加瘋

月初時，公司的業主提出加租要求。本來我地簽左一年生約，一年死約。但係業主在一年死約後，就提出要加租超過三十幾巴仙！一年就加咁多，如果佢年年都加三十幾巴仙，即係叫我搵地方搬姐！

今日打電話去傾下可唔可以加少D，同我傾的只係職員，話唔到事。我就探下口風，睇下可以傾到幾多。呢位職員口吻好似公務員咁，咩都答唔到我，叫我試下還價，睇下老板點答覆。佢唯一有講的就係︰「唔會比你減得幾多。」

同老公商議過後，決定中間落墨。我同呢位職員表示，不如只加十幾個巴仙啦 (十幾都好溶呀！頂！)，職員話會照同我話比老板知，不過機會好微云云。

救命！剛搬黎只一年，就加得咁兇狠，唔通剛落腳又搬過咩？呢D未叫做大石壓死蟹LOR！