的。既然冇warm market，唯有做 cold call 啦。當中包括搵 call list 打，上工商大廈甚至住宅逐家逐戶拍門，跟公司 van 仔周街拉客上車，去人多地方做問卷等等，真係咩方法都試。
講起 call list，其實係老細唔知響邊度搵返黎的一堆電話加個名，佢地係乜水我地完全唔知道。一般每個星期都會有一晚安排新仔玩 cold call 比賽。賽前老細叫我地預測自己一小時內打到幾多個 call 同埋 make 到幾多個 appointment。第一次玩比賽時，我答︰「打20個call，約到2個 appointment啦。」，其實答果陣都冇咩信心，老細問到唔通話打唔到咩！一小時的比賽過後，我好似打左四十幾個 call，約到5個 appointment，攪到全場嘩然，因為大部份都係約唔到。老細都係好穩陣的，話d客唔放飛機先至當係約實。哈哈！又咁好彩5個都見到面，仲簽左2張細單添！
做公司 van 仔拉客時，一日最少響街8粒鐘，見人就埋去講，訓練左摩打口同面皮厚。公司為左獎勵一班勇於抓爛塊面企街既小 agent，每日出車都有三個獎︰最快開單，最高C數獎 (即係最大張單)，同埋最多 case 獎。菲菲試過一日內響街抓左3張單，攞哂三筆獎金，當中最高C數係講緊月供二千幾蚊的儲蓄保單。好多新入行 agent 一個月都未必有三張單，當時菲菲的紀錄成為公司的佳話。
好快菲菲亦可以招聘自己的agent下屬，在同期入職的同事們中，我亦係最快有自己下屬，下屬數目都比別人多。一般情況，保險呢行要招攬下屬都係向熟人入手，菲菲響冇「熟人」既情況底下又點搵下屬呢？其實呢d下屬都係 cold call 返黎的！當時有好多職業展覽，菲菲就去會場搵下有冇 smart 既後生仔女，一見有就上前派卡片遊說佢地入職。真係咩事都有可能，我就係靠全 cold call 建立左自己的團隊。可能佢地覺得我夠 guts，所以願意在完全冇互相的情況下膽粗粗跟我入行。
做左保險公司唔夠一年，菲菲就轉左去 broker firm 度做 Training，係唔係好匪夷所思呢！一個在行內做唔夠一年既人，竟然可以去教人？因為 broker firm 的老細知道菲菲有超強做新客生意的能力，所以叫我去幫佢地公司手教一眾新人點做 cold market。
相信憑以上的例子，菲菲自稱 Cold Call 皇后都不為過吧！哈哈！
2012年6月27日 星期三
失蹤人口
菲菲今日約了榮升 Director of GI 的朋友，因為有些基金的事要處理 (佢以前係做保險和基金的)。唔知係貴為掌門人所以工作繁忙丫？定係佢既千年惡習未改呢？打左成朝電話，包括佢所有手提同公司，都搵佢唔到，仲要係冇得留言，打左幾次之後，仲熄埋電話！咁我點簽文件呀？真係比佢激到紮紮跳！
以前當佢仲係我下屬時，已經話左佢N次，出得黎撈，個電話必須24小時 on call，仲必定要有留言。做保險呢行尤其重要，d 客搵親你好多時都係發生左事，極需要人幫忙。個電話打左成朝都搵唔到人，仲竟然熄埋機，你話令客人幾失望呢！仲有今日我係約左佢，都唔聽電話，即係爽約。呢條同死罪冇咩大分別。
唉！成四十歲人唔該生性啦！做野冇交帶成咁，我已經唔係佢亞頭，冇得再咁話佢。為左我既安心起見，三個小朋友既所有保險我都搵左另一位 agent 買，起碼佢幾多點都會接電話，有幾次我個仔晚上入急症都 call 到佢幫手，個心都定d。
仲以為後生仔先至會咁冇責任心，估唔到跑左十幾年江湖既老鬼都係咁…
以前當佢仲係我下屬時，已經話左佢N次，出得黎撈，個電話必須24小時 on call，仲必定要有留言。做保險呢行尤其重要，d 客搵親你好多時都係發生左事，極需要人幫忙。個電話打左成朝都搵唔到人，仲竟然熄埋機，你話令客人幾失望呢！仲有今日我係約左佢，都唔聽電話，即係爽約。呢條同死罪冇咩大分別。
唉！成四十歲人唔該生性啦！做野冇交帶成咁，我已經唔係佢亞頭，冇得再咁話佢。為左我既安心起見，三個小朋友既所有保險我都搵左另一位 agent 買，起碼佢幾多點都會接電話，有幾次我個仔晚上入急症都 call 到佢幫手，個心都定d。
仲以為後生仔先至會咁冇責任心，估唔到跑左十幾年江湖既老鬼都係咁…
2012年6月26日 星期二
奇怪的學生
在FB上見到有朋友話上堂好悶想訓覺，菲菲覺得好奇怪，出左黎做野自己比錢報 course，唔係自己有興趣先至上咩？點解上堂會想訓覺既？老師真係悶得咁緊要？
老公每星期都會教三班風水或八字，小班教學唔會多過十個人。一般情況咁少人上堂，可以學得更加多，因為老師有時間解決同學的個別進度問題。同埋學生人數少，大家自然變得好熟落，放學後會一齊食宵夜，學習順道聯誼。世事就係咁奇，依然係有某位學生十次有八次上堂都訓著覺。如果真係咁悶，上完初班就唔會上中班啦。但係佢又繼續黎上堂喎，真係令人費解。
以前返學就話必定要坐響課室啫，出左社會做野，學習呢d興趣班係想學先至會報，點解都可以堂堂訓覺呢？有冇人可以解答我呢個疑團呀？
老公每星期都會教三班風水或八字，小班教學唔會多過十個人。一般情況咁少人上堂，可以學得更加多，因為老師有時間解決同學的個別進度問題。同埋學生人數少，大家自然變得好熟落，放學後會一齊食宵夜，學習順道聯誼。世事就係咁奇，依然係有某位學生十次有八次上堂都訓著覺。如果真係咁悶，上完初班就唔會上中班啦。但係佢又繼續黎上堂喎，真係令人費解。
以前返學就話必定要坐響課室啫，出左社會做野，學習呢d興趣班係想學先至會報，點解都可以堂堂訓覺呢？有冇人可以解答我呢個疑團呀？
執手尾
看見 karol 一篇文章講關於辦公室內的人沒有手尾，不洗杯，食完野唔掉左個盒之類，引發起菲菲對「家教」呢個問題的很多想法。本想在文中留言，但太長篇了，都係響度講啦。karol，希望你不要介意！
會收拾好自己用完的物品，看似是一件好平常的事，沒有手尾就是不知所謂的行為。在評論行為之前，先要看看背後的原因。
為什麼我們會懂得收拾好自己的東西呢？原因好簡單，在家中已經習慣要自己的事自己要攪掂，亞媽唔係你工人，唔會幫你做。如果家中有兄弟姊妹，一個亞媽又點執得哂成屋人手尾？所以必需要教識仔女自動自覺，咁頭家先至唔會變左垃圾站。又或者，有d人係懶或不在意，成日都冇手尾的，但係經媽媽用各種方式的引導、身教、勸勉底下，都會知道自己要執手尾，呢d人偶有失手，但係每當見到自己的「手尾」時都會記得攪返掂。
至於點解有人係會冇手尾呢？一係佢亞媽服侍周到，返到屋企可以四肢殘廢，飯來張口衣來伸手，食完飯唔需要洗碗，家務唔需要做，呢d係亞媽既「份內事」。點解亞媽會服侍周到呢？其一係亞媽唔想仔女辛苦，想佢地返到屋企休息。呢d慈母真係… 唉！一係認為仔女做極都唔合佢心水，索性唔駛佢地做，費事勞氣。呢d過於執著的媽媽又係幫唔到仔女。
最後一種係軟皮蛇，無論亞媽出咩招數都係決定唔做，呢d人冇得救。
齋講好抽象的，舉例啦。
菲菲雖然有兩個外傭，但係小朋友都必須執返自己的手尾。大仔未夠四歲，幫手開飯、食完飯收好自己個碗同椅子、做完功課要收拾自己的書包、臨訓要執好玩具之類。至於未夠兩歲既細仔要幫手掉尿片、執玩具、收拾自己餐具和椅子、沖完涼自己把衣服放進污衣籃等等。未有孩子的朋友可能覺得冇乜特別，有孩子的父母你們就會知係咩事。而家有幾多個小朋友識照顧自己？以上種種絕對係小朋友能力範圍以內的事，但很多父母都不讓小朋友做。久而久之，他們就缺乏了這方面的責任感，以為到處都有人執佢手尾。到他們出來社會做事，就會變成令人不耐煩的「公主王子」。
個人責任感是培養出來的，不單是個別行為，亦是一種價值觀。懂得照顧自己的人，背後就是有一個好媽媽。這些事學校沒有時間去教，做媽媽的真是責無旁貸，孩子的生活習慣，絕對是媽媽培養出來的。
會收拾好自己用完的物品，看似是一件好平常的事，沒有手尾就是不知所謂的行為。在評論行為之前，先要看看背後的原因。
為什麼我們會懂得收拾好自己的東西呢？原因好簡單，在家中已經習慣要自己的事自己要攪掂，亞媽唔係你工人，唔會幫你做。如果家中有兄弟姊妹，一個亞媽又點執得哂成屋人手尾？所以必需要教識仔女自動自覺，咁頭家先至唔會變左垃圾站。又或者，有d人係懶或不在意，成日都冇手尾的，但係經媽媽用各種方式的引導、身教、勸勉底下，都會知道自己要執手尾，呢d人偶有失手，但係每當見到自己的「手尾」時都會記得攪返掂。
至於點解有人係會冇手尾呢？一係佢亞媽服侍周到，返到屋企可以四肢殘廢，飯來張口衣來伸手，食完飯唔需要洗碗，家務唔需要做，呢d係亞媽既「份內事」。點解亞媽會服侍周到呢？其一係亞媽唔想仔女辛苦，想佢地返到屋企休息。呢d慈母真係… 唉！一係認為仔女做極都唔合佢心水，索性唔駛佢地做，費事勞氣。呢d過於執著的媽媽又係幫唔到仔女。
最後一種係軟皮蛇，無論亞媽出咩招數都係決定唔做，呢d人冇得救。
齋講好抽象的，舉例啦。
菲菲雖然有兩個外傭，但係小朋友都必須執返自己的手尾。大仔未夠四歲，幫手開飯、食完飯收好自己個碗同椅子、做完功課要收拾自己的書包、臨訓要執好玩具之類。至於未夠兩歲既細仔要幫手掉尿片、執玩具、收拾自己餐具和椅子、沖完涼自己把衣服放進污衣籃等等。未有孩子的朋友可能覺得冇乜特別，有孩子的父母你們就會知係咩事。而家有幾多個小朋友識照顧自己？以上種種絕對係小朋友能力範圍以內的事，但很多父母都不讓小朋友做。久而久之，他們就缺乏了這方面的責任感，以為到處都有人執佢手尾。到他們出來社會做事，就會變成令人不耐煩的「公主王子」。
個人責任感是培養出來的，不單是個別行為，亦是一種價值觀。懂得照顧自己的人，背後就是有一個好媽媽。這些事學校沒有時間去教，做媽媽的真是責無旁貸，孩子的生活習慣，絕對是媽媽培養出來的。
2012年6月25日 星期一
隱藏的準則
菲菲大仔讀既幼稚園係有學劵，冇一條龍，不過係基督教團體轄下的幼稚園，見往績都估到大概會派去邊幾間小學。菲菲一直諗，究竟響大抽獎呢個遊戲，小學係點揀幼稚園生呢？如果只係睇佢地響幼稚園的成績，又似乎唔係唯一的準則。今日一通電話，「叮」左我個腦一野。
大仔的老師打黎，佢記得大仔有參加過普通話比賽，問我詳情同埋成績。原來學校係會將呢D野紀錄在案的。大仔的學校冇普通話讀，為左令佢上小學時不至於聽都唔識聽，就比佢學普通話。一般補習學校都會為學生報比賽，我本來係抱住不防一試既心態比大仔去玩下，原來學校係認真對待呢D比賽結果的！
另外，菲菲有友人大女今年考小學，好不幸地派左去間「國際學校」，即係有好多強國同南亞同學的那一種，響大抽獎根本唔會有人揀的。友人嘗試為個女叩門，但係佢冇幫個女報乜班物班，又冇比賽，又無做下小義工之類，想整本叩門 portfolio 都冇野整。最後都係叩唔成，要接受現實。
唔知我有冇猜錯啦，響云云幼稚園生揀學生，學校成績其實都唔係好高參考價值。因為老師比分一定鬆手，務求令自己的學生可以入頭三志願。既然個個都咁「標青」，咁小學又憑咩去揀學生呢？我估課外活動、比賽之類既野係有幫助的。如果唔係，老師都唔會專登問詳情啦。
有錢去報課外活動就話啫，冇錢攪咁多野果D家庭未要走上惡性循環的道路？貧窮係唔係咁樣世襲出黎 ga？呢種收生準則係唔係變相歧視基層？等佢地既下一代都冇辦法逃離呢個老鼠圈？呢度有冇教肓界人士可以指正嗎？
大仔的老師打黎，佢記得大仔有參加過普通話比賽，問我詳情同埋成績。原來學校係會將呢D野紀錄在案的。大仔的學校冇普通話讀，為左令佢上小學時不至於聽都唔識聽，就比佢學普通話。一般補習學校都會為學生報比賽，我本來係抱住不防一試既心態比大仔去玩下，原來學校係認真對待呢D比賽結果的！
另外，菲菲有友人大女今年考小學，好不幸地派左去間「國際學校」，即係有好多強國同南亞同學的那一種，響大抽獎根本唔會有人揀的。友人嘗試為個女叩門，但係佢冇幫個女報乜班物班，又冇比賽，又無做下小義工之類，想整本叩門 portfolio 都冇野整。最後都係叩唔成，要接受現實。
唔知我有冇猜錯啦，響云云幼稚園生揀學生，學校成績其實都唔係好高參考價值。因為老師比分一定鬆手，務求令自己的學生可以入頭三志願。既然個個都咁「標青」，咁小學又憑咩去揀學生呢？我估課外活動、比賽之類既野係有幫助的。如果唔係，老師都唔會專登問詳情啦。
有錢去報課外活動就話啫，冇錢攪咁多野果D家庭未要走上惡性循環的道路？貧窮係唔係咁樣世襲出黎 ga？呢種收生準則係唔係變相歧視基層？等佢地既下一代都冇辦法逃離呢個老鼠圈？呢度有冇教肓界人士可以指正嗎？
2012年6月24日 星期日
工時太長
香港人工時太長，導致精神壓太大，缺乏私人社交生活，減少和家人見面等等。如果我們認為一日工作十小時以上是「工時太長」的話，為什麼小朋友在每天放學後都要有不同的課外活動、興趣班、補習班？之後仲要溫書做功課，幾樣野加埋唔只十粒鐘喎！唔通一個小朋友應付壓力既能耐比成人強？定係小朋友唔需要社交生活？更加唔需要和家人相處？
為了自己的孩子起跑線比別人前，就要孩子們痛下苦功，幾歲人仔就要佢地深深體會咩叫「吃得苦中苦，方為人上人」。從小要他們適應急速的生活節奏、密密麻麻的時間表和有限的休息時間。其實有幾多個小朋友有咁好耐力，日操夜操都唔會累呢？定係唔敢累呢？密不透風的時間表，令人沒有喘息的餘地，亦沒有思考的空間。每天要盲目完成不同的目標，完成左之後係為咩呢？我估未必個個小朋友都答得出。
大家都知咩叫「己所不欲，勿施於人」，點解自己唔想工時太長，偏偏自己個小朋友的工時比自己仲長？好弔詭的邏輯！
為了自己的孩子起跑線比別人前，就要孩子們痛下苦功，幾歲人仔就要佢地深深體會咩叫「吃得苦中苦，方為人上人」。從小要他們適應急速的生活節奏、密密麻麻的時間表和有限的休息時間。其實有幾多個小朋友有咁好耐力，日操夜操都唔會累呢？定係唔敢累呢？密不透風的時間表，令人沒有喘息的餘地，亦沒有思考的空間。每天要盲目完成不同的目標，完成左之後係為咩呢？我估未必個個小朋友都答得出。
大家都知咩叫「己所不欲，勿施於人」，點解自己唔想工時太長，偏偏自己個小朋友的工時比自己仲長？好弔詭的邏輯！
2012年6月23日 星期六
傷港人
懷有第二胎的友人，今日自己推住架BB車搭港鐵由旺角去油麻地，途中兩次搭升降機都被強國人打尖、推撞和口角。第一次D強國人話︰「都唔明D香港人，成日都要人讓！」第二位強國人話︰「大家都係香港人啫，駛唔駛咁呀？」友人回佢一句︰「有身份證就可以撞人呀？我老師唔係咁教喎！」
呢D事日日都發生，不過觀乎今日友人的遭遇，菲菲對強國人多左瞭解。原來佢地覺得「禮讓」係香港人多餘，大肚婆又點呀？撞你未撞你 lor，我地老師冇教過要禮讓喎！執輸行頭慘過敗家呀！邊有人排隊咁on居ga？我都有身份證ga，係「傷港人」黎ga，唔好諗住歧視我呀！
有身份證又點啫，連大肚婆都推既仲算係人咩？BTW，菲菲忘了強國人慣了草菅人命，連自己骨肉都唔放過，又點會理人地既骨肉丫？國內做人流，就好似我地感冒去睇醫生咁，係一件極度平常既事，我老公其中一個客人落左至少六個，真係令人難以接受！
本來菲菲對強國人唔係咁偏激的，自從做左媽媽之後常常身受其害，不其然對佢地冇好感。搶生仔床位、尿片、奶粉、幼稚園學位、醫療等等問題，菲菲全部領教過，呢D都係基本民生既野，但係土生土長既香港人都冇保障要同雙非B爭，又點會唔勞氣呢？
另有友人話香港出生率低，所以要比雙非黎生仔。聽罷真係想檸甩佢個頭。佢未結婚生仔就梗係口響啦，真係針唔吉到肉唔知痛呀。而家生仔唔係錢既問題，係有錢都解決唔到既問題，叫人點敢生？菲菲真係試過有一次，行勻旺角既藥房都買唔到一罐亞女食開既奶粉呀，唔通叫未夠一歲既B女唔好飲奶？同大仔考幼稚園，處處都係傷港人，最少人爭果間都要15收1，菲菲同個仔報左10間，頭9間都唔收，收到第9封「侯補通知書」時真係喊左出黎。我已經冇考名校，都咁艱難先至有一個幼稚園學位，而家越黎越多雙非學童，又冇新幼稚園，就黎連3歲小朋友就要面對失學問題勒。
呢D事日日都發生，不過觀乎今日友人的遭遇，菲菲對強國人多左瞭解。原來佢地覺得「禮讓」係香港人多餘，大肚婆又點呀？撞你未撞你 lor，我地老師冇教過要禮讓喎！執輸行頭慘過敗家呀！邊有人排隊咁on居ga？我都有身份證ga，係「傷港人」黎ga，唔好諗住歧視我呀！
有身份證又點啫，連大肚婆都推既仲算係人咩？BTW，菲菲忘了強國人慣了草菅人命，連自己骨肉都唔放過，又點會理人地既骨肉丫？國內做人流，就好似我地感冒去睇醫生咁，係一件極度平常既事，我老公其中一個客人落左至少六個，真係令人難以接受！
本來菲菲對強國人唔係咁偏激的，自從做左媽媽之後常常身受其害，不其然對佢地冇好感。搶生仔床位、尿片、奶粉、幼稚園學位、醫療等等問題，菲菲全部領教過，呢D都係基本民生既野，但係土生土長既香港人都冇保障要同雙非B爭，又點會唔勞氣呢？
另有友人話香港出生率低，所以要比雙非黎生仔。聽罷真係想檸甩佢個頭。佢未結婚生仔就梗係口響啦，真係針唔吉到肉唔知痛呀。而家生仔唔係錢既問題，係有錢都解決唔到既問題，叫人點敢生？菲菲真係試過有一次，行勻旺角既藥房都買唔到一罐亞女食開既奶粉呀，唔通叫未夠一歲既B女唔好飲奶？同大仔考幼稚園，處處都係傷港人，最少人爭果間都要15收1，菲菲同個仔報左10間，頭9間都唔收，收到第9封「侯補通知書」時真係喊左出黎。我已經冇考名校，都咁艱難先至有一個幼稚園學位，而家越黎越多雙非學童，又冇新幼稚園，就黎連3歲小朋友就要面對失學問題勒。
2012年6月22日 星期五
有名冇實
朋友做了十多年 IFA (Independent Financial Advisor)，最近他轉了公司，因為新公司讓他掌管整個 GI Department (General Insurance)，成為了 Director of GI。菲菲連聲恭喜，記得十年前佢係我下屬，現在榮升掌門人，當然值得慶賀！
恭喜之聲未停，已聽見他唉聲連連。原來他這個 Director 係一毫子底薪都冇，只係食成個部門總營業額的某個百份比。再問之下，公司才成立了一年多，即係冇咩生意啦，真係恭喜唔落。
你話幾諷刺，拎張卡片出黎，人地見到係 Director 以為你好掂，點知又係搵朝唔得晚既一份工。雖說話 GI 生意穩定，到時就好似收租咁收，不過公司響發展既階段都唔出返少少底薪，用「前景」去 sell 個員工返黎打江山，個老細都好好心地喎。話分兩頭，我朋友撈左十幾年都係原地踏步，久唔久就話有公司睇得起佢叫佢過檔云云，個 Title 一次勁過一次，唔清楚內情真係以為佢平步青雲。原來係唔駛出糧的，我做老細都得啦，只要 sell 十件八件呢 D 「高層」返黎，一定唔憂冇生意。次次同人地打完江山，人地就空降一件皇親國戚黎迫佢走，希望今次會有例外啦。(雖然好渺茫…)
恭喜之聲未停，已聽見他唉聲連連。原來他這個 Director 係一毫子底薪都冇，只係食成個部門總營業額的某個百份比。再問之下，公司才成立了一年多，即係冇咩生意啦，真係恭喜唔落。
你話幾諷刺，拎張卡片出黎，人地見到係 Director 以為你好掂，點知又係搵朝唔得晚既一份工。雖說話 GI 生意穩定，到時就好似收租咁收，不過公司響發展既階段都唔出返少少底薪，用「前景」去 sell 個員工返黎打江山，個老細都好好心地喎。話分兩頭，我朋友撈左十幾年都係原地踏步，久唔久就話有公司睇得起佢叫佢過檔云云，個 Title 一次勁過一次，唔清楚內情真係以為佢平步青雲。原來係唔駛出糧的，我做老細都得啦，只要 sell 十件八件呢 D 「高層」返黎，一定唔憂冇生意。次次同人地打完江山，人地就空降一件皇親國戚黎迫佢走，希望今次會有例外啦。(雖然好渺茫…)
2012年6月21日 星期四
一生一世 (二)
點先至可以一生一世，菲菲不敢下定論，要請教滿頭白髮仍然手拖手的老夫老妻。不過以下兩則有關單親家庭的真人真事，會讓大家想想，點解婚姻不能長久。
(1)
K小姐於單親家庭長大，爸爸據說是江湖人物，她是跟媽媽長大的，正確點來說是跟契媽一家長大的。K小姐的媽媽有兩個孩子，K小姐和她的哥哥。她的父母為什麼分開已無從稽考，因為K小姐的媽媽從不說實話。K小姐還小的時候，她的媽媽就把她交托給朋友照顧，就是K小姐的契媽。而K小姐的媽媽就繼續尋找可以依靠的男人，為自己的「終身幸福」而努力。據說K小姐的媽媽不喜歡K小姐，常常虐打她，所以母女關係惡劣。
K小姐11歲開始拍拖，無心向學，未夠16歲已經墮過幾次胎。在她17歲那年認識了一名二十出頭的乖仔，她又再度懷孕。那男的真的很疼她，決定和她結婚。怎料在婚前不足一週時，K小姐在產前檢查時發現胎兒不正常，需要終止懷孕。男家知道後極力反對他們結婚，這事連K小姐久違了的媽媽也知道了，亦都出面反對。但是雙方反對的理由是南轅北轍的。男家認為K小姐不是好女孩，更質疑她的BB是否別人的孩子，反正現在BB都不能留了，就不要結婚好了。而K媽媽則認為她的未婚夫沒有家底，不能提供良好生活給K小姐，將來她必定後悔，所以極力反對。
年青人都是反叛的，老是喜歡衝破障礙來證明自己，所以他們不理父母的反對，堅持繼續結婚。K小姐當時只有17歲，結婚必須有家長簽名。K媽媽都願意簽名，不過條件就是要K小姐給她幾萬元。最終這對小情人於婚姻註冊處成為了合法夫妻，K小姐亦搬入男家，和老公在小房間裡開始了夫妻生活。不謀而合，K小姐的奶奶也是離了婚，但她的老爺間中都會來探望子女。
K小姐19歲時再度懷孕，這次終於成功誕下一名可愛女兒。但是在懷孕期間，K小姐和男家發生很多磨擦，女兒出生後磨擦加劇了。K小姐常常想和老公和女兒搬離蝸居，但她的老公收入只夠一家三口生活，要搬家談可容易？K媽媽又再慫恿K小姐離開這個家去找一個可以照顧她的男人，最後K小姐竟然在女兒還未夠三個月時拋夫棄女一走了之。
K小姐的所作所為，在菲菲的角度來說是極度不負責任的行為。至於K媽媽所做的一切，比K小姐更為自私可恥。
(2)
M小姐自幼喪父，和媽媽、外公外婆一起住。外公外婆是傳統的重男輕女，對於家中的一對孤兒寡婦並不是很歡迎。後來母女終於申請到公屋，離開歧視的眼光過新生活去。M媽媽寡母婆守女，對女兒管教甚嚴，更加不許她胡亂結交男友。
M小姐差不多二十歲時常常瞞著媽媽去結交男友，她想快些結婚，這樣就可以離開母親的操控，呼吸自由的空氣。在她二十歲時決定和一名純樸的年青人結婚，本來她想搬出去建立自己的家，但遭M媽媽極力反對。因為M媽媽已經沒有了老公，女兒就是她終身依靠，又豈容她離開自已？最後，M小姐婚後，她的老公搬進了M小姐的家，好讓M小姐盡一盡孝道繼續照顧母親。之後不久，M小姐誕下了兒子，過了幾年一家四口的生活。
M小姐一直想脫離母親的操控，但是她彷彿是孫悟空戴上了金剛圈一樣，她越想走，她的媽媽就綁得越緊。而結婚本來是M小姐想離開母親的手段，最後卻是多了兩個人 (老公和兒子) 令她的生活更多制肘，壓力快要爆煲了。當她的兒子還未上幼稚園時，她結識了一位有婦之夫，偷偷地展開了四角關係。
想要擺脫困局嗎？偏偏越攪越糊塗。紙是包不住火的，M小姐的老公終於發現了她背夫偷漢的事，M小姐被揭發了之後索性發難，大數老公沒有志氣、媽媽管得太苛刻之類。這麼一鬧，家是破了 (老公決定離婚)，還幾乎攪到人亡 (M媽媽受不住打擊企圖自殺，幸好最後沒事)。離婚之後，M小姐知道母親是擺脫不了，M媽媽亦反對M小姐再婚，要她下半世好好照顧兒子，盡一個母親的責任。
********
故事講完了，大家有甚麼想法呢？
單憑以上兩則故事，是不能以偏蓋全地討論一些社會問題。但至少從這兩個故事可以看到一個共通點，就是︰「操控別人的生命不等於愛」。K媽媽和M媽媽用不同的手段去控制自己的女兒，很不幸地K小姐和M小姐的婚姻都失敗了，還成為了單親媽媽。她們的故事會延續到下一代嗎？
********
下次，菲菲再分享其他男士導致離婚的真人真事。
(1)
K小姐於單親家庭長大，爸爸據說是江湖人物，她是跟媽媽長大的，正確點來說是跟契媽一家長大的。K小姐的媽媽有兩個孩子，K小姐和她的哥哥。她的父母為什麼分開已無從稽考，因為K小姐的媽媽從不說實話。K小姐還小的時候，她的媽媽就把她交托給朋友照顧，就是K小姐的契媽。而K小姐的媽媽就繼續尋找可以依靠的男人，為自己的「終身幸福」而努力。據說K小姐的媽媽不喜歡K小姐，常常虐打她，所以母女關係惡劣。
K小姐11歲開始拍拖，無心向學，未夠16歲已經墮過幾次胎。在她17歲那年認識了一名二十出頭的乖仔，她又再度懷孕。那男的真的很疼她，決定和她結婚。怎料在婚前不足一週時，K小姐在產前檢查時發現胎兒不正常，需要終止懷孕。男家知道後極力反對他們結婚，這事連K小姐久違了的媽媽也知道了，亦都出面反對。但是雙方反對的理由是南轅北轍的。男家認為K小姐不是好女孩，更質疑她的BB是否別人的孩子，反正現在BB都不能留了，就不要結婚好了。而K媽媽則認為她的未婚夫沒有家底，不能提供良好生活給K小姐，將來她必定後悔，所以極力反對。
年青人都是反叛的，老是喜歡衝破障礙來證明自己，所以他們不理父母的反對，堅持繼續結婚。K小姐當時只有17歲，結婚必須有家長簽名。K媽媽都願意簽名，不過條件就是要K小姐給她幾萬元。最終這對小情人於婚姻註冊處成為了合法夫妻，K小姐亦搬入男家，和老公在小房間裡開始了夫妻生活。不謀而合，K小姐的奶奶也是離了婚，但她的老爺間中都會來探望子女。
K小姐19歲時再度懷孕，這次終於成功誕下一名可愛女兒。但是在懷孕期間，K小姐和男家發生很多磨擦，女兒出生後磨擦加劇了。K小姐常常想和老公和女兒搬離蝸居，但她的老公收入只夠一家三口生活，要搬家談可容易？K媽媽又再慫恿K小姐離開這個家去找一個可以照顧她的男人，最後K小姐竟然在女兒還未夠三個月時拋夫棄女一走了之。
K小姐的所作所為，在菲菲的角度來說是極度不負責任的行為。至於K媽媽所做的一切，比K小姐更為自私可恥。
(2)
M小姐自幼喪父，和媽媽、外公外婆一起住。外公外婆是傳統的重男輕女，對於家中的一對孤兒寡婦並不是很歡迎。後來母女終於申請到公屋，離開歧視的眼光過新生活去。M媽媽寡母婆守女，對女兒管教甚嚴，更加不許她胡亂結交男友。
M小姐差不多二十歲時常常瞞著媽媽去結交男友，她想快些結婚，這樣就可以離開母親的操控，呼吸自由的空氣。在她二十歲時決定和一名純樸的年青人結婚，本來她想搬出去建立自己的家，但遭M媽媽極力反對。因為M媽媽已經沒有了老公，女兒就是她終身依靠，又豈容她離開自已？最後，M小姐婚後，她的老公搬進了M小姐的家，好讓M小姐盡一盡孝道繼續照顧母親。之後不久，M小姐誕下了兒子，過了幾年一家四口的生活。
M小姐一直想脫離母親的操控，但是她彷彿是孫悟空戴上了金剛圈一樣，她越想走，她的媽媽就綁得越緊。而結婚本來是M小姐想離開母親的手段，最後卻是多了兩個人 (老公和兒子) 令她的生活更多制肘，壓力快要爆煲了。當她的兒子還未上幼稚園時，她結識了一位有婦之夫，偷偷地展開了四角關係。
想要擺脫困局嗎？偏偏越攪越糊塗。紙是包不住火的，M小姐的老公終於發現了她背夫偷漢的事，M小姐被揭發了之後索性發難，大數老公沒有志氣、媽媽管得太苛刻之類。這麼一鬧，家是破了 (老公決定離婚)，還幾乎攪到人亡 (M媽媽受不住打擊企圖自殺，幸好最後沒事)。離婚之後，M小姐知道母親是擺脫不了，M媽媽亦反對M小姐再婚，要她下半世好好照顧兒子，盡一個母親的責任。
********
故事講完了，大家有甚麼想法呢？
單憑以上兩則故事，是不能以偏蓋全地討論一些社會問題。但至少從這兩個故事可以看到一個共通點，就是︰「操控別人的生命不等於愛」。K媽媽和M媽媽用不同的手段去控制自己的女兒，很不幸地K小姐和M小姐的婚姻都失敗了，還成為了單親媽媽。她們的故事會延續到下一代嗎？
********
下次，菲菲再分享其他男士導致離婚的真人真事。
2012年6月20日 星期三
一生一世 (一)
菲菲是遲婚的一群，幸好我是遲婚。經歷讓我瞭解到甚麼是婚姻，知道該找甚麼伴侶才適合結婚，是對婚姻的尊重，亦是對我們下一代的尊重。點解講到咁嚴肅？婚姻唔係一場 SHOW，唔係一個「童話故事」，更加唔係一個趕搭尾班車的活動。要婚姻維持一生一世，先要知道對方同你有幾多相同的觀念，又有幾多不同的睇法，究竟有沒有方法去達致共識？如果以上的問題都答不上，建議先停一停，諗一諗，不要因一時衝動而結婚，最後只會令離婚率和單親家庭的問題惡化。菲菲又貢獻自己的故事比大家借鏡。
在一般人認為是適婚年齡時的菲菲，剛好遇上911、沙士、金融海嘯的情況，最悲痛的莫過於菲菲和當時的男友就在911之前買了樓，一當業主即時成了負資產。加上種種經濟環境，我們的生活都捉襟見肘，當然沒有錢結婚。
在經濟低迷的情況，菲菲和男友各自用不同的方式求存。在2000年，菲菲好好歹歹都是一個中層管理，但是經濟不景氣令我被裁了幾次！再係咁落去真係唔掂，於是菲菲放下身段，由小SALES做起，起碼SALES係一個較難被裁的職位。初初做時收入不穩定，個個月唔食都要供樓，家住元朗要到市區返工，好一個弱勢社群的寫照！哈哈！不過菲菲真係有樂觀底，冇生意之嘛，去搵LOR！未夠單咋？做到有單為止LOR！當時真係要一日做十幾粒鐘，先至有本事供到樓，自己既洗費真係慳得就慳。我相信，總會雨過天青的。
菲菲的男友，是普通打工仔一名，佢對菲菲如此「上進」的做法係抱否定的態度。每晚菲菲放工回家已經冇哂電，都仲要應付男友的諸多批評。佢想我搵份有穩定收入既工，做個「安份守己」既人。(乜我好唔安守本份咩？講到好似做雞咁既？)。以當時的情況，菲菲要找一份普通的工作實在不易。因為菲菲的工作履歷都幾見得下人，小公司唔敢請 (怕我做唔長)，大公司冇得請 (中層位已經 CUT 哂，點請？)，真係好無辦法之下先至去做SALES，好在都有得做，響當時的環境仲想點？佢份人工只夠交水電煤，都唔諗下如果我都只係打份幾千蚊既工會有咩下場。
響佢既世界，女人唔需要叻。唔緊要，如果佢夠叻可以養得起頭家，我唔介意蠢。好可惜佢唔係，原來佢只係一名不思進取既小男人，為左逃避經濟壓力，放工後除左打機就咩都唔做。菲菲唔介意返工十幾粒鐘之後仲要做家務，只係希望返到屋企會有人留返餐飯比我食，但係從來都未試過。佢放工後會返自己媽媽家食飯，食完飯就返我們家打機直至訓覺。佢對我工作有幾辛苦係不聞不問，只會埋怨我家務做得不好，星期日不早些起身煮早餐給他吃，去他媽媽食飯時不洗埋廚房等等。我相信作為一個家庭經濟支柱受到如此對待，唔會有幾多個會白頭到老。
響呢幾年患難生活，果然見到真情。我深深體會到呢位男友唔可能同我過埋下半世，因為大家響價值觀、人生觀同埋處理逆境的態度都係完全相反。於是，在經濟好轉之後，菲菲決定離開這位男友。當時菲菲都好痛心，因為已經花了最寶貴的八年光陰給一個錯誤的人。記得在2001年我們買樓時，係打算結婚的。點解我想結婚？因為年紀唔細，到左適婚年齡，所以就諗住同當時的男友結婚。至於大家有沒有共同家庭觀的問題，根本沒有考慮過。到經歷左咁多野之後，先至明白要搵一個合適既人過下半世，係一件好重要的事，所以而家有咁多女士選擇單身。
講左咁耐，只不過係引子。菲菲想分享幾位朋友的單親家長故事，在講她們的故事之前，請大家先懂得尊重婚姻，尊重下一代。
她們的故事，下回分解。
在一般人認為是適婚年齡時的菲菲，剛好遇上911、沙士、金融海嘯的情況，最悲痛的莫過於菲菲和當時的男友就在911之前買了樓，一當業主即時成了負資產。加上種種經濟環境，我們的生活都捉襟見肘，當然沒有錢結婚。
在經濟低迷的情況，菲菲和男友各自用不同的方式求存。在2000年，菲菲好好歹歹都是一個中層管理，但是經濟不景氣令我被裁了幾次！再係咁落去真係唔掂，於是菲菲放下身段，由小SALES做起，起碼SALES係一個較難被裁的職位。初初做時收入不穩定，個個月唔食都要供樓，家住元朗要到市區返工，好一個弱勢社群的寫照！哈哈！不過菲菲真係有樂觀底，冇生意之嘛，去搵LOR！未夠單咋？做到有單為止LOR！當時真係要一日做十幾粒鐘，先至有本事供到樓，自己既洗費真係慳得就慳。我相信，總會雨過天青的。
菲菲的男友，是普通打工仔一名，佢對菲菲如此「上進」的做法係抱否定的態度。每晚菲菲放工回家已經冇哂電，都仲要應付男友的諸多批評。佢想我搵份有穩定收入既工，做個「安份守己」既人。(乜我好唔安守本份咩？講到好似做雞咁既？)。以當時的情況，菲菲要找一份普通的工作實在不易。因為菲菲的工作履歷都幾見得下人，小公司唔敢請 (怕我做唔長)，大公司冇得請 (中層位已經 CUT 哂，點請？)，真係好無辦法之下先至去做SALES，好在都有得做，響當時的環境仲想點？佢份人工只夠交水電煤，都唔諗下如果我都只係打份幾千蚊既工會有咩下場。
響佢既世界，女人唔需要叻。唔緊要，如果佢夠叻可以養得起頭家，我唔介意蠢。好可惜佢唔係，原來佢只係一名不思進取既小男人，為左逃避經濟壓力，放工後除左打機就咩都唔做。菲菲唔介意返工十幾粒鐘之後仲要做家務，只係希望返到屋企會有人留返餐飯比我食，但係從來都未試過。佢放工後會返自己媽媽家食飯，食完飯就返我們家打機直至訓覺。佢對我工作有幾辛苦係不聞不問，只會埋怨我家務做得不好，星期日不早些起身煮早餐給他吃，去他媽媽食飯時不洗埋廚房等等。我相信作為一個家庭經濟支柱受到如此對待，唔會有幾多個會白頭到老。
響呢幾年患難生活，果然見到真情。我深深體會到呢位男友唔可能同我過埋下半世，因為大家響價值觀、人生觀同埋處理逆境的態度都係完全相反。於是，在經濟好轉之後，菲菲決定離開這位男友。當時菲菲都好痛心，因為已經花了最寶貴的八年光陰給一個錯誤的人。記得在2001年我們買樓時，係打算結婚的。點解我想結婚？因為年紀唔細，到左適婚年齡，所以就諗住同當時的男友結婚。至於大家有沒有共同家庭觀的問題，根本沒有考慮過。到經歷左咁多野之後，先至明白要搵一個合適既人過下半世，係一件好重要的事，所以而家有咁多女士選擇單身。
講左咁耐，只不過係引子。菲菲想分享幾位朋友的單親家長故事，在講她們的故事之前，請大家先懂得尊重婚姻，尊重下一代。
她們的故事，下回分解。
水可載舟，亦可覆舟
早年老公初初出黎自立門戶做風水師時，招收左一批舊友做學生，其中一位叫 L君。L君係一個好鐘意交朋結友既人，咩人咩話題都吹得一餐，仲有本事自己棟篤笑咁講幾粒鐘唔駛抖氣，未見人先聽見佢把聲。L君家境中上，成三十幾四十歲人都冇正真打過一份工，「正職」係陪亞媽飲茶食飯玩股票，幾十年都係遊戲人生咁過。唔知點解，菲菲對冇打過工或做過生意既人存有偏見，認為佢地對社會冇貢獻之餘，對自己既人生都冇咩貢獻，彷彿係一個未長大的細路一樣。
L君做咩玩咩都喜歡聯群結黨，當年來學風水八字時，都帶過不少朋友來當學生，和介紹了不少風水和八字客戶給我老公。老公好器重呢位學生，因為初初做全職風水師，必須靠相熟朋友介紹才會有生意，L君正好幫上了很大的忙。
L君好鐘意成為眾人目光焦點，常常語出驚人，又喜歡作弄人，仲會帶動他的粉絲去集體欺凌他不喜歡的人，尤其喜歡欺負不去當他粉絲的人。好一個「順我者昌，逆我者亡」的風範呀！單憑呢點，菲菲對 L君一直存有戒心。之前有同老公提起過，叫他提防，但老公要靠他搵食，冇理由走去得罪佢，仲會處處維護佢。呢D係人之常情，菲菲理解，但並不能完全認同。
學風水八字不是一門簡單的學問，老套D講句真係要有返多少慧根先至學到。L君人是聰明的，學得也很快，很快就成為得意門生，我老公仲成日帶住佢周圍去睇風水，「師徒」二人如魚得水，樂也融融。
但是兩年過後，問題就出現了。L君帶來的學生大多數都不能完成基本課程，一些人因有得玩就缺課，缺一兩堂就追不上進度，因而放棄了。另一些人本著「玩玩下」的態度來上課，毫不認真，漸漸亦追不上。亦有一些人，只為和 L君多個玩樂的場所，就借上課為名，其實在課堂上大講爛GAG，打亂了上課的進度。
我老公作為一位盡責的老師，怎會容許這些事發生？所以就和 L君詳談，希望情況有所改善。之前菲菲提及過 L君係一個未長大的細路，比人話佢掛住玩唔正經上課，L君當然唔高興，於是佢私底下叫他的朋友不要再來上課了，一時之間，老公建立左幾年的學生流失了接近七成，好大的影響呀！仲有，L君介紹過來的客戶，全部都流失了。
之前老公器重佢，除左係佢聰明之外，亦都因為佢為公司帶來不少生意，是不能得罪的「老細」。但當 L君覺得呢度唔好玩的時候，就會帶哂成班人走，公司曾經一度陷入困境。老公曾經為呢件事唔開心左好耐，幾經辛苦終於可以再建立新的學生和客戶，不過吸取左呢次教訓之後，佢明白不可以將所有雞蛋放在一個藍子的道理，不會讓任何一個學生「坐大」，以免歷史重演。
我老公用左2年去上左寶貴一課，明白到養虎為患是甚麼道理。雖然教訓是慘痛左D，總好過白交學費咩都領悟唔到。
最近，我和老公在宗教上的師傅剛收了一位「高徒」，不論性格、背景、行為等等和 L君幾乎完全一樣！更不謀而合的是，那位「高徒」為師傅帶來不少新弟子，所以師傅對他愛護有加。「高徒」囂張的程度不比 L君遜色，我和老公看在眼裡，彷彿幾年前的故事又在重演一樣。
老公終於明白當年菲菲的心情，當時菲菲冒死勸諫卻踫了一鼻子灰，如今老公想提醒師傅但卻無從入手。算吧，我好明白而家同師傅講咩都唔會有用，因為「高徒」現在是最有貢獻的人物，加上得罪「高徒」等同自討苦吃，我都鼓勵老公不要多事。我們只會在旁扶持，希望到「高徒」原形畢露之時，師傅仍有我們這些忠心弟子為他分憂。
L君做咩玩咩都喜歡聯群結黨，當年來學風水八字時，都帶過不少朋友來當學生，和介紹了不少風水和八字客戶給我老公。老公好器重呢位學生，因為初初做全職風水師，必須靠相熟朋友介紹才會有生意，L君正好幫上了很大的忙。
L君好鐘意成為眾人目光焦點，常常語出驚人，又喜歡作弄人，仲會帶動他的粉絲去集體欺凌他不喜歡的人，尤其喜歡欺負不去當他粉絲的人。好一個「順我者昌，逆我者亡」的風範呀！單憑呢點，菲菲對 L君一直存有戒心。之前有同老公提起過，叫他提防，但老公要靠他搵食，冇理由走去得罪佢，仲會處處維護佢。呢D係人之常情，菲菲理解，但並不能完全認同。
學風水八字不是一門簡單的學問，老套D講句真係要有返多少慧根先至學到。L君人是聰明的，學得也很快，很快就成為得意門生，我老公仲成日帶住佢周圍去睇風水，「師徒」二人如魚得水，樂也融融。
但是兩年過後，問題就出現了。L君帶來的學生大多數都不能完成基本課程，一些人因有得玩就缺課，缺一兩堂就追不上進度，因而放棄了。另一些人本著「玩玩下」的態度來上課，毫不認真，漸漸亦追不上。亦有一些人，只為和 L君多個玩樂的場所，就借上課為名，其實在課堂上大講爛GAG，打亂了上課的進度。
我老公作為一位盡責的老師，怎會容許這些事發生？所以就和 L君詳談，希望情況有所改善。之前菲菲提及過 L君係一個未長大的細路，比人話佢掛住玩唔正經上課，L君當然唔高興，於是佢私底下叫他的朋友不要再來上課了，一時之間，老公建立左幾年的學生流失了接近七成，好大的影響呀！仲有，L君介紹過來的客戶，全部都流失了。
之前老公器重佢，除左係佢聰明之外，亦都因為佢為公司帶來不少生意，是不能得罪的「老細」。但當 L君覺得呢度唔好玩的時候，就會帶哂成班人走，公司曾經一度陷入困境。老公曾經為呢件事唔開心左好耐，幾經辛苦終於可以再建立新的學生和客戶，不過吸取左呢次教訓之後，佢明白不可以將所有雞蛋放在一個藍子的道理，不會讓任何一個學生「坐大」，以免歷史重演。
我老公用左2年去上左寶貴一課，明白到養虎為患是甚麼道理。雖然教訓是慘痛左D，總好過白交學費咩都領悟唔到。
最近，我和老公在宗教上的師傅剛收了一位「高徒」，不論性格、背景、行為等等和 L君幾乎完全一樣！更不謀而合的是，那位「高徒」為師傅帶來不少新弟子，所以師傅對他愛護有加。「高徒」囂張的程度不比 L君遜色，我和老公看在眼裡，彷彿幾年前的故事又在重演一樣。
老公終於明白當年菲菲的心情，當時菲菲冒死勸諫卻踫了一鼻子灰，如今老公想提醒師傅但卻無從入手。算吧，我好明白而家同師傅講咩都唔會有用，因為「高徒」現在是最有貢獻的人物，加上得罪「高徒」等同自討苦吃，我都鼓勵老公不要多事。我們只會在旁扶持，希望到「高徒」原形畢露之時，師傅仍有我們這些忠心弟子為他分憂。
2012年6月19日 星期二
心中光明
菲菲自小患有視網膜色素退化，暫時醫學界中的一個不治之症。患者既視網膜會不斷退化直至失明。一個好恐怖的病，不過已經伴隨菲菲幾十年了，我都習慣了。你問我怕不怕，我不敢說完全不怕，不過好在呢個係一個慢性病，由100至0係有一段時間的，總算會讓我適應。
當我只有幾歲時就發現有此眼疾，仲要係不治之症，都係一件幾嚇人的事。不過菲菲真係樂觀底，打從小時候已接受自己患病，一般人不會察覺，不過現在視力已大不如前，很多人都知道菲菲睇野唔清楚。噢！我要更正！唔係唔清楚，係唔夠多！點解我咁講？菲菲只有百零度遠視同少少散光，響 focus 呢一部份絕對比大部份人優勝，我可以不載眼鏡照常活動、閱讀、工作等等 (事實上菲菲只有太陽眼鏡，哈哈！)。不過我既視線範圍比一般人少，可能只有九份之一吧。打個比喻，將一般人的視力分成九宮格，菲菲只看到中間的一格，就係咁。
正因為菲菲視線範圍比一般人少，生活上我比別人提高警覺。記得有朋友問我會唔會唔見電話 / 銀包 / 鎖匙之類，怕不怕被人偷野之類？老實講，聽完真係覺得好好笑！正因為我看不多，我D貴重野用完會即時收好，唔會懶型咁一邊食飯一邊 show 電話，通常呢D人先至會唔見電話。Touchwood 我未試過唔見野，因為我心水好清，所有物品用完放左響邊我一定記得。之於偷野，更加無可能，正因為我時時刻刻都會將貴重物品收好，要偷都偷個容易D啦。
菲菲自信係一個觀察力好強的人，不過好多人都唔信，因為佢地視力比我好，以為我睇唔到就判斷唔到。唔好意思，觀察力強唔強，係用心而唔只係用眼。睇到但係分析唔到，即係唔識觀察，我單憑好小既動作、講說話的語氣、場面、人物等等，已經觀眾左好多野出黎。最初老公都唔相信，經過多次佢誤信別人，再由我提出疑點之後，佢先至心服口服，仲以為我有特異功能，哈哈！無計啦，我幾歲開始就面對呢個殘酷的社會，自小就知咩叫人情冷暖 (有部份長輩親戚會以整古我為樂，你話呢D係咩世界？)，如何去辨別一個人有咩動機，已經成為菲菲的「眼晴」，眼晴看到的往往不是事實，用心去體會才瞭解得深入。
眼前光明一片當然好，但是讓我再選擇一次，我都會選擇心中光明，看不到的永遠比看得到的多，細心回味，我的人生比很多人都豐盛！
當我只有幾歲時就發現有此眼疾，仲要係不治之症，都係一件幾嚇人的事。不過菲菲真係樂觀底，打從小時候已接受自己患病，一般人不會察覺，不過現在視力已大不如前，很多人都知道菲菲睇野唔清楚。噢！我要更正！唔係唔清楚，係唔夠多！點解我咁講？菲菲只有百零度遠視同少少散光，響 focus 呢一部份絕對比大部份人優勝，我可以不載眼鏡照常活動、閱讀、工作等等 (事實上菲菲只有太陽眼鏡，哈哈！)。不過我既視線範圍比一般人少，可能只有九份之一吧。打個比喻，將一般人的視力分成九宮格，菲菲只看到中間的一格，就係咁。
正因為菲菲視線範圍比一般人少，生活上我比別人提高警覺。記得有朋友問我會唔會唔見電話 / 銀包 / 鎖匙之類，怕不怕被人偷野之類？老實講，聽完真係覺得好好笑！正因為我看不多，我D貴重野用完會即時收好，唔會懶型咁一邊食飯一邊 show 電話，通常呢D人先至會唔見電話。Touchwood 我未試過唔見野，因為我心水好清，所有物品用完放左響邊我一定記得。之於偷野，更加無可能，正因為我時時刻刻都會將貴重物品收好，要偷都偷個容易D啦。
菲菲自信係一個觀察力好強的人，不過好多人都唔信，因為佢地視力比我好，以為我睇唔到就判斷唔到。唔好意思，觀察力強唔強，係用心而唔只係用眼。睇到但係分析唔到，即係唔識觀察，我單憑好小既動作、講說話的語氣、場面、人物等等，已經觀眾左好多野出黎。最初老公都唔相信，經過多次佢誤信別人，再由我提出疑點之後，佢先至心服口服，仲以為我有特異功能，哈哈！無計啦，我幾歲開始就面對呢個殘酷的社會，自小就知咩叫人情冷暖 (有部份長輩親戚會以整古我為樂，你話呢D係咩世界？)，如何去辨別一個人有咩動機，已經成為菲菲的「眼晴」，眼晴看到的往往不是事實，用心去體會才瞭解得深入。
眼前光明一片當然好，但是讓我再選擇一次，我都會選擇心中光明，看不到的永遠比看得到的多，細心回味，我的人生比很多人都豐盛！
垂死的體驗
休息了一天，今日終於有氣力打字…
愛說話的菲菲老是氣管有問題，我估係食幾多著幾多同講幾多都係整定的，講得太多條氣管就會自動收縮，唔比我講野。除左講唔到野之外，幾乎咩都做唔到，包括拎住個杯飲啖水，都覺得好費力，坐都坐唔到，只可以響張床度休息，都幾似一個垂死的病人。
記得2009年秋天，菲菲氣管收縮得好利害，於是入左院四日。當時去到急症室，分流後醫護人員即時比左張輪椅加氧氣我，已心知不妙，照完X光之後就即時入院。上到病房個心真係寒左一寒，整個病房內既病人清一色係冇活動能力的婆婆！整個病房瀰漫著暗暗沉沉既氣氛，除左醫護人員之外，冇一位病人會講野，包括我在內，因為我連講野都冇氣！
在留院期間，菲菲除左聞氧氣之外，就只有氣管擴張藥物同抗生素，病情冇咩好轉，亦好在冇咩惡化。在我留院的其中一晚，我比人聲嘈醒了。(人聲？唔係掛？班婆婆個個都講唔到野喎…)。菲菲睜眼看看，我張病床既布簾被人拉上了，睇唔到出面發生咩事。因為我都郁唔到，只可以靜靜聽下究竟發生咩事。原來，在我對面床的婆婆過身了，她的家人來看最後一面。
菲菲定一定神之後，就感覺到整個病房的氣壓好低，好像快要打風一樣。我又好奇地四圍望，睇下會唔會見到牛頭馬面或者其他有關既「人物」，點知又咩都見唔到。只係聽到家屬討論婆婆的身後事，佢地既聲線好平靜，我估婆婆都已經病左好一段時間，佢地都有哂心理準備，所以都唔係太哀傷。仲聽到佢地叮囑醫護人員將婆婆手上既玉鐲除返出黎。(當時菲菲心諗，如果我死左，我D仔女夠薑將我老公送比我隻玉鐲除出黎，我實同佢死過…)
經歷左四日垂死體驗之後，我就唔想再因為氣管問題而入院，呢種感覺實在太令人不安，唔係一個養病既好地方。所以在今年年初同現在，菲菲兩次氣管病發，都改為去睇中醫。菲菲有幸認識一位好夾我的醫師，每次去睇都好快藥到病除。不過菲菲自己知道，我個病係唔會根治，只希望不要惡化得太快就心滿意足了。
愛說話的菲菲老是氣管有問題，我估係食幾多著幾多同講幾多都係整定的，講得太多條氣管就會自動收縮，唔比我講野。除左講唔到野之外，幾乎咩都做唔到，包括拎住個杯飲啖水，都覺得好費力，坐都坐唔到，只可以響張床度休息，都幾似一個垂死的病人。
記得2009年秋天，菲菲氣管收縮得好利害，於是入左院四日。當時去到急症室，分流後醫護人員即時比左張輪椅加氧氣我，已心知不妙，照完X光之後就即時入院。上到病房個心真係寒左一寒，整個病房內既病人清一色係冇活動能力的婆婆！整個病房瀰漫著暗暗沉沉既氣氛，除左醫護人員之外，冇一位病人會講野，包括我在內，因為我連講野都冇氣！
在留院期間，菲菲除左聞氧氣之外，就只有氣管擴張藥物同抗生素，病情冇咩好轉，亦好在冇咩惡化。在我留院的其中一晚，我比人聲嘈醒了。(人聲？唔係掛？班婆婆個個都講唔到野喎…)。菲菲睜眼看看，我張病床既布簾被人拉上了，睇唔到出面發生咩事。因為我都郁唔到，只可以靜靜聽下究竟發生咩事。原來，在我對面床的婆婆過身了，她的家人來看最後一面。
菲菲定一定神之後，就感覺到整個病房的氣壓好低，好像快要打風一樣。我又好奇地四圍望，睇下會唔會見到牛頭馬面或者其他有關既「人物」，點知又咩都見唔到。只係聽到家屬討論婆婆的身後事，佢地既聲線好平靜，我估婆婆都已經病左好一段時間，佢地都有哂心理準備，所以都唔係太哀傷。仲聽到佢地叮囑醫護人員將婆婆手上既玉鐲除返出黎。(當時菲菲心諗，如果我死左，我D仔女夠薑將我老公送比我隻玉鐲除出黎，我實同佢死過…)
經歷左四日垂死體驗之後，我就唔想再因為氣管問題而入院，呢種感覺實在太令人不安，唔係一個養病既好地方。所以在今年年初同現在，菲菲兩次氣管病發，都改為去睇中醫。菲菲有幸認識一位好夾我的醫師，每次去睇都好快藥到病除。不過菲菲自己知道，我個病係唔會根治，只希望不要惡化得太快就心滿意足了。
2012年6月18日 星期一
菲菲爛 GAG - 高EQ
咩叫高EQ？
小朋友唔聽話時唔動怒，仲可以先讓佢地冷靜下來，再慢慢同佢地講道理。
老公發脾氣時唔需要唔開心，細心留意佢嬲緊D咩，再用佢既角度去同佢傾件事。
當我感冒加支氣管炎，病到連坐都冇力，都堅持幫小朋友跟哂D功課先至休息。
原來打字都好耗力氣…
小朋友唔聽話時唔動怒，仲可以先讓佢地冷靜下來，再慢慢同佢地講道理。
老公發脾氣時唔需要唔開心，細心留意佢嬲緊D咩，再用佢既角度去同佢傾件事。
當我感冒加支氣管炎，病到連坐都冇力，都堅持幫小朋友跟哂D功課先至休息。
原來打字都好耗力氣…
2012年6月16日 星期六
鬼話連篇
菲菲又再挑戰另一條底…線，就係講成長課程。點解菲菲話係一個挑戰呢？因為︰(1)上過或帶領過成長課程既人多得很，(2)菲菲只上過商業式既變種成長課程，我冇真正上過原汁原味既成長課程，但接觸很多上過及帶領過的人，(3)菲菲要講既好多人都唔啱聽…
菲菲響2005年上過一個以商業為主題既體驗式課程，目的幫助生意發展，同時培養營商既種種 soft skills (例如︰毅力、發揮卓越、帶領團隊、溝通能力、營商智慧等等不能盡錄)。我地一樣有 workshop，一樣有上山下水 (我真係徒手爬過懸崖同瀑布)，一樣有大型慈善活動，一樣有褒獎同畢業。形式同成長課程差唔多，但係主旨不同。
菲菲上呢個課程，講得最多既係︰卓越、可行性、目標、集中 (focus) 之類既字眼。課程中的三個月雖然辛 (每日訓最多4粒鐘)，但不苦。完成課程之後真係對生意同工作有好大得益，菲菲既朋友都覺得我進步左，同埋時不時都會繼續上短期課程去增值自己，學習已成為菲菲既習慣。普遍黎講，無論上過或旁觀既人都對呢個課程持正面態度。因為我地呢班畢業既同學就係最好既證明。
菲菲早在1996接觸成長課程，玩過N咁多次 guest event，身邊亦有不少人讀過 (我老公都係九十年代讀成長課程)，但係始終吸引唔到菲菲去試。點解呢？其實九十年代既成長課程都真係幾好，當時導師同 senior 既質素都唔錯，畢左業既學員都擁有積極正面既態度。不過千禧過後就每況愈下，好多 senior 係冇正職，係全職義務去「服務」。講好聽D係付出，難聽D係只可以做「課室英雄」，出左課室就冇左人生意義，即係活在虛幻之中。
本來九十年代菲菲真係有考慮過上成長課程，當時菲菲的好友邀請我去睇佢畢業 (即係我既 guest event 啦)，佢話在課程內認識左一位男士，仲開始拍拖添，叫我黎睇下喎。菲菲當年青春少艾，追求者眾，對於呢D賣點不感興趣，不過當係去支持下佢啦。點知佢一畢業出黎果刻，好興奮咁同我講佢接受左個男士既求婚！唔係呀？識左唔夠三個月就結婚？大家瞭解清楚未呀？友人好堅持，話課程中令彼此瞭解好深，所以認定對方係終生伴侶。既然係咁，我除左「恭喜」之外，就係開始忙於為呢位好姊妹籌備婚禮兼做埋伴娘啦。
結婚之後唔夠三個月，男女雙方都從課程既熱情中冷卻下來，走回自己人生原來既路。明顯地，大家係黎自兩個世界既人，有不同既思想同價值觀，照常黎講唔好話結婚，連拍拖撻唔著。過左三個月既「婚姻」生活之後，佢地決定離婚。呢件事令菲菲對成長課程產生左戒心，點解上完一個課程會令人迷失過以前？仲要比幾皮野入去比 senior 插，點計都唔化算喎。所以當時菲菲暫時擱置左呢個諗法。
之後不斷有好多朋友都上成長課程，不斷有人邀請我去睇畢業。睇得越多，就越唔想接觸。個個朋友都係咁既模式，上果陣好興奮，廢寢忘餐都要支持 buddy，有D甚至有工都唔返走去做慈善活動，有好多人無啦啦拍拖結婚之後離婚，又有人辭左份好 pay 但冇乜「意義」既工去做冇 pay 但好有「意義」既 senior，一心諗住幫人點知自己連開飯都成問題。咁既情況，你叫我點敢上呀？
And then，上完課程就滿口鬼話，開口埋口就︰Draw，受害，唔夠付出，不負責任之類，聽得多個人都唔慌正面得去邊。識得少少 NLP 既人都知，呢D字眼少講為妙，少諗為上。越講得多諗得多，個人就會有所偏向，在菲菲既角度，同慢性自毀冇咩分別。
成長課程事實上係有好既一面，對於未成長既人黎講係一個好好既體驗。只要 senior 係真心付出為學員好而唔係想做「課室英雄」的話，呢幾皮野係值回票價的。
菲菲響2005年上過一個以商業為主題既體驗式課程，目的幫助生意發展，同時培養營商既種種 soft skills (例如︰毅力、發揮卓越、帶領團隊、溝通能力、營商智慧等等不能盡錄)。我地一樣有 workshop，一樣有上山下水 (我真係徒手爬過懸崖同瀑布)，一樣有大型慈善活動，一樣有褒獎同畢業。形式同成長課程差唔多，但係主旨不同。
菲菲上呢個課程，講得最多既係︰卓越、可行性、目標、集中 (focus) 之類既字眼。課程中的三個月雖然辛 (每日訓最多4粒鐘)，但不苦。完成課程之後真係對生意同工作有好大得益，菲菲既朋友都覺得我進步左，同埋時不時都會繼續上短期課程去增值自己，學習已成為菲菲既習慣。普遍黎講，無論上過或旁觀既人都對呢個課程持正面態度。因為我地呢班畢業既同學就係最好既證明。
菲菲早在1996接觸成長課程，玩過N咁多次 guest event，身邊亦有不少人讀過 (我老公都係九十年代讀成長課程)，但係始終吸引唔到菲菲去試。點解呢？其實九十年代既成長課程都真係幾好，當時導師同 senior 既質素都唔錯，畢左業既學員都擁有積極正面既態度。不過千禧過後就每況愈下，好多 senior 係冇正職，係全職義務去「服務」。講好聽D係付出，難聽D係只可以做「課室英雄」，出左課室就冇左人生意義，即係活在虛幻之中。
本來九十年代菲菲真係有考慮過上成長課程，當時菲菲的好友邀請我去睇佢畢業 (即係我既 guest event 啦)，佢話在課程內認識左一位男士，仲開始拍拖添，叫我黎睇下喎。菲菲當年青春少艾，追求者眾，對於呢D賣點不感興趣，不過當係去支持下佢啦。點知佢一畢業出黎果刻，好興奮咁同我講佢接受左個男士既求婚！唔係呀？識左唔夠三個月就結婚？大家瞭解清楚未呀？友人好堅持，話課程中令彼此瞭解好深，所以認定對方係終生伴侶。既然係咁，我除左「恭喜」之外，就係開始忙於為呢位好姊妹籌備婚禮兼做埋伴娘啦。
結婚之後唔夠三個月，男女雙方都從課程既熱情中冷卻下來，走回自己人生原來既路。明顯地，大家係黎自兩個世界既人，有不同既思想同價值觀，照常黎講唔好話結婚，連拍拖撻唔著。過左三個月既「婚姻」生活之後，佢地決定離婚。呢件事令菲菲對成長課程產生左戒心，點解上完一個課程會令人迷失過以前？仲要比幾皮野入去比 senior 插，點計都唔化算喎。所以當時菲菲暫時擱置左呢個諗法。
之後不斷有好多朋友都上成長課程，不斷有人邀請我去睇畢業。睇得越多，就越唔想接觸。個個朋友都係咁既模式，上果陣好興奮，廢寢忘餐都要支持 buddy，有D甚至有工都唔返走去做慈善活動，有好多人無啦啦拍拖結婚之後離婚，又有人辭左份好 pay 但冇乜「意義」既工去做冇 pay 但好有「意義」既 senior，一心諗住幫人點知自己連開飯都成問題。咁既情況，你叫我點敢上呀？
And then，上完課程就滿口鬼話，開口埋口就︰Draw，受害，唔夠付出，不負責任之類，聽得多個人都唔慌正面得去邊。識得少少 NLP 既人都知，呢D字眼少講為妙，少諗為上。越講得多諗得多，個人就會有所偏向，在菲菲既角度，同慢性自毀冇咩分別。
成長課程事實上係有好既一面，對於未成長既人黎講係一個好好既體驗。只要 senior 係真心付出為學員好而唔係想做「課室英雄」的話，呢幾皮野係值回票價的。
2012年6月15日 星期五
幾位港女的故事
同大家分享幾則真人真事︰
(1)
M小姐係我老公既所謂朋友，大家相識但係大家都唔鐘意見到對方。但係大家都有位共同朋友P小姐，所以響P小姐結婚當日，點都會踫面，仲比P小姐安排我地同坐一檯。我老公同M小姐唔係冇計傾果種，係一見面就自不然會開火果種。按我觀察，M小姐為人好有霸氣，常自以為是，別人永遠是錯的。M小姐有結過婚，但係離左婚未就唔知，因為佢老公係突然無聲無息咁執哂D野走，之後再冇出現過。
最近從P小姐口中得知，M小姐早排因醉駕被捕，等緊上庭。M小姐撞到的士，的士司機受左輕傷，M小姐架 BMW 幾乎 TO 左，我估車速都唔慢，好在的士司機只係輕傷，不過人地開唔到工就好頭痕。P小姐好擔心M小姐，怕佢會入獄。菲菲同老公反而希望佢入獄，唔係我地黑心想佢受，係M小姐本人已經去到失控既地步，唔入去坐下，仲會以為自己冇問題，之後佢仲會攪D咩大頭佛出黎真係冇人知。
(2)
C小姐係M小姐個妹，佢老公同M小姐個老公一樣，都係粒聲唔出人間蒸發左。C小姐就用另一種態度繼續生活，就係不斷搵男友。但係佢搵既男友清一色係有婦之夫，同埋喜歡以量取勝。早幾年朋友A先生個仔滿月，我同老公到賀。酒過三巡，C小姐已經飲到貓貓地，走黎我地張檯，然後一屁股坐落我老公大脾上！成張檯既人即時呆左，我當然係嬲到頭頂出煙啦！老公即時彈起身，借尿遁走為上著。
C小姐好似冇事發生咁，竟然走去攪住A先生！呢個情景我相信A先生會畢生難忘！響自己個仔滿月宴，親朋戚友聚首一堂既環境，竟然有個女人公然走黎攪住自己，我唔知佢點同外父外母解話勒。
之後，我老公同A先生都唔敢再聯絡C小姐。
(3)
兩年前我懷住細女果陣老公認識左N小姐，N小姐係佢學生兼且成日有「生意」同我老公傾。但係不尋常既事發生了… 每晚兩、三點左右N小姐就會打電話比我老公「問功課」同「傾生意」。菲菲觀察左一星期之後，發現有問題，就同老公傾。當時老公仲話我敏感，唔相信人之類既說話，真係激到啤啤聲！老公為表清白，仲專登安排左我地食下午茶見面，比我知道佢地係冇野。我當然知我老公冇野啦，但係N小姐有野丫嘛！(點解我老公咁蠢…唉！)一出到黎N小姐完全唔敢望我一眼，菲菲就知係咩事啦。
從老公口中得知，N小姐有一位「男朋友」，但係果位男朋友係另外有位女朋友，得閒會約N小姐出黎打下友誼波 (咁都算係男朋友？)。之後又搭上了一個有婦之夫，仲比我老公無意中響街度撞到佢地手拖手，竟然叫我老公一齊食飯… (天呀！個男的係我老公朋友呀！)
老公生日當晚，我地約左幾位要好的朋友晚飯。當晚N小姐不斷打電話找我老公，話有事要找他。之後老公叫佢黎餐廳搵佢，N小姐一到就滿懷心事咁既樣，仲用我老公支叉去食蛋糕！又係成張檯都為之嘩然！(唉！菲菲又一次響朋友面前丟面了，我忍！)。最後，終於有朋友忍唔住窒N小姐，佢先至悻悻然離去，朋友估計如果當時我不在場，果位N小姐可能捉住我老公有下文都唔定。到左呢一刻，我老公先至醒覺N小姐有問題，之後開始疏遠佢。
仲有好多圍繞繞我老公身邊既女士，不能盡錄。
菲菲都唔知而家D女士點解會係咁，一個女權至上，霸氣十足，一個水性楊花 (唔好意思，真係諗唔到一個更好既形容詞)，一個只愛別人老公… 而家變左做咩世界？
(1)
M小姐係我老公既所謂朋友，大家相識但係大家都唔鐘意見到對方。但係大家都有位共同朋友P小姐，所以響P小姐結婚當日，點都會踫面，仲比P小姐安排我地同坐一檯。我老公同M小姐唔係冇計傾果種，係一見面就自不然會開火果種。按我觀察，M小姐為人好有霸氣，常自以為是，別人永遠是錯的。M小姐有結過婚，但係離左婚未就唔知，因為佢老公係突然無聲無息咁執哂D野走，之後再冇出現過。
最近從P小姐口中得知，M小姐早排因醉駕被捕，等緊上庭。M小姐撞到的士，的士司機受左輕傷，M小姐架 BMW 幾乎 TO 左，我估車速都唔慢，好在的士司機只係輕傷，不過人地開唔到工就好頭痕。P小姐好擔心M小姐，怕佢會入獄。菲菲同老公反而希望佢入獄，唔係我地黑心想佢受，係M小姐本人已經去到失控既地步，唔入去坐下，仲會以為自己冇問題，之後佢仲會攪D咩大頭佛出黎真係冇人知。
(2)
C小姐係M小姐個妹，佢老公同M小姐個老公一樣，都係粒聲唔出人間蒸發左。C小姐就用另一種態度繼續生活，就係不斷搵男友。但係佢搵既男友清一色係有婦之夫，同埋喜歡以量取勝。早幾年朋友A先生個仔滿月，我同老公到賀。酒過三巡，C小姐已經飲到貓貓地，走黎我地張檯，然後一屁股坐落我老公大脾上！成張檯既人即時呆左，我當然係嬲到頭頂出煙啦！老公即時彈起身，借尿遁走為上著。
C小姐好似冇事發生咁，竟然走去攪住A先生！呢個情景我相信A先生會畢生難忘！響自己個仔滿月宴，親朋戚友聚首一堂既環境，竟然有個女人公然走黎攪住自己，我唔知佢點同外父外母解話勒。
之後，我老公同A先生都唔敢再聯絡C小姐。
(3)
兩年前我懷住細女果陣老公認識左N小姐，N小姐係佢學生兼且成日有「生意」同我老公傾。但係不尋常既事發生了… 每晚兩、三點左右N小姐就會打電話比我老公「問功課」同「傾生意」。菲菲觀察左一星期之後，發現有問題，就同老公傾。當時老公仲話我敏感，唔相信人之類既說話，真係激到啤啤聲！老公為表清白，仲專登安排左我地食下午茶見面，比我知道佢地係冇野。我當然知我老公冇野啦，但係N小姐有野丫嘛！(點解我老公咁蠢…唉！)一出到黎N小姐完全唔敢望我一眼，菲菲就知係咩事啦。
從老公口中得知，N小姐有一位「男朋友」，但係果位男朋友係另外有位女朋友，得閒會約N小姐出黎打下友誼波 (咁都算係男朋友？)。之後又搭上了一個有婦之夫，仲比我老公無意中響街度撞到佢地手拖手，竟然叫我老公一齊食飯… (天呀！個男的係我老公朋友呀！)
老公生日當晚，我地約左幾位要好的朋友晚飯。當晚N小姐不斷打電話找我老公，話有事要找他。之後老公叫佢黎餐廳搵佢，N小姐一到就滿懷心事咁既樣，仲用我老公支叉去食蛋糕！又係成張檯都為之嘩然！(唉！菲菲又一次響朋友面前丟面了，我忍！)。最後，終於有朋友忍唔住窒N小姐，佢先至悻悻然離去，朋友估計如果當時我不在場，果位N小姐可能捉住我老公有下文都唔定。到左呢一刻，我老公先至醒覺N小姐有問題，之後開始疏遠佢。
仲有好多圍繞繞我老公身邊既女士，不能盡錄。
菲菲都唔知而家D女士點解會係咁，一個女權至上，霸氣十足，一個水性楊花 (唔好意思，真係諗唔到一個更好既形容詞)，一個只愛別人老公… 而家變左做咩世界？
同性三分親
雖然呢則係娛樂新聞，但係涉及既範疇真係唔細。宗教同埋同性戀都唔係一個可以開玩笑的話題，希望呢篇文章唔會令呢度收視率不尋常地上升啦。
先唔講宗教，菲菲唔係基督徒，冇資格去評論我不熟悉既宗教。就講同性戀…
呢十幾二十年來，菲菲都認識不少同性戀者，當中有男有女，唔知點解大部份都好 charming，佢地一出現就會深深吸引住菲菲。佢地會悉心打扮，一行出黎彷彿就係一顆明星，好有自信，社交得體，言詞有禮，其實我對同性戀者既印象真係唔錯！佢地都係追求真愛，不過對象係同性，所以一般人對佢地都存有奇異的目光。最近認識的一位女同志，唔單止承認自己既性取向，仲成日帶女友出黎見朋友，菲菲認為係一個好正面既做法。
性取向呢回事，講到尾都係好個人，如果佢真係對異性冇興趣，只喜歡同性，呢D都係佢自己既事，犯不著比異性戀者排斥。除左基督教，其實都有好多宗教反對同性戀，認為係違反天然定律。世上既事，有例就會有例外，有咩咁出奇？同性戀係你情我願之下產生的，反而異性戀仲多一廂情願既事，繼而導致不愉快既結果，究竟邊樣可怕D？其實又點會有定論？
先唔講宗教，菲菲唔係基督徒，冇資格去評論我不熟悉既宗教。就講同性戀…
呢十幾二十年來，菲菲都認識不少同性戀者，當中有男有女，唔知點解大部份都好 charming，佢地一出現就會深深吸引住菲菲。佢地會悉心打扮，一行出黎彷彿就係一顆明星，好有自信，社交得體，言詞有禮，其實我對同性戀者既印象真係唔錯！佢地都係追求真愛，不過對象係同性，所以一般人對佢地都存有奇異的目光。最近認識的一位女同志，唔單止承認自己既性取向，仲成日帶女友出黎見朋友，菲菲認為係一個好正面既做法。
性取向呢回事，講到尾都係好個人，如果佢真係對異性冇興趣，只喜歡同性，呢D都係佢自己既事，犯不著比異性戀者排斥。除左基督教，其實都有好多宗教反對同性戀，認為係違反天然定律。世上既事，有例就會有例外，有咩咁出奇？同性戀係你情我願之下產生的，反而異性戀仲多一廂情願既事，繼而導致不愉快既結果，究竟邊樣可怕D？其實又點會有定論？
2012年6月14日 星期四
情感的禁區
最近菲菲上戲劇班，真係獲益良多。菲菲上既係最基本既戲劇班，學既都係好皮毛既入門知識，不過令菲菲對自己有所反思。
課堂上少不免都要出黎演下戲，導師比菲菲既意見係︰肢體動作不多、表情不多同埋聲線好平穩。簡單D講，即係入唔到戲啦。菲菲既反思又係D咩呢？
以往菲菲初出茅廬學做SALES時，每日都有特訓，就係點同客戶 present。當時我所學既係要保持平穩，面上除左親切既微笑之外唔好有其他表情，講說話時要清楚表達自己，同時要留心客戶既變化，掌握客戶邊個位可以 try closing，同埋最緊要用高EQ去處變不驚。為左達到訓練目的，我地係要錄音同錄影，再比我地自己睇返，先至知有咩可以改善。到最後，菲菲好成功咁做左個表現好得體既 top sales，之後都係用呢一套方法去訓練我既 Sales Team。
到而家，菲菲雖然已金盆洗手，但係習慣左抽離情緒既溝通方式，所以學做戲真係一個大挑戰。最初學黎諗住玩下，不過學學下又真係學到野，同埋響日常生活可以用得返。朋友們眼中既菲菲永遠都好淡定，咩事都唔會驚 (其實我都會淆底，不過一般人唔會發現)，最大鑊係大家都捉摸唔到我呢個人，佢地真係要講一句︰估你唔到！久而久之，朋友們都好少搵我，因為我彷彿只係一個掛住笑臉既木頭人，好似冇真正喜怒哀樂既人，讓人感覺好疏離。
學演戲令我學識面對人既情緒，包括自己既情緒。我從來唔會比朋友知自己真正係開心定係唔開心，原來咁係會令朋友卻步。既然已經離開職場，就要將職場既面具放下，讓真正既菲菲可以走出來，就算心情壞透都不要掩飾，做返個有血有肉有感情既人！
課堂上少不免都要出黎演下戲，導師比菲菲既意見係︰肢體動作不多、表情不多同埋聲線好平穩。簡單D講，即係入唔到戲啦。菲菲既反思又係D咩呢？
以往菲菲初出茅廬學做SALES時，每日都有特訓，就係點同客戶 present。當時我所學既係要保持平穩，面上除左親切既微笑之外唔好有其他表情，講說話時要清楚表達自己，同時要留心客戶既變化，掌握客戶邊個位可以 try closing，同埋最緊要用高EQ去處變不驚。為左達到訓練目的，我地係要錄音同錄影，再比我地自己睇返，先至知有咩可以改善。到最後，菲菲好成功咁做左個表現好得體既 top sales，之後都係用呢一套方法去訓練我既 Sales Team。
到而家，菲菲雖然已金盆洗手，但係習慣左抽離情緒既溝通方式，所以學做戲真係一個大挑戰。最初學黎諗住玩下，不過學學下又真係學到野，同埋響日常生活可以用得返。朋友們眼中既菲菲永遠都好淡定，咩事都唔會驚 (其實我都會淆底，不過一般人唔會發現)，最大鑊係大家都捉摸唔到我呢個人，佢地真係要講一句︰估你唔到！久而久之，朋友們都好少搵我，因為我彷彿只係一個掛住笑臉既木頭人，好似冇真正喜怒哀樂既人，讓人感覺好疏離。
學演戲令我學識面對人既情緒，包括自己既情緒。我從來唔會比朋友知自己真正係開心定係唔開心，原來咁係會令朋友卻步。既然已經離開職場，就要將職場既面具放下，讓真正既菲菲可以走出來，就算心情壞透都不要掩飾，做返個有血有肉有感情既人！
2012年6月13日 星期三
警告信
打工仔個個都唔會想收到警告信，同敲起喪鐘冇咩分別。
菲菲既朋友，有好多都會請家傭。家傭一般都係來自印尼或者菲律賓，佢地響家鄉既生活環境同節奏同香港好唔同。唔知點解，好多朋友都喜歡請新來港工作既外傭，因為覺得佢地純品D，唔會咁容易同僱主攪作對。不過經菲菲幾年來既觀察，似乎打錯左個如意算盤。
菲菲偏好已在港工作一段時間既外傭，因為佢地熟悉香港既生活環境，亦都適應左香港急速既生活節奏，唔需要太多時間去磨合。請新來港外傭既朋友，成日抱怨外傭蠢、慢手慢腳、咩都唔識、粗心大意等等，其實請得個未黎過香港打工既人，係唔係需要比返D時間佢去適應呢？唔係一落機就好似女超人咁乜都攪得掂掛？仲有好多初黎步到，佢又唔敢比傭主知佢咩都唔識，唯有膽粗粗做左至算，加上言語不通，好多時爭拗就由此而起。
友人的外傭昨日遺失了八達通，加上之前打爛左好多野，友人決定比封警告信佢，希望佢以後醒醒定定。其實將心比己，自己響工作上成日做錯事比傭主鬧，心中除左唔開心外，必定有一定程度既壓力。作為傭主見自己再犯錯時終於忍唔住出左封警告信，你估會產生咩效果？請記住，好多外傭知識水平有限，處理壓力能力有限，呢封警告信好可能會適得其反。
菲菲每次帶外傭出去，朋友都好羨慕我D工人好幫得手。背後我花左幾多心機同佢地溝通同建立感情佢地又知幾多？我既2個工人，都話我係好老細，唔會郁D就鬧，會當佢地係一家人。我又會教佢地解決問題既方法，做錯事唔會即時鬧，會等佢地驚完之後教佢地下次點做好D。每次都係好小好小既事，不過日積月累，我地慢慢建立左良好關係，佢地都唔想出去再搵工，怕遇到衰僱主。
有位導師講過︰「沒有九流員工，只有九流老細」。呢D道理不但可應用左職場上，亦都可應用在外傭上。各位有請外傭既朋友，共勉之。
菲菲既朋友，有好多都會請家傭。家傭一般都係來自印尼或者菲律賓，佢地響家鄉既生活環境同節奏同香港好唔同。唔知點解，好多朋友都喜歡請新來港工作既外傭，因為覺得佢地純品D，唔會咁容易同僱主攪作對。不過經菲菲幾年來既觀察，似乎打錯左個如意算盤。
菲菲偏好已在港工作一段時間既外傭，因為佢地熟悉香港既生活環境，亦都適應左香港急速既生活節奏，唔需要太多時間去磨合。請新來港外傭既朋友，成日抱怨外傭蠢、慢手慢腳、咩都唔識、粗心大意等等，其實請得個未黎過香港打工既人，係唔係需要比返D時間佢去適應呢？唔係一落機就好似女超人咁乜都攪得掂掛？仲有好多初黎步到，佢又唔敢比傭主知佢咩都唔識，唯有膽粗粗做左至算，加上言語不通，好多時爭拗就由此而起。
友人的外傭昨日遺失了八達通，加上之前打爛左好多野，友人決定比封警告信佢，希望佢以後醒醒定定。其實將心比己，自己響工作上成日做錯事比傭主鬧，心中除左唔開心外，必定有一定程度既壓力。作為傭主見自己再犯錯時終於忍唔住出左封警告信，你估會產生咩效果？請記住，好多外傭知識水平有限，處理壓力能力有限，呢封警告信好可能會適得其反。
菲菲每次帶外傭出去，朋友都好羨慕我D工人好幫得手。背後我花左幾多心機同佢地溝通同建立感情佢地又知幾多？我既2個工人，都話我係好老細，唔會郁D就鬧，會當佢地係一家人。我又會教佢地解決問題既方法，做錯事唔會即時鬧，會等佢地驚完之後教佢地下次點做好D。每次都係好小好小既事，不過日積月累，我地慢慢建立左良好關係，佢地都唔想出去再搵工，怕遇到衰僱主。
有位導師講過︰「沒有九流員工，只有九流老細」。呢D道理不但可應用左職場上，亦都可應用在外傭上。各位有請外傭既朋友，共勉之。
2012年6月12日 星期二
不談政治
由幾年前既菲常任務，到久休復出既菲上枝頭，菲菲都決不談政治。原因好簡單，我唔識… 所以冇得講。哈哈！
今日見到呢則評論，令我想起上個月有朋友叫我同老公去睇 Talk Show，之前我都冇問清楚係咩SHOW就應承左，原來係香港人網攪既「媽媽聲愛你」… (菲菲心中真係媽媽聲，即走又好唔比面朋友，唯有頂硬上捱到完場)。雖然菲菲不懂政治，都知道某D人既激進手法係唔 WORK。在場內，好多都係年青人，佢地一聽到台上既人用粗口問侯政界人物時就發出歡呼聲，污染左我一晚。
鬧人有邊個唔識？比你做你又識點做咩？話人地唔得既同時，你又有幾得？
就係呢則︰
http://hk.apple.nextmedia.com/financeestate/art/20120612/16418220?ref=fb
今日見到呢則評論，令我想起上個月有朋友叫我同老公去睇 Talk Show，之前我都冇問清楚係咩SHOW就應承左，原來係香港人網攪既「媽媽聲愛你」… (菲菲心中真係媽媽聲，即走又好唔比面朋友，唯有頂硬上捱到完場)。雖然菲菲不懂政治，都知道某D人既激進手法係唔 WORK。在場內，好多都係年青人，佢地一聽到台上既人用粗口問侯政界人物時就發出歡呼聲，污染左我一晚。
鬧人有邊個唔識？比你做你又識點做咩？話人地唔得既同時，你又有幾得？
就係呢則︰
http://hk.apple.nextmedia.com/financeestate/art/20120612/16418220?ref=fb
太陽底下無新事
昨日提及在FB有好多唔同群組都鐘意不斷ADD人入去，其中一類既群組好鐘意吸納媽媽入會，然後「發現」有好多平靚正既野可以「團購」。聰明的你一睇就知係咩事啦，菲菲都係睇下就算，之後索性退埋群組冇眼睇。
今日一開FB，就見到有一位媽媽「踢爆」另一位媽媽騙財，惹起一大班媽媽聲討。好俠義的媽媽呀！即時將所有收視率收歸旗下。呢D係咩招數，都唔需要菲菲多講啦，心照！
呢D事真係周而復始，菲菲好細個已經知道「來說是非者，便是是非人」的道理。之前仲攬頭攬頸以好姊妹相稱，一到利益關頭又係反轉豬肚。呢D劇情晚晚響電視劇都見到，點解D晚晚追劇既媽媽們都會毫不察覺呢？真係人生如戲咩？係天真同傻！真正既友誼係D咩？斷估唔係建築在買賣關係掛？好多「受騙」既媽媽都係比較年青，彷彿入世未深，又好似冇咩社會經驗，critical thinking 只係對人唔對事，睇黎響佢地既人生中仲要交好多學費。
開個FB群組做下網上生意，本來就冇咩問題。問題就係賣方扮好人幫手組團買平野，買方又唔諗清楚就隨便埋堆。基本上，一個願打一個願捱係相安無事的。不過有人眼紅別人咁都搵到食，就唱人地騙財，呢D又係咩技倆？
菲菲只係冷眼旁觀，不宜加入戰團。響是非之地，不宜久留。
今日一開FB，就見到有一位媽媽「踢爆」另一位媽媽騙財，惹起一大班媽媽聲討。好俠義的媽媽呀！即時將所有收視率收歸旗下。呢D係咩招數，都唔需要菲菲多講啦，心照！
呢D事真係周而復始，菲菲好細個已經知道「來說是非者，便是是非人」的道理。之前仲攬頭攬頸以好姊妹相稱，一到利益關頭又係反轉豬肚。呢D劇情晚晚響電視劇都見到，點解D晚晚追劇既媽媽們都會毫不察覺呢？真係人生如戲咩？係天真同傻！真正既友誼係D咩？斷估唔係建築在買賣關係掛？好多「受騙」既媽媽都係比較年青，彷彿入世未深，又好似冇咩社會經驗，critical thinking 只係對人唔對事，睇黎響佢地既人生中仲要交好多學費。
開個FB群組做下網上生意，本來就冇咩問題。問題就係賣方扮好人幫手組團買平野，買方又唔諗清楚就隨便埋堆。基本上，一個願打一個願捱係相安無事的。不過有人眼紅別人咁都搵到食，就唱人地騙財，呢D又係咩技倆？
菲菲只係冷眼旁觀，不宜加入戰團。響是非之地，不宜久留。
2012年6月11日 星期一
傾下計，都要諗下計
菲菲遲結婚遲生仔，有朋友大我幾年，對孖仔都已經二十歲，我個大仔仲讀緊K1，有排都未甩身。一直都好羨慕早結婚早生仔既朋友，因為正常黎講我應該係捱多幾年就可以甩身。原來，事實並非如此。
世事就係咁得意，往往都係「你睇我好，我睇你好」。我朋友反而後悔太早生仔，當時年少氣盛唔識教仔，亦都唔想教仔。一心諗住兩公婆打份工，湊仔交比工人做，教仔就交比學校做。咁耐以黎佢都好少有真正既親子活動，到近幾年大孖犯事入獄，細孖仲係吊兒郎當，中五又畢唔到業 (而家想讀返都讀唔到，轉左三三四)，工作又做唔長，母子之間又溝通唔到，佢先至慨嘆當年冇好好管教對孖仔，先至攪到而家難以改變既情況。
佢好鐘意同我D仔女玩，因為覺得佢地好乖 (我唔係自己讚自己呀，真係好多人都讚佢地乖~ 呵呵！)。所以佢覺得當年應該好似我咁放棄工作，將全部時間比哂屋企，起碼自己有努力過，唔駛而家咁後悔。安慰既說話菲菲真係唔識講，不過二十歲都仲有得救既，不過唔係自己教，係比人教。亞媽講左廿年都聽唔入耳既說話，唔會突然之間會聽得入耳。同時我都有留意佢地既溝通方式，大家都唔會聽完對方講野就要表達自己既意見，咁既方式我相信唔會好有效。只會加深大家既磨擦，對互相瞭解係冇幫助。
做全職媽媽都唔一定教得出好仔女，真係好考媽媽既耐性、愛心同埋本質。菲菲曾經以為學左咁多野，唔做野走去湊仔好浪費，幾年過後，我先至發現教育一個小朋友，媽媽既素質真係好重要。雖然我係兜個大圈讚自己，不過事實上，要真正瞭解自己既仔女，要佢地肯將我地當為朋友，溝通技巧、基本既心理學同NLP都唔少得。仲要識D性格學，知道小朋友係咩性格，響溝通上先至可以得心應手，免行冤枉路。
在真正得到小朋友既信任之後，先至有機會同佢地講道理。人係一種好奇怪既動物，只要佢 LIKE 你，你講乜都係入耳D，如果佢唔 LIKE 你，望下佢都有罪。所以建立信任既關係係比教乜教物更重要。同埋做媽媽警覺性要高，每當小朋友唔想再溝通落去既時候，一定要識停。再講落去只會令佢地討厭。要將話題拉返遠同拉得夠軟，等佢地唔再刻意防範時找出佢地唔願意溝通落去既原因，解決左個原因先，先至可以繼續入正題。呢D野，講就真係好容易，邊個唔識講，不過做起上黎係要有高EQ先至得。好在菲菲響職場訓練多年，EQ都有返咁上下，到現時為止都仲應付到。希望之後既日子唔好太難HANDLE啦。哈~
世事就係咁得意，往往都係「你睇我好，我睇你好」。我朋友反而後悔太早生仔，當時年少氣盛唔識教仔，亦都唔想教仔。一心諗住兩公婆打份工，湊仔交比工人做，教仔就交比學校做。咁耐以黎佢都好少有真正既親子活動，到近幾年大孖犯事入獄，細孖仲係吊兒郎當，中五又畢唔到業 (而家想讀返都讀唔到，轉左三三四)，工作又做唔長，母子之間又溝通唔到，佢先至慨嘆當年冇好好管教對孖仔，先至攪到而家難以改變既情況。
佢好鐘意同我D仔女玩，因為覺得佢地好乖 (我唔係自己讚自己呀，真係好多人都讚佢地乖~ 呵呵！)。所以佢覺得當年應該好似我咁放棄工作，將全部時間比哂屋企，起碼自己有努力過，唔駛而家咁後悔。安慰既說話菲菲真係唔識講，不過二十歲都仲有得救既，不過唔係自己教，係比人教。亞媽講左廿年都聽唔入耳既說話，唔會突然之間會聽得入耳。同時我都有留意佢地既溝通方式，大家都唔會聽完對方講野就要表達自己既意見，咁既方式我相信唔會好有效。只會加深大家既磨擦，對互相瞭解係冇幫助。
做全職媽媽都唔一定教得出好仔女，真係好考媽媽既耐性、愛心同埋本質。菲菲曾經以為學左咁多野，唔做野走去湊仔好浪費，幾年過後，我先至發現教育一個小朋友，媽媽既素質真係好重要。雖然我係兜個大圈讚自己，不過事實上，要真正瞭解自己既仔女，要佢地肯將我地當為朋友，溝通技巧、基本既心理學同NLP都唔少得。仲要識D性格學，知道小朋友係咩性格，響溝通上先至可以得心應手，免行冤枉路。
在真正得到小朋友既信任之後，先至有機會同佢地講道理。人係一種好奇怪既動物，只要佢 LIKE 你，你講乜都係入耳D，如果佢唔 LIKE 你，望下佢都有罪。所以建立信任既關係係比教乜教物更重要。同埋做媽媽警覺性要高，每當小朋友唔想再溝通落去既時候，一定要識停。再講落去只會令佢地討厭。要將話題拉返遠同拉得夠軟，等佢地唔再刻意防範時找出佢地唔願意溝通落去既原因，解決左個原因先，先至可以繼續入正題。呢D野，講就真係好容易，邊個唔識講，不過做起上黎係要有高EQ先至得。好在菲菲響職場訓練多年，EQ都有返咁上下，到現時為止都仲應付到。希望之後既日子唔好太難HANDLE啦。哈~
2012年6月10日 星期日
富二代
菲菲認識幾位香港富二代，他們的父母雖然唔係國際級既富豪，但係身家都係用「億」黎做計算單位，都可以叫唔駛憂啦。
以前好想自己屋企有錢，就唔駛捱得咁辛苦，咩都要自己攪掂。當認識左幾位富二代之後，真心慶幸自己出身一般，先至有機會學到好多野。唔知睇 BLOG 既你係唔係富二代，係既話先講返句唔好意思先，因為…
菲菲所認識既富二代，唔知點解都係冇乜腦筋，思考能力欠奉，工作能力唔好講啦，人際關係更加唔好提，衰D講句，真係生舊叉燒好過。佢地遊戲人間，老豆盤生意做緊乜又唔知，老豆叫佢出去打工學下野又唔願，成日睇唔起人，覺得自己老豆叻過其他人多多聲，所以唔需要向別人學習。
好勒，唔講工作能力，富二代既強項就係玩，但係玩唔係指上山下水既活動，亦唔係周遊列國果種，係鐘意玩人！佢地硬係要搵D比佢地弱勢既人去欺凌先至開心，真正將自己既快樂建築響別人既痛苦身上，呢D行為真係好令人難以接受。好在，菲菲唔係弱勢社群，佢地玩都玩唔到黎我呢度，不過見佢地咁樣「高人一等」，不其然會產生對佢地鄙視既目光。
有錢又有咩用？冇腦冇品冇志氣，人生幾十年就係咁樣白白浪費了。
如果你唔係一個咁樣既富二代，菲菲好想認識你，我真心希望我只係井底之蛙，見識少所以有以上既睇法。
2012年6月9日 星期六
分因
最近得悉有2個朋友都有小三介入婚姻，有一位朋友的老公索性拋妻棄子一走了之，有另一位朋友的老公仍「留」在家中但個心已經唔響度。好奇怪，2個朋友的老公找小三的原因都一樣，因為夫婦之間已幾乎冇左性生活。女友人們好嬲，猛鬧賤男不顧老婆仔女只用下半身思考，係CHEAP精。
響某個角度上，老公拋棄屋企去搵一個比自己老婆更索既女人，當然係不負責任既賤男。女人咁辛苦十月懷胎生左個仔出黎，仲要日以繼夜去照顧BB，連訓既時間都冇，仲邊有精神照顧老公既性需要？老公唔體諒不特止，仲大條道理出去攪女人，做老婆既真係好心淡。如果唔係生完仔，身材唔會走哂樣。如果唔係生左個仔，唔需要唔訓都要湊好個仔。個仔係跟老公姓的，但係響男人既角度，除左性之外老婆就冇其他功能，你話做女人又點會唔嬲？
不過，有時出現呢D家庭問題，都唔可以一面倒怪哂男人。做女人真係唔容易GA，真係要入得廚房出得廳堂同埋訓得落床GA。男人們不得不承認，好多時你地真係會用下半身思考，如果老婆長期禁慾，我估冇幾多個男人真係頂得住兼抗拒到出面的誘惑。屋企冇飯開，餓得耐都想去叫下外賣，呢D係人之常情。女人湊仔真係好辛苦，但係為左維繫正常婚姻生活，唔好比小三有機可乘，女人點累都要抽時間陪下個老公。講到尾，老公返到屋企只係一個大細路，都想老婆當佢係仔咁錫GA。
呢番說話我唔敢響FB度講，必定會惹起朋友間的批評。但撫心自問，夫妻之間，性生活係絕對唔可以忽視，到老公出去食過返尋味既時候先至黎後悔同埋怨，已經係去到難以補救既地步了。
響某個角度上，老公拋棄屋企去搵一個比自己老婆更索既女人，當然係不負責任既賤男。女人咁辛苦十月懷胎生左個仔出黎，仲要日以繼夜去照顧BB，連訓既時間都冇，仲邊有精神照顧老公既性需要？老公唔體諒不特止，仲大條道理出去攪女人，做老婆既真係好心淡。如果唔係生完仔，身材唔會走哂樣。如果唔係生左個仔，唔需要唔訓都要湊好個仔。個仔係跟老公姓的，但係響男人既角度，除左性之外老婆就冇其他功能，你話做女人又點會唔嬲？
不過，有時出現呢D家庭問題，都唔可以一面倒怪哂男人。做女人真係唔容易GA，真係要入得廚房出得廳堂同埋訓得落床GA。男人們不得不承認，好多時你地真係會用下半身思考，如果老婆長期禁慾，我估冇幾多個男人真係頂得住兼抗拒到出面的誘惑。屋企冇飯開，餓得耐都想去叫下外賣，呢D係人之常情。女人湊仔真係好辛苦，但係為左維繫正常婚姻生活，唔好比小三有機可乘，女人點累都要抽時間陪下個老公。講到尾，老公返到屋企只係一個大細路，都想老婆當佢係仔咁錫GA。
呢番說話我唔敢響FB度講，必定會惹起朋友間的批評。但撫心自問，夫妻之間，性生活係絕對唔可以忽視，到老公出去食過返尋味既時候先至黎後悔同埋怨，已經係去到難以補救既地步了。
2012年6月8日 星期五
2012年6月5日 星期二
峰迴路轉
是日 14:45 踏入芒種，壬辰年丙午月的開始。芒種係廿四節氣既第九個節，是干支曆內「午」月的開始。一般轉節或轉氣 (轉氣大概同西方轉星座差不多日子，在二十至二十三號之間)，都代表了太陽和地球之間之距離有了變化。要深入研究箇中道理，要學習天文學和中國曆法的互動，菲菲未有咁深厚既功力，有機會再探討。
菲菲想講既係，每逢轉節或轉氣，都會有事發生。本來老公和富二代的合作計劃都已經傾到七七八八，準備開波，點知今日出現急轉直下既情況，富二代似乎想縮沙。最初老公打算同佢合作，我有提出意見叫佢諗清楚，仲比老公話我敏感，唔信人。呢條友仔，係百份百既吹水怪兼失匙夾萬，同埋一開始我已知道佢唔信我老公，口口聲聲話想做返D野比佢老豆睇，其實係咩都唔想做等接收遺產。自從老公話要同佢合作之後，菲菲更留心去觀察佢，對佢真係越黎越冇信心。但係老公好想做，如果我成日潑佢冷水，盞大家關係惡化，為左D咁既人，冇必要。
本來老公發現條友唔對路，在未開波之前唔合作，我應該開心至係，不過我真係有D唔開心。唔係因為老公失去左一個攪生意既機會，始終條友唔係路，盞蝕左錢仲有交嗌，唔攪好過攪。菲菲最唔開心係，因為老公聽左另一個人既意見之後先至「發現」富二代有問題。果個人係一位曾經對我老公有非份之想既女仔，大家因為宗教關係唔可能唔見面。菲菲當然係好唔鐘意佢，之前都因為佢同老公有拗撓，不過擺平左就算。呢個女仔所講既野，同菲菲之前同老公講既野，意思大概一致，但係我最嬲既就係，同一番說話，我講就話我敏感，果條女講就聽得入耳，呢下真係撻著左。
而家生意暫時擱置，不過菲菲心中既不滿仲未有辦法可以解決。
午月，一直都係菲菲最多困擾既月份…
菲菲想講既係，每逢轉節或轉氣，都會有事發生。本來老公和富二代的合作計劃都已經傾到七七八八，準備開波，點知今日出現急轉直下既情況，富二代似乎想縮沙。最初老公打算同佢合作，我有提出意見叫佢諗清楚，仲比老公話我敏感，唔信人。呢條友仔，係百份百既吹水怪兼失匙夾萬，同埋一開始我已知道佢唔信我老公，口口聲聲話想做返D野比佢老豆睇，其實係咩都唔想做等接收遺產。自從老公話要同佢合作之後，菲菲更留心去觀察佢，對佢真係越黎越冇信心。但係老公好想做，如果我成日潑佢冷水，盞大家關係惡化，為左D咁既人，冇必要。
本來老公發現條友唔對路，在未開波之前唔合作，我應該開心至係，不過我真係有D唔開心。唔係因為老公失去左一個攪生意既機會，始終條友唔係路，盞蝕左錢仲有交嗌，唔攪好過攪。菲菲最唔開心係，因為老公聽左另一個人既意見之後先至「發現」富二代有問題。果個人係一位曾經對我老公有非份之想既女仔，大家因為宗教關係唔可能唔見面。菲菲當然係好唔鐘意佢，之前都因為佢同老公有拗撓，不過擺平左就算。呢個女仔所講既野，同菲菲之前同老公講既野，意思大概一致，但係我最嬲既就係，同一番說話，我講就話我敏感，果條女講就聽得入耳，呢下真係撻著左。
而家生意暫時擱置，不過菲菲心中既不滿仲未有辦法可以解決。
午月，一直都係菲菲最多困擾既月份…
2012年6月4日 星期一
講童
在友人眼中菲菲好勇敢，因為我有三個小寶貝。很多朋友只會生一至兩個，甚少會生三個，不過我都有朋友是有四個小孩的，菲菲不算最勇敢！哈哈！
我常鼓勵人生多幾個，朋友們都怕怕，一黎香港養小朋友越黎越貴，二黎怕教得辛苦。第一點係無可厚非的，而家香港養一個小朋友確實好貴，不過唔請家傭、唔會個個月都帶小朋友去主題公園，唔迫小朋友學十八般武藝、唔駛學多國語言、唔強迫小朋友入名校的話，都唔會好貴。弊在而家D家長真係走火入魔，都唔知點解要一個小朋友除左返學都做十幾樣功課之外，仲要參加十幾個興趣班，咁攪法唔好話唔夠錢養，連珍貴既親子時間都比一大堆活動摧毀了。
至於第二點菲菲覺得唔成立，其實教一個小朋友係比教幾個小朋友困難。兄弟姊妹之間既互動就係最好既教育。屋企只有一個小朋友的話，父母都會全神貫注咁睇實個小朋友，咩都照顧周到，咩都以小朋友為先，港童就係咁樣培養出黎。菲菲的三個小魔怪，每日為左在父母面前突圍而出，自自然然提高左競爭力、表達能力同埋自理能力。雖然有2個家傭幫忙，但係日常家務已經好忙，邊有時間貼身照顧。小魔怪們唯有「自食其力」，自己照顧自己。如果想同父母玩，都要千方百計令父母注意，要比兄弟姊妹出色，各出奇謀，鬥智鬥力！
家庭係社會既縮影，自小習慣左要點同其他人相處，點表現自己，點力爭上游，先至可以勇敢地在社會上立足。最近同朋友食飯，佢見我未夠2歲既第二仔識自己食飯，覺得好利害。真係啼笑皆非，識自己食飯好平常啫，又唔係咩特異功能。原來佢有另一位朋友個仔三歲半都要亞媽餵飯！而家D小朋友三歲識講英文同普通話，識唱歌跳舞同畫畫，但係唔識自己食飯！咩世界呀？
我常鼓勵人生多幾個，朋友們都怕怕，一黎香港養小朋友越黎越貴，二黎怕教得辛苦。第一點係無可厚非的，而家香港養一個小朋友確實好貴，不過唔請家傭、唔會個個月都帶小朋友去主題公園，唔迫小朋友學十八般武藝、唔駛學多國語言、唔強迫小朋友入名校的話，都唔會好貴。弊在而家D家長真係走火入魔，都唔知點解要一個小朋友除左返學都做十幾樣功課之外，仲要參加十幾個興趣班，咁攪法唔好話唔夠錢養，連珍貴既親子時間都比一大堆活動摧毀了。
至於第二點菲菲覺得唔成立，其實教一個小朋友係比教幾個小朋友困難。兄弟姊妹之間既互動就係最好既教育。屋企只有一個小朋友的話，父母都會全神貫注咁睇實個小朋友，咩都照顧周到，咩都以小朋友為先，港童就係咁樣培養出黎。菲菲的三個小魔怪，每日為左在父母面前突圍而出，自自然然提高左競爭力、表達能力同埋自理能力。雖然有2個家傭幫忙，但係日常家務已經好忙，邊有時間貼身照顧。小魔怪們唯有「自食其力」，自己照顧自己。如果想同父母玩，都要千方百計令父母注意，要比兄弟姊妹出色，各出奇謀，鬥智鬥力！
家庭係社會既縮影，自小習慣左要點同其他人相處，點表現自己，點力爭上游，先至可以勇敢地在社會上立足。最近同朋友食飯，佢見我未夠2歲既第二仔識自己食飯，覺得好利害。真係啼笑皆非，識自己食飯好平常啫，又唔係咩特異功能。原來佢有另一位朋友個仔三歲半都要亞媽餵飯！而家D小朋友三歲識講英文同普通話，識唱歌跳舞同畫畫，但係唔識自己食飯！咩世界呀？
君子之交
菲菲應該係一個君子，因為我同朋友既關係「淡如水」。
好奇怪，唔知係我COOL得滯丫？定係我仲未搵到真正既朋友呢？圍繞菲菲身邊既「朋友」，不論種類同埋數目都唔少，但係朋友之間既聚會硬係好少人會記得叫我去。本來我會估係我太衰，所以不受歡迎。但係又無理由丫？如果我真係咁不受歡迎，我個FB應該比人 unfriend 哂，但係時不時都會有人留言，所以我相信我仲未去到咁惡劣既地步。
經過我反覆檢討之後，得出一個結論，就係菲菲不擅交際！我唔鐘意無啦啦冇野搵野講，好少講無聊野，又冇咩心事要搵人傾訴，攪攪下d朋友都唔記得左有我呢個人都未定。唔通菲菲只係一個工作狂？除左返工就咩都唔識？以前仲有返工時人際關係都算唔錯，可能我唔識同家庭主婦溝通，唔認為家務事需要傷腦筋，所以同媽媽朋友們冇共鳴？我都唔知點解…
可能我追求既友誼同一般人唔同，所以我只停留左「君子之交」呢個層面。
好奇怪，唔知係我COOL得滯丫？定係我仲未搵到真正既朋友呢？圍繞菲菲身邊既「朋友」，不論種類同埋數目都唔少，但係朋友之間既聚會硬係好少人會記得叫我去。本來我會估係我太衰，所以不受歡迎。但係又無理由丫？如果我真係咁不受歡迎，我個FB應該比人 unfriend 哂，但係時不時都會有人留言，所以我相信我仲未去到咁惡劣既地步。
經過我反覆檢討之後，得出一個結論，就係菲菲不擅交際！我唔鐘意無啦啦冇野搵野講，好少講無聊野，又冇咩心事要搵人傾訴，攪攪下d朋友都唔記得左有我呢個人都未定。唔通菲菲只係一個工作狂？除左返工就咩都唔識？以前仲有返工時人際關係都算唔錯，可能我唔識同家庭主婦溝通，唔認為家務事需要傷腦筋，所以同媽媽朋友們冇共鳴？我都唔知點解…
可能我追求既友誼同一般人唔同，所以我只停留左「君子之交」呢個層面。
2012年6月2日 星期六
重出江湖？
早前提過老公同富二代合作攪生意，都傾到八八九九差唔多開波。本來菲菲好想加入幫忙做行政管理果 part，但係經我連日黎觀察所得，我應該加入唔到。原因好複雜，不過最基礎嘅一個原因係信心問題。可能係我嘅師奶形象已經深人民心，唔多似做得嘢嘅人，所以我遲遲都未能加入戰團。不過唔緊要，我都唔想攞苦黎辛，無謂因為呢D事而攪到不愉快。
好在最近比我發現有另一個人可以代替菲菲做呢個醜人 (不嬲做行政管理既人都係衰人，唔係醜人係咩！哈哈！)，呢個人係老公同富二代嘅共同朋友，富二代對佢信任有加。而呢個人做事比較穩陣，有佢睇住間公司，應該冇咩大問題。
今日同老公講起，老公誤會我對富二代有不滿。講真，我真係冇不滿。我只想攪好件事，在未有其他人選之前，我想親自幫老公手。既然富二代唔係好信得過我，而又有另一人可以勝任，就由其他人去做啦。我唔會因此而唔開心喎，仲好唔駛做，呵呵！
唔知係唔係菲菲兇悍霸道慣，老公一時之間唔適應我已經變成一個溫柔體貼既賢內助呢？哈哈！
好在最近比我發現有另一個人可以代替菲菲做呢個醜人 (不嬲做行政管理既人都係衰人，唔係醜人係咩！哈哈！)，呢個人係老公同富二代嘅共同朋友，富二代對佢信任有加。而呢個人做事比較穩陣，有佢睇住間公司，應該冇咩大問題。
今日同老公講起，老公誤會我對富二代有不滿。講真，我真係冇不滿。我只想攪好件事，在未有其他人選之前，我想親自幫老公手。既然富二代唔係好信得過我，而又有另一人可以勝任，就由其他人去做啦。我唔會因此而唔開心喎，仲好唔駛做，呵呵！
唔知係唔係菲菲兇悍霸道慣，老公一時之間唔適應我已經變成一個溫柔體貼既賢內助呢？哈哈！
留住客人的心
係人都話女人錢易賺，女人有太多花費的項目，買衫買鞋買手袋、化妝美容修甲整頭髮，淨係數都數到氣咳。加上每個項目都追新款，一出街就少不免要買D嘢令自己開心。女人錢的確係易賺，不過要睇你識唔識賺。菲菲雖然升呢做左師奶，但係對扮靚仍然至死不渝。今日菲菲又去左整GEL甲，不過做埋呢個 package 之後，我唔會再幫趁呢一間美甲店。
呢間美甲店係朋友開的，最初諗住反正都係比錢人賺，不如幫趁朋友啦。我由 join package 嘅第一次到而家，我嘅朋友都未同我整過一次，每一次都係搵唔同既甲師幫我整。心理上已經被待慢了。頭幾次菲菲都好熱切期待咁諗下整咩甲，點知次次都比甲師冷言相向，一係話而家唔興整咁複雜，一係話我諗得耐阻住佢。攪攪下我都冇心機諗咩款式，整黎整去都好似只係搽左指甲油咁單調。同埋每次去幫趁，D甲師都唔多願同客人傾下計，大家完全冇建立過任何關係。
女人錢我都賺過，深明女人洗錢要洗得開心之道。逗客人傾多 D 計，一黎可以瞭解客人的喜好，方便大額推銷 (在商言商，冇計啦，要搵食丫嘛！)，二黎比客人覺得有歸屬感，佢地先至願意黎多D同埋介紹朋友黎。
唔好講全香港，單係旺角區都有好多美甲店，唔幫趁呢間，大可以幫趁第二間，我冇必要貼錢買難受。一眾消費者不論男女都係咁諗，所以我朋友慨嘆生意難做，問題應該要攪掂甲師既服務質素先。
可能有人覺得「比錢大哂咩！」，係呀， Cash is KING，比錢你賺果個真係大哂呀！你老細唔係老細，D客先至係老細呀！只要你夠多 die hard fans 客，老細都要買你怕。
2012年6月1日 星期五
母親的抉擇
最近有友人升職了，但卻不開心了。升職除了代表加薪之外，亦代表了加辛。但是她的女兒才滿一歲，加辛即是少了時間陪伴女兒。她為了此事感到很懊惱。
在職場上，大家都想向上爬，希望得到上司的賞識。都努力了一段時間，有機會升職是大部份打工仔值得開心的事。但是要平衡家庭與事業，似乎沒甚麼可能。菲菲是過來人，深明她為什麼如此掙扎。早幾年我放棄事業而選擇家庭，都有一段很長的適應期。在工作上得到的滿足感、收入、影響力等等全部都要放棄，要從新適應一個新的生活節奏，由事業女性變成家庭主婦，實在不容易。
先不計較錢這個問題，一決定做家庭主婦那天起，家庭收入就由老公一力承擔了。但是小孩不是下屬，他們不會聽命於我，只會和我鬥智鬥力扭盡六壬。家傭亦不是我以往管理的「精英」，大家文化背景不同，溝通的方法也要調節。家務事不同跑業績，家務這些「小事」做了老公不會知道，不做就即時察覺到。做家庭主婦沒有掌聲，沒有機會出風頭，跟菲菲好勝的性格完全相反。所以我用了整整一年才適應到，過程是艱辛的，因為曾經因此而抑鬱過。
要在「錢」和「愛」之間選擇，我會選擇愛。孩子在成長中遇到的種種問題，很需要父母的支持和關懷，當然要有很多時間才可以做到。如果我繼續在職場拼搏，哪裡有空和他們溝通？他們在想甚麼我會知道嗎？他們遇到困難我可以即時幫忙嗎？
每個人的選擇不一樣，希望友人可以找到平衡工作與家庭的方式，可以成為一眾在職媽媽的典範！
在職場上，大家都想向上爬，希望得到上司的賞識。都努力了一段時間，有機會升職是大部份打工仔值得開心的事。但是要平衡家庭與事業，似乎沒甚麼可能。菲菲是過來人，深明她為什麼如此掙扎。早幾年我放棄事業而選擇家庭，都有一段很長的適應期。在工作上得到的滿足感、收入、影響力等等全部都要放棄，要從新適應一個新的生活節奏，由事業女性變成家庭主婦，實在不容易。
先不計較錢這個問題，一決定做家庭主婦那天起，家庭收入就由老公一力承擔了。但是小孩不是下屬，他們不會聽命於我，只會和我鬥智鬥力扭盡六壬。家傭亦不是我以往管理的「精英」，大家文化背景不同，溝通的方法也要調節。家務事不同跑業績，家務這些「小事」做了老公不會知道，不做就即時察覺到。做家庭主婦沒有掌聲，沒有機會出風頭，跟菲菲好勝的性格完全相反。所以我用了整整一年才適應到，過程是艱辛的，因為曾經因此而抑鬱過。
要在「錢」和「愛」之間選擇，我會選擇愛。孩子在成長中遇到的種種問題，很需要父母的支持和關懷，當然要有很多時間才可以做到。如果我繼續在職場拼搏，哪裡有空和他們溝通？他們在想甚麼我會知道嗎？他們遇到困難我可以即時幫忙嗎？
每個人的選擇不一樣，希望友人可以找到平衡工作與家庭的方式，可以成為一眾在職媽媽的典範！
2012年5月29日 星期二
家傭
菲菲的三個小寶貝年紀還小，日常生活仍需貼身照顧，所以我們家有兩個來自印尼的外傭幫忙。朋友們都對外傭又愛又恨，愛者當然是有人幫忙處理家務照顧小孩，恨者原因實在太多，不能盡錄。
記得4年前菲菲準備請第一個家傭時，朋友千叮萬囑一大堆規矩，例如︰要有工作時間表、教工人煮飯洗衫打掃、教工人照顧初生嬰兒、裝 Web Cam、制訂家規之類… 當時菲菲在想︰「我請工人回來為我解決問題，為甚麼會衍生一大堆問題需要我去處理？」。最終，菲菲浪費了友人的心機，以上忠告一樣也沒有做，只是規定她放假時要何時回家而已。
菲菲深信「將心比己」，只要善待家傭，她們都會把我們的家當作成她的家。幸好上天對菲菲不薄，請了2個工人都不錯，真的把我們的家當成她們的家，大家相處還不錯。最近菲菲家中的電器用品出現毛病，都是家傭自告奮勇幫忙修理好，這種家傭應該算是典範了！
記得4年前菲菲準備請第一個家傭時，朋友千叮萬囑一大堆規矩，例如︰要有工作時間表、教工人煮飯洗衫打掃、教工人照顧初生嬰兒、裝 Web Cam、制訂家規之類… 當時菲菲在想︰「我請工人回來為我解決問題，為甚麼會衍生一大堆問題需要我去處理？」。最終，菲菲浪費了友人的心機，以上忠告一樣也沒有做，只是規定她放假時要何時回家而已。
菲菲深信「將心比己」，只要善待家傭，她們都會把我們的家當作成她的家。幸好上天對菲菲不薄，請了2個工人都不錯，真的把我們的家當成她們的家，大家相處還不錯。最近菲菲家中的電器用品出現毛病，都是家傭自告奮勇幫忙修理好，這種家傭應該算是典範了！
思考 VS 情感
MBTI (Myers-Briggs Type Indicator) 把性格分為 4 個層面，每個層面分 2 個類別，所以會衍生出 16 型性格。MBTI 與 九型性格不同之處，九型是以「動機」作為分類的藍本，是易學難精的一門性格學。而 MBTI 是以「行為」作為分頖，是相對易掌握的。不過行為可以隨時間而改變，人生的動機就不會改變，所以 MBTI 在短期運用上是比較方便，九型在處理深層次問題 (例如︰推動力、恐懼之類) 是比較優勝。
先旨聲明，菲菲在 MBTI 的分類是「情感型」，這篇博文純屬個人感想，絕對沒有任何數據支持！哈哈！
在 MBTI 的四個層面中，有一個分類我特別感興趣，就是思考VS情感。
思考型的人比較理性，注重數據、分析、實例等等。而情感型的人比較感性，注重感覺。以往有學 MBTI 的朋友們都以為菲菲是「理性型」，因為在職場搏鬥，總不能感情用事吧？我都以為自己是「理性型」，但是當自己沉澱下來時，就發現其實我是「情感型」。真實的菲菲不喜歡數據，只喜歡人與人之間的互動。
學習性格學的動機，就是對人有興趣。菲菲對沒有情感、冷冰冰的數據完全接不上軌，但對人的性格、動機和情感特別有共鳴。身邊的人做的每一件事，每一個反應，菲菲心中都會想一想為甚麼。找出每件事和每個反應的原因和動機，就會知道別人有甚麼想法，有甚麼體會和希望別人怎樣和他相處。
學懂瞭解別人，就會做很多事。無論工作上、家庭上抑或社交上，要接觸的全部是活生生，有血有肉、有思想有感情的人。如果不懂瞭解別人，在生活上只會處處踫壁，事事不知所措，更會令自己陷入不安。
「理性型」的人常常誤會「情感型」的人沒有理據，其實「情感型」的人不是沒有理據，只是「理性型」的人沒有方法找出理據而已。
有興趣瞭解 MBTI 多些？
http://en.wikipedia.org/wiki/Myers-Briggs_Type_Indicator
http://www.myersbriggs.org/my-mbti-personality-type/mbti-basics/
先旨聲明，菲菲在 MBTI 的分類是「情感型」，這篇博文純屬個人感想，絕對沒有任何數據支持！哈哈！
在 MBTI 的四個層面中，有一個分類我特別感興趣，就是思考VS情感。
思考型的人比較理性，注重數據、分析、實例等等。而情感型的人比較感性，注重感覺。以往有學 MBTI 的朋友們都以為菲菲是「理性型」，因為在職場搏鬥，總不能感情用事吧？我都以為自己是「理性型」，但是當自己沉澱下來時，就發現其實我是「情感型」。真實的菲菲不喜歡數據，只喜歡人與人之間的互動。
學習性格學的動機，就是對人有興趣。菲菲對沒有情感、冷冰冰的數據完全接不上軌，但對人的性格、動機和情感特別有共鳴。身邊的人做的每一件事，每一個反應，菲菲心中都會想一想為甚麼。找出每件事和每個反應的原因和動機，就會知道別人有甚麼想法，有甚麼體會和希望別人怎樣和他相處。
學懂瞭解別人，就會做很多事。無論工作上、家庭上抑或社交上，要接觸的全部是活生生，有血有肉、有思想有感情的人。如果不懂瞭解別人，在生活上只會處處踫壁，事事不知所措，更會令自己陷入不安。
「理性型」的人常常誤會「情感型」的人沒有理據，其實「情感型」的人不是沒有理據，只是「理性型」的人沒有方法找出理據而已。
有興趣瞭解 MBTI 多些？
http://en.wikipedia.org/wiki/Myers-Briggs_Type_Indicator
http://www.myersbriggs.org/my-mbti-personality-type/mbti-basics/
2012年5月28日 星期一
用人之道
最近老公準備與人合作攪生意，老公本業是風水師，對商機有所掌握，但對實際商業運作瞭解不深。他的合夥人是一個沒有甚麼實質工作經驗的富二代，找他合作的主要原因就是他有貨源和人脈。這個生意組合真有趣，大家對「賺錢」都很有興趣，但對如何營運一盤生意卻不甚了了。
雖然我不算有生意頭腦，但對行政管理的經驗絕對比他們優勝。當老公和他商討完生意計劃之後，我都會提供一些意見，好讓他有更多資料去評估風險。富二代對我印象流於表面，他一直認為我只是一個照顧小孩的家庭主婦，不是一個做事的人。老公和他提及數次要我去幫忙，甚至把我做的財政預算、公司架構及一些風險管理的方案交給他時，他連望都沒望一眼。(好在我已經收了火，不然我會把那些方案撕掉然後不管他們的事了！)
富二代認為有2個人選比我更適合，因為那二位都是身兼數職的人才。在富二代的心目中，她們是能幹的。我不否定，能身兼數職的人當然是能幹！但每人只有24小時，她們已經身兼數職了，還有時間為一盤新生意打拼嗎？我都提交了那麼多的方案，再差也不是一個豬頭吧？
昨晚和老公說我不想理了，他惱了。
我也惱了，他知道嗎？
雖然我不算有生意頭腦，但對行政管理的經驗絕對比他們優勝。當老公和他商討完生意計劃之後，我都會提供一些意見，好讓他有更多資料去評估風險。富二代對我印象流於表面，他一直認為我只是一個照顧小孩的家庭主婦，不是一個做事的人。老公和他提及數次要我去幫忙，甚至把我做的財政預算、公司架構及一些風險管理的方案交給他時，他連望都沒望一眼。(好在我已經收了火，不然我會把那些方案撕掉然後不管他們的事了！)
富二代認為有2個人選比我更適合，因為那二位都是身兼數職的人才。在富二代的心目中，她們是能幹的。我不否定，能身兼數職的人當然是能幹！但每人只有24小時，她們已經身兼數職了，還有時間為一盤新生意打拼嗎？我都提交了那麼多的方案，再差也不是一個豬頭吧？
昨晚和老公說我不想理了，他惱了。
我也惱了，他知道嗎？
同理心
菲菲的孻女來到這個世界，不但令我們家增添一位可愛的新成員，亦令菲菲認識了一班媽媽朋友。大家在孕期互相鼓勵，看著小生命逐一誕生，互相交流照顧嬰兒心得，直到現在相約出來慶祝小寶貝的一歲生辰，這份友誼特別有意義。
今天又為小寶貝們舉辦聚會，我們特意包了一間有露天地方的甜品店，好讓他們可以自由自在地玩個痛快！但是，令人不愉快的事發生陸續了。
很多人都喜歡在餐廳的露天地方抽煙，我不反對人抽煙，只要不影響別人就可以了。今天小朋友們在餐廳的露天部份嬉戲拍照時，有2位打扮入時的女士坐在我們旁邊的檯抽煙，完全漠視有小朋友在場！媽媽們即時為之側目！抽煙的人為甚麼會惹人討厭呢？就是他們要享受的時候，完全沒有理會其他人的感受。那裡有十多個小朋友，我不相信她們「看不見」。無論她們打扮得再美也是徙然，內心仍不夠美麗。
再者，我為小朋友拍照時，不知道為甚麼老是有人要在我背後「迫」過。露天地方不只一條路嘛？老遠看見哪麼多小朋友，都要硬衝過來，如果是從前的菲菲，一定會狠狠地修理他們！
還有…
有客人經過想坐下，侍應禮貌地告訴他們︰「不好意思，今天有人客包場了。」換來的是一句︰「撞鬼！」我心中那團火幾乎要爆了…
究竟現在的人是怎樣的人？沒有同理心，冷漠和自私。抑或是我們這班媽媽沒有同理心？沒有照顧吸煙人士、路人和其他客人的感受？這世界似乎顛倒了…
2012年5月27日 星期日
桃花依舊
過去幾年努力學習做一個好母親，有很多人和事都丟下了。現在想重拾，原來並非想像中容易！
很懷念以往追 BLOG 的日子，現在人人都在玩 FB，已經很少人寫 BLOG 了。偏偏我就在這個時候重回部落格，就是想尋找一個可以呼吸自由空氣的地方。
FB 本來是一個用來和朋友互通近況的好地方，但是當 friend list 內有越來越多「姨媽姑姐」之後，FB 已經淪為一個「官方網站」。內容只許報喜不報憂，只要有一丁點意見和她們不相同，很容易就被「公開地」批評個體無完膚。想抒發悶氣嗎？只會惹來更多不必要麻煩。小孩病了嗎？絕對不可以在 FB 上透露片言半語，否則會有很多親戚致電「問候」，怪責我照顧不力之餘更要我花上時間、唇舌和 EQ 去招呼她們。親戚這一夥人，比客戶更難應付，絕對不可以得失，更不可以待慢！要以親切的笑容和驚人的 EQ 去和她們相處，確實令我人生上了寶貴的一課。
扯遠了，以往很多喜愛的博客都沒有寫博文了，很掛念他們！
很懷念以往追 BLOG 的日子，現在人人都在玩 FB，已經很少人寫 BLOG 了。偏偏我就在這個時候重回部落格，就是想尋找一個可以呼吸自由空氣的地方。
FB 本來是一個用來和朋友互通近況的好地方，但是當 friend list 內有越來越多「姨媽姑姐」之後，FB 已經淪為一個「官方網站」。內容只許報喜不報憂，只要有一丁點意見和她們不相同，很容易就被「公開地」批評個體無完膚。想抒發悶氣嗎？只會惹來更多不必要麻煩。小孩病了嗎？絕對不可以在 FB 上透露片言半語，否則會有很多親戚致電「問候」，怪責我照顧不力之餘更要我花上時間、唇舌和 EQ 去招呼她們。親戚這一夥人，比客戶更難應付，絕對不可以得失，更不可以待慢！要以親切的笑容和驚人的 EQ 去和她們相處，確實令我人生上了寶貴的一課。
扯遠了，以往很多喜愛的博客都沒有寫博文了，很掛念他們！
閃婚
老公有一位朋友即將結婚，一聽到這個消息感到很突然，從未聽聞過她有固定男友，何來一個結婚對象？原來她在成長課程內認識了一位男孩，在課程和「畢弟」的薰陶下決定結婚。聽到這消息，除了「恭喜」之外，都不知道該說甚麼。
每個人對婚姻都有不同的定義、觀念、期望和方式。有些人喜歡細水長流，有些人追求刺激和火花。我不敢說我是一個很傳統的人，但對即興式的婚姻仍存保留。婚姻代表一個家庭的繁衍，一個族裔的延續，是一件意義重大的事，並不是個一時興起的活動。
現代人對婚姻態度開放了，也迷失了。認識很多與配偶離異的人，都有一個共通點，就是不瞭解甚麼是婚姻。不是拍拖久了，年紀大了就必須要結婚。究竟你對自己有多瞭解？對你的伴侶有多瞭解？大家對「另一半」這個角色有甚麼期望？要一起養育下一代嗎？兩口子如何承傳「家庭」這個神聖任務呢？
為甚麼東拉西扯都沒有提及「是否相愛」這個話題呢？不是「相愛」就可以結婚了嗎？作為一個已婚女性，我可以肯定地回答︰「相愛是拍拖的先決條件，懂得共同生活，對家庭觀有共同理念的人才適合走進婚姻。」
朋友即將成為新娘子，本應要為她高興，但是打從心底裡的感覺，並不能完全認同。
每個人對婚姻都有不同的定義、觀念、期望和方式。有些人喜歡細水長流，有些人追求刺激和火花。我不敢說我是一個很傳統的人，但對即興式的婚姻仍存保留。婚姻代表一個家庭的繁衍，一個族裔的延續，是一件意義重大的事，並不是個一時興起的活動。
現代人對婚姻態度開放了，也迷失了。認識很多與配偶離異的人，都有一個共通點，就是不瞭解甚麼是婚姻。不是拍拖久了，年紀大了就必須要結婚。究竟你對自己有多瞭解？對你的伴侶有多瞭解？大家對「另一半」這個角色有甚麼期望？要一起養育下一代嗎？兩口子如何承傳「家庭」這個神聖任務呢？
為甚麼東拉西扯都沒有提及「是否相愛」這個話題呢？不是「相愛」就可以結婚了嗎？作為一個已婚女性，我可以肯定地回答︰「相愛是拍拖的先決條件，懂得共同生活，對家庭觀有共同理念的人才適合走進婚姻。」
朋友即將成為新娘子，本應要為她高興，但是打從心底裡的感覺，並不能完全認同。
新枝，新姿！
幾年沒有寫博文，想在原有的部落繼續發表偉論，可惜網絡世界一日千里，只怪我這個大鄉里沒法接得上軌，唯有另闢新天地，重新開始！
新地方也有一個好處，就是讓我忘記以前兇悍傲慢的菲菲，令自己可以重新洗滌心靈。離開職場幾年，專心做好媽媽，為三個小寶貝忙個不亦樂乎。曾經有想過從此退休不再戀棧江湖事，可惜心中的一匹野馬仍未馴服，難保有重出江湖的一天呢！
這裡會是怎樣的一個地方呢？可以是我思考的地方，發表偉論大噴口水花的地方，讓我暢所欲言的地方！但是我肯定，這裡絕對不會成為貼滿小朋友生活照的兒童樂園，因為在 Facebook 已擺出了一副溫馨模樣，在這裡菲菲要飛上枝頭，變成自己心目中的鳳凰！
新地方也有一個好處，就是讓我忘記以前兇悍傲慢的菲菲，令自己可以重新洗滌心靈。離開職場幾年，專心做好媽媽，為三個小寶貝忙個不亦樂乎。曾經有想過從此退休不再戀棧江湖事，可惜心中的一匹野馬仍未馴服，難保有重出江湖的一天呢！
這裡會是怎樣的一個地方呢？可以是我思考的地方，發表偉論大噴口水花的地方，讓我暢所欲言的地方！但是我肯定，這裡絕對不會成為貼滿小朋友生活照的兒童樂園，因為在 Facebook 已擺出了一副溫馨模樣，在這裡菲菲要飛上枝頭，變成自己心目中的鳳凰！
訂閱：
文章 (Atom)