2012年7月10日 星期二

Sales 的態度

菲菲最喜愛的題目,總離不開銷售。哎呀!我真係賣野賣上癮,咩都 sell 得一餐。哈哈!

而家越黎越多人做 sales,菲菲新認識的朋友中,幾乎八成係從事銷售行業的。其中有一半係保險人,有d做地產,有d做基金,有d sell 課程,基本上係服務業為主。菲菲都係喜愛 sell 服務多過 sell 產品,因為產品有實物限制,服務有無限可能,比較靈活和好玩。而且服務係 sell 價值並非價錢,做服務業的 Sales 係要解決客人的煩惱,最終令客人滿足和愉快。

正因為服務業係要令客人滿足,在銷售技巧方面真的要下苦功。Sales 的言行舉止,身體語言都很重要,要懂得營造一個舒適的氣氛讓客人願意深入瞭解,又要在適當時候令客人著急即時成交,才會做得成交易。當中要掌握到客人的心理起伏,不是三言兩語可以表達,不過最佳方法就係練習和嘗試。以往我們 training 時就好似超級巨聲上台唱左首歌,再由台下一班評判比意見咁樣,要夠膽量和虛心才學到點同客人溝通。比人批評下,可以改善好多野,包括眼神、坐姿、聲音、語調、節奏、小動作、口頭禪同埋負面字眼等等。呢d野好多人講左做左都唔知,唔係比人提點下又點識改?

菲菲認識的新一代 Sales,真的很需要磨練,一係只懂令氣氛輕鬆而不敢 try closing,一係只懂迫客人下決定,但沒有空間讓客人考慮,兩者的成功率都唔高。細問之下原來佢地好唔接受上司批評,只會自辯「我好勤力呀!我冇問題呀!」。咁既工作態度,唔好做 Sales 勒,盞滾費大家時間。

另一種 Sales 好叻辯駁,無論個客提咩 objection 佢都駁得到。不過嬴左場辯論輸左單生意,比你駁嬴左又點?呢D真係嬴左又冇錢,輸左又冇面,蝕本生意也。點解 Sales 鐘意辯駁?因為未夠虛心也。客人比錢都要比得舒服,比人駁完一大輪,客人都冇哂癮啦,仲幫趁你咩!就算你的道理如何正確,如何鏗鏘都好,客人都會選擇第二個 Sales 去買同一樣野,你話幾無謂呢?客人有提問,即係佢有興趣,Sales 應該引導客人向正確方向思考,並唔係「一語中的」咁數客人不是。客人感到沒有面子,就不想繼續溝通了。此乃人之常情,但係好多 Sales 都忘了。

如果想做好銷售呢個行業,先放下身段虛心學習吧!

9 則留言:

  1. 我剛剛出來做嘢,都係sales,但系系一年唔sai 見個客超過3次的sales. 我只可以說我到而家都唔系一個good sales. 但系so far 其實我覺得最好玩系地產。我系加國做過地產sales assistant. 可能我對豪宅大屋情有獨鍾吧XD

    回覆刪除
  2. 做地產真係好好玩的!

    回覆刪除
  3. 我反而喜歡Sell products呀, 可能因為我個人死板吧XD

    回覆刪除
    回覆
    1. Sell product 都不算是死板的,只不過是沒有賣服務那般虛無縹緲。

      刪除
    2. 我都系sell products, 但系外貿.其實都可以幾虛無縹緲...

      刪除
  4. 你好,
    看你的BLOG一段日子,獲益良多,謝!
    我從沒有做過SALES,但對地產這一行很感與趣,希望有一天能嘗試學習做地產SALES。
    菲菲於這行(做sales)的經驗分享,令我獲益良多,這樣對我自己明白到,本身的性格是否能做到sales?

    Thank you for your share!!

    回覆刪除
  5. 菲菲姐不愧為TOP SALES,講到做SALES咁有趣好玩,攪到咁多人想做銷售。你唔可以一味PROS,你都要CONS㗎,做SALESMAN其實有苦自己知㗎咋,到你無數交...HAHA。

    回覆刪除
  6. 我都試過冇數交ga,有機會寫返篇~ 哈哈~

    回覆刪除