同性三分親

雖然呢則係娛樂新聞，但係涉及既範疇真係唔細。宗教同埋同性戀都唔係一個可以開玩笑的話題，希望呢篇文章唔會令呢度收視率不尋常地上升啦。

先唔講宗教，菲菲唔係基督徒，冇資格去評論我不熟悉既宗教。就講同性戀…

呢十幾二十年來，菲菲都認識不少同性戀者，當中有男有女，唔知點解大部份都好 charming，佢地一出現就會深深吸引住菲菲。佢地會悉心打扮，一行出黎彷彿就係一顆明星，好有自信，社交得體，言詞有禮，其實我對同性戀者既印象真係唔錯！佢地都係追求真愛，不過對象係同性，所以一般人對佢地都存有奇異的目光。最近認識的一位女同志，唔單止承認自己既性取向，仲成日帶女友出黎見朋友，菲菲認為係一個好正面既做法。

性取向呢回事，講到尾都係好個人，如果佢真係對異性冇興趣，只喜歡同性，呢D都係佢自己既事，犯不著比異性戀者排斥。除左基督教，其實都有好多宗教反對同性戀，認為係違反天然定律。世上既事，有例就會有例外，有咩咁出奇？同性戀係你情我願之下產生的，反而異性戀仲多一廂情願既事，繼而導致不愉快既結果，究竟邊樣可怕D？其實又點會有定論？