工時太長

香港人工時太長，導致精神壓太大，缺乏私人社交生活，減少和家人見面等等。如果我們認為一日工作十小時以上是「工時太長」的話，為什麼小朋友在每天放學後都要有不同的課外活動、興趣班、補習班？之後仲要溫書做功課，幾樣野加埋唔只十粒鐘喎！唔通一個小朋友應付壓力既能耐比成人強？定係小朋友唔需要社交生活？更加唔需要和家人相處？

為了自己的孩子起跑線比別人前，就要孩子們痛下苦功，幾歲人仔就要佢地深深體會咩叫「吃得苦中苦，方為人上人」。從小要他們適應急速的生活節奏、密密麻麻的時間表和有限的休息時間。其實有幾多個小朋友有咁好耐力，日操夜操都唔會累呢？定係唔敢累呢？密不透風的時間表，令人沒有喘息的餘地，亦沒有思考的空間。每天要盲目完成不同的目標，完成左之後係為咩呢？我估未必個個小朋友都答得出。


大家都知咩叫「己所不欲，勿施於人」，點解自己唔想工時太長，偏偏自己個小朋友的工時比自己仲長？好弔詭的邏輯！