難過

剛知道友人決定離婚，好難過！

上年佢生左對孖女，在奶奶的壓力下今年終於追到個男嬰。三個小朋友都咁細，佢都決定離婚，我估佢響呢個家一定受左唔少既壓力。清官難審家庭事，究竟有咩咁解決唔到我真係唔知道，只係希望佢同三位小朋友都安好。

我自己都有三個小朋友，好體會到做媽媽係幾咁吃力。孖女才剛滿一歲，生活上仍好需要貼身照顧，如果佢選擇分開，要獨力湊大三個小朋友 (現在仲未知小朋友跟邊一方) 的話，一定需要人協助。雖然我幫唔到D咩，只希望佢地往後的日子真正得到幸福。