回到2001

早幾日，菲菲的多年好友 send 左張相去我 whatsapp 度。相中有年青的菲菲和年青的美女朋友，當時我地去左影貼紙相，相中印有 2001 的年份，12年前！

友︰執野時搵到，原來我有2張，你要唔要？寄比你丫。
菲︰好呀！

收到陳年貼紙相，望下張相再望下現在的自己，個樣完全變哂！12年前我都廿到尾，但相中的菲菲好似學生妹咁，笑得好燦爛，好純真。十二年後的今天，菲菲開始了下半生的旅程，做左三個小朋友的亞媽，成個人走哂樣，忽然覺得母愛真係好偉大，哈哈！

老公睇左張相，竟然話︰我覺得你而家靚D，果陣你都唔夠而家開心。

哈哈！究竟係氹我，定係讚緊你自己呀？

2001年，是我和老公相識六周年。當年我地係朋友，大家都經歷緊人生低潮。

2013年，我們相識十八周年，共同建立了一個熱鬧和溫馨的家。

我都係鐘意現在的情況多D！