2013年5月31日 星期五

合理待遇?

早半個月,我家工人剛續約不久,佢話收到風人工會加到 $4XXX,次次都係剛續約先至走黎加,感覺有D唔抵喎。早幾日,呢件事真的浮上面,何議員竟然為外傭爭取合理工資至 $4200!更(有傳係加至 $4500!

作為僱主的我,當然好唔想又加外傭的最低工資。佢地可以年年加人工,有幾多香港人可以年年加人工?香港打工仔,返工比老細鬧,為左一家生活,幾唔願意都會硬食。如果老細叫開OT,無論你有幾累,幾想見下個仔,都係因為要生活而頂硬上。打工人份人工,係唔包衣食住行,亦唔包保險,更加唔會包你交通費。

但係外傭嘛,佢唔LIKE就黑你面,某D家務唔想就就索性唔做,一係扮唔識做。佢地份人工係全包宴,傭主要包食包住包保險機票,香港通貨膨脹影響唔到佢地。如果工人表現不佳,有情緒問題等等,我地只係有得震冇得訓。奇怪地,外傭成日都有好多家事要處理,家鄉成日都有人受傷、死人、LUM樓等等。外傭的男人都喜歡包二奶,佢地又會打打下工想返鄉下睇住佢頭家。咁佢返左去睇佢頭家,我頭家點呀?仲要比埋機票送佢走。都未講機票價錢已經三級跳…

以上的事,全部係我親身經驗。

仲未計有部份不良女傭,會勾引男僱主、偷野、借財仔、在香港識男人攪大個肚、虐兒等等的問題,我真係睇唔到有咩理據需要加佢地人工。

有好多香港人,要公一份婆一份先至養到家,迫於無奈先至要請個外人黎照顧自己的小朋友。在香港要照顧一個小朋友已經好貴,由爭生仔床位,到搶奶粉尿片,醫療教育又要搶,最大鑊係幼稚園已經成為必然項目,學費年年加,但15年免費教育仲係未有著落。再要加外傭人工的話,香港人仲有能力撫養小朋友嗎?仲有人敢生嗎?

提出呢D垃圾建議的人,腦袋生草了嗎?

2 則留言:

  1. 可能环境不一样的吧,但挪威人一般都生两三个小孩,但又只有很少人会请工人。

    挪威请工人除了全包宴之外,还要给钱她去学挪威语,一学期都要四五千块港币。

    我到现在都没有搞清楚到底香港有什么特别一定要工人才能打理好头家。

    回覆刪除
    回覆
    1. 好多媽媽都想自己湊小朋友,但係香港生活太迫人,如果媽媽不工作,得爸爸一份收入,又要供樓,又要生活,小朋友讀書又貴之類,實在太吃力。香港的福利 (住屋、醫療、教育) 已經唔夠,仲有好多大陸人黎搶,唔夠人搶又係要比錢,少個人搵錢真係唔掂。定係叫香港打工仔都不要生小孩好了…

      有些人會交比老人家湊,但係又會擔心老人家體支不支、寵壞子女,繼而產生婆媳糾紛,又係另一個問題。如果比托兒所或育嬰院嗎?又係要爭一餐,因為這類服務供不應求。

      如果香港打工仔想生小朋友,又需要工作的,唔請工人就冇人湊。香港好特別,各方面的制度都千瘡百孔,港人都在夾縫中生存。大部份外傭僱主都不是有錢人,而是要為口奔馳的勞苦大眾,所以對工人的工資一加再加實不能認同。

      刪除