大仔今年升K3，在家長會中校方提及今年的功課係以文字為主，所有功課必須由學生自己做，不可由家長代勞。可能大家有 D 奇怪，乜做功課唔係學生的責任咩？點解校方會講「不可家長代勞」呢？事緣由N班至K2的功課，好多都有「親子」成份。講得好聽就係親子功課，事實係 D 功課根本超出小朋友的能力範圍。例如︰三歲開始要做剪報，做完之後要回校分享新聞內容。你話一個三歲小朋友點做呀？即係亞媽做好，再教個小朋友回校 present 啦。
今年要準備入小學，所以學校要加大力度，講到明唔要家長做，要小朋友自己做。今日學校有份工作紙，係要小朋友訪問家庭成員一些生活瑣事，問題好簡單，答案都只係簡單的詞語。不過，當中有九成的生字，學校係未教過的。即係我要每個字，一筆一劃咁教亞仔寫，變相我 takeover 左教中文生字呢個 task，仲辛苦過做份剪報教亞仔 present。呢份「簡單任務」，我同亞仔足足努力了一粒鐘，做完之後大家都頂唔順要休息了。
仲有一半功課未做，明天我地要繼續努力了…
而家咩教育制度呀？如果父母忙於工作，冇時間教亞仔寫新生字，咁佢點交功課呀？我好想亞仔可以自己做功課呀，但幾時先至有返 D 正常程度的功課呀？
我两个表弟在美国也是这样，一些直到高中都还是父母帮忙完成science project.
回覆刪除那次我刚好住在他们家里几天，孩子们睡着了，姑父还在埋头苦干做他们的科学功课，反正我对科学也有兴趣就跟姑父夹手夹脚搞定它。
家长参与功课本来可以让小孩参与做一些超乎他们自身能力能够应付的难题，但如果功课是由家长包办的话，就本末倒置了。
如果要父母包辦整份功課，就失去了學習的意義了。今天我又花了一小時教亞仔寫一大堆學校未教的生字，唔怪得呢間學校課程看似平平無奇，都咁多人入名小學啦，原來係家長的功勞！ V.V"
刪除