有一種無奈叫做親戚

上回提到有親友叫我買額外的暑期作業比亞仔做，但我拒絕了。

早兩日，呢位親戚竟然自掏腰包買咗兩本暑期作業比亞仔。我真係 O 咀，學校叫佢做一本，你就買多兩本，我係唔係要講多謝㗎？亞仔一早做哂啲暑期作業，目的就係想玩，點知做哂又整多兩本黎，算唔算整古呀？

在佢角度可能係一番好意，我應該謝恩。但背後的影響係我來承受喎。呢兩本暑期作業，就好似你未收工就做好哂啲嘢等放工去玩，點知你老細臨收工再比 double 工作你，嗰種感覺唔會係好 welcome 吧？我唔想個仔覺得功課係 never ending，終有一天會谷爆。我唔谷，親友走黎谷，呢種無奈真係非筆墨所能形容！