2012年7月17日 星期二

槍手

菲菲工作時寫過不少計劃書,一般都係希望別人提供資源去支持某一個項目先至會寫。商業的、慈善籌款的都寫過,基於結果,大部份的計劃書都有不錯的成效。

早幾日有朋友打電話比我,話想問政府借錢攪生意,對方需要佢交出計劃書,佢諗住我識寫所以搵我寫。不過佢連盤生意有咩賣點、如何收支平衡、風險管理、甚至日常開支等等的問題都未攪清楚,我可以點幫佢寫?仲有,寫計劃書係一件費神的事,佢冇提過酬勞問題,只係希望我義務為佢寫,我就真係唔想同佢做。我唔係市儈咁簡單,寫一份商業用的計劃書係會有潛在收益的 (政府會借錢比佢),而果份收益唔係我的,佢即係想我義務為佢工作,我D愛心仲未爆棚到咁既地步。再者,錢借左返黎佢唔攪生意,用黎自己揮霍的話我都冇佢符。皆因佢有前科,我的擔心在情理上係成立的。如果我真係寫左份計劃書比佢借錢去 fing,成件事我未好白痴?

老實講,我老公都有一份計劃書要寫,我點都要攪掂老公果份先啦,大家坐埋一條船,唇亡齒寒丫嘛。而我呢位朋友,平時唔會搵我飲茶食飯吹水,次次搵親我都係有事相求的,我唔想做佢的鍾無艷。

呢件事令我諗起好多年前,當時老細修讀 MBA 但係冇時間做功課,佢掉低本書同份 assignment 就叫我幫佢做。次次功課都 meet 到 deadline 兼成績唔錯,所以幾乎每份功課都係我做的。最後佢衰左響考試手上,入到試場咩都唔識答,佢果十幾萬就咁泡左湯了。

所以為左別人好,我堅持唔再做別人的槍手了。

6 則留言:

  1. 其實你個朋友都幾奇怪喎,呢啲野,佢自己唔想做的話,擺到明就應該要“出糧”比人做架啦,世上邊有呢啲 free lunch 架?

    回覆刪除
    回覆
    1. 好多野佢都 take it for granted,以為開到口就會有人幫佢做。年青時代佢患有公主病,隨住年齡增長,佢而家患的係郡主病!XD

      刪除
  2. 无事不登三宝殿的人,我是一概不理的。

    在挪威很难认识中国人,一旦发现,我一般都比较热情。之前碰到一对夫妇,见过两次面之后,发现每次都是我主动,后来就我决定“主动”疏远他们。

    一年后他老婆申请博士要我帮她看Personal Statement, 基于人道理由我花了两个小时批改(三页纸被我批得体无完肤),一句谢谢之后,一年没消息。后来那个女的想进我老婆所在的公司工作,一堆电话轰炸,问长问短。

    现在我老婆跳槽了,她又想我老婆推荐她去顶替我老婆的位置。(合同经理的职位,那个女的是生物学博士,牛头不答马嘴)。就算这次出动到请吃饭,也只能婉拒。

    回覆刪除
    回覆
    1. 你那對夫婦朋友,面皮也真夠厚!

      刪除
  3. 其實幫得你朋友寫計劃書,點解唔自己申請,反正都係爭在遞交申請表啫。 XD

    回覆刪除
    回覆
    1. 我唔想無啦啦欠政府錢丫嘛~ 同埋佢攪自然療法我都唔識

      刪除