星期四帶大仔上數學班後,老師特意走出來和我談了幾句。她說我的兒子學習能力很高,學得比別人快,但是欠缺耐性和不擅與人溝通。他上堂好像發白日夢,老師叫了他好幾次都沒有理會,但作業卻做得快而準。老師懷疑他是資優生,叫我帶仔去 check 下 IQ。
聽了之後,有種很奇怪的感覺。我是知道有資優生這東西的,不過不知道甚麼才算是資優。看看網上資料,覺得大仔似係但又唔係百份百係,攪到我好迷惘。今天帶大仔上普通話班時,見其中一位老師有餘暇,就問下佢關於資優生的事。呢位老師的反應好得意,佢不屑一顧咁話︰「乜有人話你個仔似資優咩?千其唔好比學校知呀,好多小學都唔收資優生GA,佢地冇資源去幫你GA!」之後就黑面轉身走了。
首先,我只係做下資料搜集,我都未去求證,點知個仔係唔係資優姐。駛唔駛擺出一副「劃清界線」的咀臉呀?仲有,香港的資優生好似被受歧視咁喎,又話學校唔收,又話比人標籤,而家唔准人高智商咩?
看到 Desertfox 的文章,對資優生的情況總算有個大概瞭解,都認為不防帶大仔去 check 下,至少心中得個明白。如果他真的是資優,就要計劃一下如何發展他的長處,如果不是,就要認真處理一下他的散漫作風。
但可悲的是,香港的老師們都摒棄與正常有別的學生。正如我前文所想,我已經是「去了錯的地方」,我不想自己的孩子都跟我一樣,明明係火星人,做咩黎地球姐?