暑期作業

七月仍未過，大仔已做哂所有暑期作業。有親友得知，就叫我買多幾本比佢做。

我都係改唔到串咀的性格，極速回咗佢一句：「買暑期作業？你係玩佢定玩我呀？」。親友無言，轉話題了。

今年我都有帶大仔去書展，一見到補充練習和教材即閃。我們係去搵三國演義漫畫，故事書同埋天文書籍的。要培養閱讀興趣，梗係要搵有趣嘅書啦。邊有人鍾意操卷㗎？完全違反生理同心理需要，我呢啲火星家長堅持唔谷 academic，我的火星孩子先可以搵到自己的興趣。

我是有點反叛的，認為要有動力 work hard，先要有空間 play hard。