奇怪的學生

在FB上見到有朋友話上堂好悶想訓覺，菲菲覺得好奇怪，出左黎做野自己比錢報 course，唔係自己有興趣先至上咩？點解上堂會想訓覺既？老師真係悶得咁緊要？

老公每星期都會教三班風水或八字，小班教學唔會多過十個人。一般情況咁少人上堂，可以學得更加多，因為老師有時間解決同學的個別進度問題。同埋學生人數少，大家自然變得好熟落，放學後會一齊食宵夜，學習順道聯誼。世事就係咁奇，依然係有某位學生十次有八次上堂都訓著覺。如果真係咁悶，上完初班就唔會上中班啦。但係佢又繼續黎上堂喎，真係令人費解。

以前返學就話必定要坐響課室啫，出左社會做野，學習呢d興趣班係想學先至會報，點解都可以堂堂訓覺呢？有冇人可以解答我呢個疑團呀？