我的第一次

菲菲一向不愛夜蒲，更不喜歡落吧，所以對猜枚劈酒之類的活動好陌生。昨晚老公的中學同學好比面，大伙兒在日本料理店包了房間為菲菲興祝生日，菲菲終於獻出了我的第一次。

在飯局中菲菲好似小朋友咁只係飲汽水，佢地就飲清酒。菲菲酒量有限，為免未食完餐飯就醉倒，所以整餐飯都滴酒不沾。到佢地酒過三巡之後，有人提議玩骰盅，我都係睇佢地玩，完全沒有參與。但係佢地玩左一陣之後，唔知邊個提出壽星 (即係我！) 要做莊，佢地要同我玩樓梯莊。菲菲真係唔知咩叫樓梯莊，原來係佢地輪流同我玩，輸左就要飲。嘩！唔係咁激呀？雖然計埋我老公都係一對五，但係飲清酒喎，玩多幾舖都好甘喎！好在菲菲有少少運氣，都唔係輸左好多次，佢地玩左2個回合之後就放過我勒。估唔到菲菲幾十歲人先至第一次比人圍攻飲酒… 哈哈！

好在老公在旁，真係飲醉都唔駛驚，一定返到屋企。