2014年11月10日 星期一

第一次備戰

明天開始,大仔開始第一次測驗。

在半個月前已開始幫佢溫習,在呢兩星期,我又學懂了一點點。學懂的當然不是知識啦,係點幫小朋友溫習。

我個仔唔會自動自覺溫書,連範圍係咩同如何溫習都唔知道。都好正常,畢竟係佢人生第一次測驗。評估過佢各科能力之後,我知道普通話同數學都可以唔溫,可以煩少兩科。餘下三科,中文最穩陣,其次係常識,最弱係英文。

為了令佢容易投入,我決定先溫中文,令佢在溫習中得到滿足感。在溫中文期間,滲少少英文生字比佢,等佢對英文有啲認知先。

溫完中文,就攻英文生字。呢段係最艱苦的時刻,因為佢成日撈亂啲字。咁我就每日同佢溫五個生字,雖然好慢,但佢漸漸記得啲字。

苦盡甘來,溫完生字溫常識。經過溫英文的艱苦之後,佢認為常識較易入手,好快就溫習好。在尾段,再同佢溫英文句式,因已有生字打底,感覺無咁困難。

呢兩日,為之前溫習過的作了個總結,有八成內容都記得。希望佢今次測驗可以穩步過關啦。

沒有留言:

張貼留言