早前提過老公同富二代合作攪生意，都傾到八八九九差唔多開波。本來菲菲好想加入幫忙做行政管理果 part，但係經我連日黎觀察所得，我應該加入唔到。原因好複雜，不過最基礎嘅一個原因係信心問題。可能係我嘅師奶形象已經深人民心，唔多似做得嘢嘅人，所以我遲遲都未能加入戰團。不過唔緊要，我都唔想攞苦黎辛，無謂因為呢D事而攪到不愉快。
好在最近比我發現有另一個人可以代替菲菲做呢個醜人 (不嬲做行政管理既人都係衰人，唔係醜人係咩！哈哈！)，呢個人係老公同富二代嘅共同朋友，富二代對佢信任有加。而呢個人做事比較穩陣，有佢睇住間公司，應該冇咩大問題。
今日同老公講起，老公誤會我對富二代有不滿。講真，我真係冇不滿。我只想攪好件事，在未有其他人選之前，我想親自幫老公手。既然富二代唔係好信得過我，而又有另一人可以勝任，就由其他人去做啦。我唔會因此而唔開心喎，仲好唔駛做，呵呵！
唔知係唔係菲菲兇悍霸道慣，老公一時之間唔適應我已經變成一個溫柔體貼既賢內助呢？哈哈！
沒有留言:
張貼留言