現在是星期六上午11時半,我正身處山林道某補習社,等緊大仔放學,佢今日上的是普通話。
補習社有個 area 比家長同小朋友休息和等候,其他家長都在聊天,只有我百無聊賴,於是寫下 blog 打發時間。我和其他家長每星期都見面,大家都是認識的,但她們的話題我一句也搭不上。
她們交流如何跟進功課,可是我係唔跟功課的。功課係小朋友的責任,我只係檢查是否完成。反正而家只係幼稚園,佢地有本錢去錯,亦可培養佢地面對過錯的態度,所以我係唔干涉小朋友如何做功課,同家長們冇咩好交流。
一係會講各種才藝訓練同考試,我的小朋友咩才藝班都冇上,所以我唔識搭咀。另一批講英文考試,oh my god 我連英文文法班都冇報,呢個話題又唔關我事。
仲有一批講小朋友如何痴身,因為佢地只有一個小朋友,沒有弟妹做玩伴,當然只會痴住媽媽啦。我湊仔都湊得瀟灑過人,三個小朋友自己玩,我就可以做下自己嘢,冇佢地的煩惱。
總括而言,係我懶! XD
所以什么时候我都认为在香港开补习社和小孩培训班比开银行更赚钱。
回覆刪除香港的補習社真係多得驚人。
刪除哈哈,我得一個仔,但我同你一樣。。。
回覆刪除仔大仔世界~ XD
刪除我始終相信兒女自有兒女福,我地不必操心太多,佢地會搵到自己的路。