突然的進展

冇諗過會咁快…

一般去協康會排期做評估都要半年，我交左表幾日左右，就有姑娘打電話黎話我只需排個半月就得。點知只係2星期，姑娘又打電話黎話比個快期我，今日我就單獨見了心理專家，同佢詳談小朋友的情況。

傾了個幾鐘，知道而家亞氏保加症係唔會獨立成科，係會歸納做自閉症。雖然我唔想自己小朋友被標籤成自閉症患者，但現在醫學趨勢係咁，我都冇辦法。傾完之後，心理專家都認為小朋友有自閉症傾向，值得做一次評估，亦好快地約了下星期四。

我唔太擔心個結果，我只關心該如何協助他，和為他選一所合適的小學，讓他快樂地成長。