尷尬的定位

有讀過市場學的朋友都知道咩叫 Positioning，唔單止商業上要定位，人都要定位。

菲菲有時都覺得好尷尬，因為唔知自己係咩定位。理論上我冇工作留在家湊仔，應該係全職媽媽或家庭主婦。好可惜，一般家庭主婦既十八般武藝我樣樣都唔掂，如果冇左家傭都唔知點算。有時菲菲又會心思思去「協助」老公既工作，咁可以當係半職媽媽啦，但係我既主要工作係老公既 Coach，唔駛返工又冇 routine duties，咁又算唔算係半職呢？

究竟我可以定位自己係個咩媽媽呢？

終於，老公比左個定位我勒，就係…

少奶… 哈哈！ (咁既定位，令我飄飄然之餘，仲覺得自己好廢… )