星期五晚我和老公出街食下飯拍下拖，一返到屋企，工人面青青同我講亞女整親隻眼流血。當時嚇到心都離哂，老公即時走去睇下，看似係皮外傷。老公哄亞女玩，觀察佢狀況，我就問清潔究竟發生咩事。
我有 2 個工人，在傍晚時份我講明一定要有一個工人睇住班細路，尤其係我外出的時候。如果佢地睇住都玩成咁，只好怪我我小朋友太頑皮。而事實上，有一個工人在洗碗，而另一個負責看管小孩的工人就無啦啦自己走左入廁所，又唔通知另一個工人，於是班小朋友就處於無人看管狀態。就響呢個時候，亞女同細仔追逐，在廚房的工人聽到「嘭」一聲之後衝出黎，見到亞女受傷大哭。而廁所裡的工人仲未肯出黎。亞女眼角滲血，嚇到魂飛魄散。不久我地就返到，負責看管小孩的工人驚慌地坐在地上，唔敢講野。
當時心中係極之有氣，但都冇狠狠地鬧佢，只係同佢講︰「已經係第二次勒，係唔係每次都要出事你先至唔會自己走入廁所唔出聲呀？」。佢不斷道歉，但又有咩用？佢出年完約，到時唔會續佢就算。始終我經常晚上有事要外出，點都要有人睇實班細路。佢地仲細，我忍多\佢一年咁多啦。
老公睇左亞女一陣，應該係皮外傷，冇再流血，但眼肚腫了。我個心好疼，雖然佢係頑皮，但如果有人在場，點都會制止到。當時心中暗付，呢排除左必要的情況，晚上都係唔好出去了，真係信佢唔過。同亞女玩左一陣，就叫亞女早 D 訓啦。當晚心中忐忑，好夜先至睡得著。
翌日起床，工人話亞女眼角仲有血水滲出，嚇到我立刻帶亞女去急症室。星期六的急症室迫滿了人，我估要等好耐先至有得睇。咁我就打電話去搵睇開的醫生，講明係眼晴受傷都話要收工，叫我下午四點半再去。我實在唔想等，就搵老公救求。不久我收到一個學生來電，話可以找她的視光師朋友看看。其實搵視光師並不是我的即時解決辦法，而呢位學生係有學順勢療法的，我即管問下佢有冇時間幫我睇下。真好彩，佢好快就過黎同我個女睇，
幸好真係皮外傷，佢開了一個療劑，飲了一次，眼部已不再滲血，腫亦慢慢消了。今天星期日，一起床去睇亞女，情況好轉得好快，我諗食埋今日一劑，明天應該會冇事。
我一向都不太 buy 西醫的一套，不過講到受傷，就一定會去搵西醫。今次事件，令我對西醫更加沒有信心，去公營醫院就迫爆咁多人，搵私家醫生又話要收工，等佢地救命真係大鑊。好在我都認識好多不同種類的醫師，不需要依賴西醫。早排我的小朋友染上手足口病，中醫和西醫都話藥只係減輕病情，不是甚麼治療。只有學順勢療法的朋友可以肯定地比到解決方法我。我同小朋友試過，不需 2 日，手足口病真的痊癒了。
事實上有好多不同的療法都比西醫有效果，點解小朋友有病，一定要去睇西醫？
防患于未然，你大仔都要去小学了，可以考虑慢慢教会他一些责任感，譬如没有大人在的时候他要负责弟妹的安全，排解纷争等等。
回覆刪除多了责任当然也多了回报，假如一切安好，就奖励他，鼓励他的行为。
当然刚开始效果不明显，但这个简单的leadership练习对他日后很有帮助。
我大儿子还差半个月四岁，叫他看管他那半岁的弟弟，我下楼扔垃圾。回来的时候看到弟弟在哭，而他不理电视正在播放的卡通片而很努力的试图安抚弟弟，当时就给了他一个冰淇淋作为奖励。
你的兒子好乖呀！
刪除我諗要再努力 D 去培養下佢的責任感。其實我都有教佢照顧弟妹，有時都做得到既，不過當細佬妹打交時佢會行埋一邊，可能佢怕事掛… =.="
怕事，可能是因为之前一些类似情况处理有点问题。
回覆刪除责任跟权利是手牵手的，这个我们成年人是最了解不过的。
大儿子有责任看管弟妹，那他也该有足够的权利去执行他的责任。譬如弟妹如果打架，不听话，做危险事情等等，大哥可以告诉爸妈，让爸妈来判赏罚。
当然，先决条件是大哥是个诚实的人，而诚实不撒谎正是我现在重点培训的一环。