2012年6月14日 星期四

萬千寵愛


菲菲的孻女係一個萬千寵愛在一身既小壞蛋。無論佢幾刁蠻任性都好,無論佢幾惡霸都好,父母都係忍唔住要寵佢。呢個小壞蛋最愛打哥哥 (女仔之家咁暴力,唉!),但係兩個哥哥又好樂意比佢打 (一個願打,兩個願捱,又唉!),孻女究竟係帶住D咩神奇力量黎到呢個世上?

菲菲認識既所有孻女,包括我個妹,都係比較我行我素,有公主病既病徵,彷彿一出世就係一位小天仙下凡。而家到我生左個孻女,先至明白原來孻女係有一種非常人能匹敵既魔力,令人著迷,令人傾倒。睇緊BLOG既你可能覺得呢個BB係一個好普通既BB,只係菲菲教女無方,不過當你真係有一個孻女既時候,你就知味道!哈哈!

8 則留言:

  1. haha, 我都想有個孻女,但唔驶旨意咯!

    回覆刪除
  2. 當你有果陣就會又愛又恨…

    回覆刪除
  3. 孻女孻心肝嘛!我細女都係咁,雖然個家姐只係大佢廿個月但都心肝情願被佢蝦被佢使,不過兩姊妹細個成日打交,大個咗先唔打咋!哥哥就唔會同細妹打交了,所以你呢個孻女幸福程度同碧咸女差不多呀!

    回覆刪除
  4. 有時細仔都會同佢打交,佢地相差11個月,情境好攪笑…

    回覆刪除
  5. 嗯,我小時候也跟我哥打交.他一點讓我的意思也沒有......
    不過記得有次我有病整夜睡不著,他陪著我就是了.

    回覆刪除
  6. 哈哈,呢個我永遠唔會明,我自己係獨生,而家我個仔都係獨生!

    回覆刪除
  7. 獨生係唔係都擁有萬千寵愛呢?我都想知,因我同老公都係多兄弟姊妹的… 哈哈~

    回覆刪除